Éxodo 16:35 - La'aqtaqa Ñim Lo'onatac 'Enauacna 2013

³⁵ Huaña, nache so Israel le'ecpi chectac aso maná choche ivittraue'c soua cuarenta vi'iye, choche ivitta'a co'ollaq somayepi ivita ye 'alhua maye mashe qanayeetalec. Qaq 'era da 'eetec somayepi co'ollaq chectac aso maná, choche ivittaua'a so loigue ye 'alhua Canaán.

Éxodo 16:35 Referans Kwoze

Josué 5:12

Qataq nache vichigui co'ollaxa da vi'iiguet aso maná maye chegoqo'ot na piguem. Huaña nache se'eso vi'i, so Israel le'ecpi chegoqchiguiña da chectac na ala na nañiguishec maye nañaxattalec yi'iye 'alhua Canaán.

Deuteronómio 1:8

Cha'aye Aỹem, qami' sanema da qaralamaxache, qaq nache qoqui da yaqto' qoñiỹalec yemaye, cha'aye sanem co'ollaxa da ỹa'aqtac so Abraham, Isaac qataq so Jacob da sanem yi'iye 'alhua qataq nam chegoxoguetpi soomaye.›»

Nehemías 9:15

Qataq 'anamaxa so nallec maye chegoqo'ot na piguem da yaqto' vi'iguet na lqouaxa, qataq 'aỹa'anem so 'etaxat 'auachegoxotaigui aso coma', da yaqto' vi'iguet so laquip lamaic. Qataq 'aỹa'anem ye 'alhua, maye 'auachaxanapeguem co'ollaxa da 'aỹa'anem.

Números 33:38

Qaq huaña co'ollaxa yemaye nache Ñim Nataxala' 'enapega so ntaxaỹaxanaxanec Aarón, da tasheguema añi qasoxonaxa Hor, qaq nache huaña añimaye da ileu so Aarón, so la'auaxanec na'a'q so ca'agoxoic cinco se'esoua cuarenta vi'iye, chegoqta'a co'ollaq ca'ai ye Egipto so Israel le'ecpi.

Hechos 7:36

Qaq nacheso so Moisés so nqateeguesop ye 'alhua Egipto so hua'au qarta'alpi. Qataq nacheso so ỹo'ot nam sa qaỹauanapigui qataq na na'anecpi yi'iye 'alhua, qataq co'ollaq huaña aso Auaxai Togaxarai, qataq so toolec 'alhua se'esoua cuarenta vi'iye.

1 Corintios 10:3

Nataqa'en 'enauac somayepi chectac so nallec maye chegoqo'ot Ñim Lo'onatac 'Enauacna.

Números 32:13

Nache Ñim Nataxala' dalemataỹa co'ollaxa na Israel le'ecpi, nache choche coleeteguelec naqa'en ye toolec 'alhua soua cuarenta vi'iye, nache ivitta'a da nmichiguiñi so shiỹaxauapi maye sa ỹalaxaguet co'ollaxa Ñimaye.

Deuteronómio 2:7

Cha'aye Ñim Nataxala' maye Qanatamnaxala'ai, huo'o co'ollaxa da lqouagaxanaqtaic da qoñiita souaxat nam ishet da qauo'oche, qataq qami' ntela'alo 'enauaque se'esoua cuarenta vi'iye da qoquiitalec ye toolec 'alhua, qataq qaica ca qaviñiitaique naqa'en.»

Deuteronómio 8:4

Qaq se'esoua cuarenta vi'iye saishet da huo'otaq ltoi' soua qorogolle' maye qaỹa'añeetrañi, qataq saishet da nalaua't naua qarapia'achilli'.

Deuteronómio 29:4

Qalaxaye ivitta'a nagui da Ñim Nataxala', saxanaxa da ỹo'ot da lauattonaxanaxac naua qarquiyaqchilli', qataq saxanaxa da nauaayiñi naqa'en naua qara'ai'chilli', qataq saxanaxa da hua'axai' naua qartelai.