Éxodo 16:32 - La'aqtaqa Ñim Lo'onatac 'Enauacna 2013

³² Ime, nache so Moisés 'enapeco': «'Era da ỹan la'aqtac Ñim Nataxala', 'eeta': Qauachiỹangui qome aca naloqnaxanaxaqui maye ivi' dos kilos ana maná. Ime, qaq qauaỹamaxache yaqto' lmeena ca qaỹa'alquipi, yaqto' camayepi ishet qome da ỹauatton nam nallec maye qami' sequia'axategueeque co'ollaq qoviitalec na toolec 'alhua co'ollaq qami' ñeqateeguesopa ye Egipto.»

Éxodo 16:32 Referans Kwoze

Salmos 105:5

Qataq qauennachiỹa'a na ỹo'ot da na'aalaxa maye ỹo'ot co'ollaxa, qataq na lapaxañi lataxacpi maye ỹan co'ollaxa Ñimaye.

Lucas 22:19

Qaq co'ollaq ime, nache ỹacona aso nauole 'ayiiña, nache ỹanot da na'achec Ñim Lo'onatac 'Enauacna. Ime, nache icolaxachigui, nache ỹanoiguilo soomaye, nache 'enapeco': «'Ena na maiche ỹo'ocỹaxac maye qoỹaneguet da nalaataguec, souaxat da qoñiita. Qaq qauo'ocheetaco' qome damaye, yaqto' saishet da Aỹem qaucoviỹa'ai.»

Hebreos 2:1

Qaq ỹoqo'oye qomi' iuen da ỹataqta sauoqo'o da qarqochoxo da na'aqtaxanaxac maye chegaqaigui da nca'alaxa maye sa'axasoqchigui, yaqto' saishet da qolaqa'ai so nqa'aic maye qomi' ỹachaxanalo Ñim Lo'onatac 'Enauacna.

Hebreos 9:4

qaq nache hueta'a aso nca'atoxonaxalate maye chegaqaigui na oro maye nca'atoxolate na nchenaxanaxat ama na laita, nataqa'en aso laỹe' da aỹamaxataxac maye imauec da qalapaxalec na oro. Qaq asomaye, nache huetagui aso no'onatole maye chegaqaigui na oro, asomaye huetangui aso nauole le'enaxat maná. Nataqa'en aso lashelte so Aarón maye ñaxatec co'ollaxa qataq soua coma'ye maye nanettaleguete soua diez lamaxasoxonaxaco Ñim Lo'onatac 'Enauacna.

Éxodo 16:16

Qaq 'era da ỹan lamaxasoxonaxac Ñim Nataxala', 'eeta': «Ñi 'oonolec qome da qoñiita ỹacona ca nalota'ai' da chec, qataq ñi 'oonolec maiche naloqten ca lcata ca llalaqpi, qaq dos kilos qome ca ỹacootaua'a ñi 'oonolec.»

Éxodo 16:31

Nache so Israel le'ecpi ỹamata'ac maná se'eso nallec maye natotac. Asomaye lapagaxai, 'eeta'am ana ala ana cilantro, qataq ỹataqta ama 'eeta'am ana sanquesaxan nauole 'ayiiña da qaỹalecneguet na te'esaq lli'i.

Éxodo 16:33

Nache so Moisés 'enapega so Aarón, 'eeta': «'Auauo'o qome aca 'auacona aca naco'oña 'alhua, ime, qaq 'auachangui ca dos kilos ana maná. Ime, qaq 'auachaña ye lanataqa' Ñim Nataxala', da yaqto' qaỹaỹamaxat da lmeena ca qaỹa'alquipi.»

Jeremías 7:23

Qaq nacherata da samaxalec, da Aỹem ỹalaxaguet, qaq da 'eetec de'era, qaq nachaỹem da Aỹem Natamnaxala', qataq nache ỹalamaxat se'eso nhuo' le'ecpi. Qaq shenapega somayepi da ỹalaxalec dam samaxalec yaqto' no'on da llecỹaxac.

Oseas 11:4

Qaq Aỹem serolec co'ollaxa da huesotta ỹauotaxanaqtaic da ñaueguela't namayepi, qataq ñesoxouo, 'eeta'am ca nogotolec maye ñaq lleptac, nache ñeqateeguesop na qapa'atta maye npeetague' namayepi, nache sanem na aloq da sequia'axaatac.