Éxodo 16:28 - La'aqtaqa Ñim Lo'onatac 'Enauacna 2013

²⁸ Nache Ñim Nataxala' 'enapego' so Moisés, 'eeta': «¿Chaq laguio', qaq qami' qaỹa'axañiiñi da sa qaualaqailec na ỹamaxasoxonaxacpi qataq na ỹapaxaguenataxanaxacpi?

Éxodo 16:28 Referans Kwoze

Salmos 78:10

Saishet da ipaguelec da la'aqtac co'ollaq naỹamaxate' Ñim Lo'onatac 'Enauacna qataq saishet da ỹalaxalec da lapaxaguenataxanaxac Ñimaye.

Salmos 106:13

Qalaxaye saqaỹaloq co'ollaxa da icoua'ai na ỹo'otpi Ñimaye, nache sa iuata'a nam huotaique ỹo'otpi Ñimaye.

Ezequiel 20:13

Qalaxaye namayepi Aỹem dataỹa'aguet co'ollaq huaña ye toolec 'alhua, nache sa ỹalaxaguet na iqataxacpi, qataq saỹaconeguet nam ỹamaxasoxonaxacpi maye sanem co'ollaxa, da yaqto' da ipaqueelec namayepi nache huo'o da lca'alaxa, qataq ishepaxanaqchet co'ollaxa ye na'a'q mataxaqui maye ỹalamaxat. Qaq huaña co'ollaxa nache huo'o da iuennataxac da sematalec namayepi da ỹayeloxo, qataq da ñematchiguiñi da huaña ye toolec 'alhua,

2 Reyes 17:14

Qalaxaye somayepi saishet co'ollaxa da ỹalaq, nacherata da ỹataqta qaramchigui, 'eeta'am so hua'au lta'alpi, da saishet da ỹa'amaqten Ñim Nataxala' maye Natamnaxala'.

Números 14:11

nache Ñim Nataxala' 'enapega so Moisés, 'eeta': «¿Che laguio' da ỹaxaañi da Aỹem inogoqchettac ne'ena shiỹaxauapi? Qataq ¿Chaq laguio' da ỹaxaañi da Aỹem sa ỹa'amaqten, qamaq qalota so sachaxana na'anecpi?

Marcos 9:19

Nache So Jesús 'enapeco': –¿Ta'ainco' ye sa qauaỹaañi da qaupi'iỹa'ai Ñim Lo'onatac 'Enauacna? ¿Peta'a ỹapac da saishet da huo'o ca qauañoxoche da saishet da qami' soota'agueta? ¡Ñaq Aỹem qanaviquiỹa na nsoq!

Ezequiel 20:16

cha'aye saỹaconeguet co'ollaxa na ỹamaxasoxonaxacpi, qataq saishet da ỹalaxaguet na iqataxacpi, qataq ishepaxanaqchet ye na'a'q mataxaqui maye ỹalamaxat, cha'aye da lquiyaqteỹaxac ca'attague' nam lqolacpi.

Ezequiel 5:6

Qalaxaye namaye sa ỹalaxaguet co'ollaxa na iqataxacpi qataq na ỹamaxasoxonaxacpi, nache da lle'etaxaloxo ỹataqta napacalec na nhuo' le'ecpi qataq na ỹotta'a't shiỹaxauapi maye lauoreuapi namayepi, cha'aye saishet da ỹalaxaguet na iqataxacpi qataq saishet da quegue na ỹamaxasoxonaxacpi.

Jeremías 9:6

naralaxat da lataxac. Ñim Nataxala', 'enapec: «¡Namayepi nlaxagui da natenataxanaxac, qataq qaica ca qairen! Na ỹalamaxat nhuo' le'ecpi aỹem saỹauatton.

Jeremías 4:14

'Am Jerusalén, ñaq 'auỹoueeguesop na qauem añi 'arquiyaqte, yaqto' 'anca'alec. ¿Chaq laguio', qaq 'axanec na qauem nhuennataxacpi maye huetaigui na 'arqaic?

Isaías 7:13

Qaq huaña nache so Isaías, 'enapec: «Aỹem qana'axaỹaxañiỹa nagui, qami' llalaqpi so David! ¿Peta'a qaupi'itaxañiitega da saq 'amaqtaq da sa qaualemaxache na shiỹaxauapi, ye nataqa'en huotaique da sa qaualemaxache Ñim Ñatamnaxala'?

Isaías 7:9

Ye nỹecpi ye Samaria nacheye ye netaña na nta'alpi ye Efraín, qaq so llalec so Remalías nacheso so nata'a ye Samaria qaq qami' da saishet da aỹem qaua'amaqchiñi, nache qaica qome ca no'onañi da qoñeeta.»

Salmos 78:22

Souaxat da saishet da pi'iỹa'a Ñim Lo'onatac 'Enauacna, qataq sa ỹa'amaqten da ltaunaxanaxac Ñimaye.

Números 20:12

Nache Ñim Nataxala' 'enapega so Moisés qataq so Aarón, 'eeta': «Qaq souaxat da saishet da huo'o ca qarpi'iỹaxaqui Aỹem, qataq saishet da Aỹem qavio'oxoyiñi da ỹauaachigui qanqa'eñi na Israel le'ecpi, nache saishet qome da qarỹaiteuo ne'ena shiỹaxauapi qom inoxoneua'a ye 'alhua maye sanem namayepi.»

Éxodo 10:3

Nache so Moisés qataq so Aarón, nqo'ooreua'a so faraón nache 'enapegalo', 'eeta': «Ñim Nataxala' maye Natamnaxala' na hebreopi da la'aqtac, 'eeta': ¿Chaq lagui qaq 'am ishet da 'aỹa'axaañi da 'anapagaqaanaxac? 'Aua'aqta'a qome da jec na ỹalamaxatpi, da yaqto' Aỹem natamnot.

Éxodo 16:27

Qalaxaye huo'o somayepi so ỹe'eguenauga se'eso nallec se'eso na'a'q siete, qalaxaye saishet da huo'o ca ỹanata.

Éxodo 16:29

Ña qauloỹa'a ctaxa da Aỹem maye Aỹem Nataxala', qami' sanema ye 'oonolec na'a'q da mataxaqui, qaq ỹoqo'oye da inoxoorec naua seis na'axa'te, nache nalaiguilo naua dos na'axa'te na qami' sanema na nallec. Qaq ỹoqo'oye ye na'a'q mataxaqui, nache ñi 'oonolec da qoñiita saishet qome da iraxan ca lma', qataq saishet da huo'o ca taigue.»

2 Reyes 17:15

Nache saishet da ỹaconeguet nam lqataxacpi, qataq da naỹamaxataxac Ñimaye co'ollaq naỹamaxate' so hua'au lta'alpi, qataq na lamaxasoxonaxacpi maye ỹanem somayepi. Nache somayepi natamnot so saq 'en atamnaxala'pi maye qaica ca naigui, nache somayepi ivira'a da nataqa'en qaica ca naigui, souaxat da ỹe'enaxat da lataxac so ỹotta'a't shiỹaxauapi maye lauoreuapi, maye Ñim Nataxala' saỹashenem co'ollaxa somayepi da ỹe'enaxat.