Éxodo 16:25 - La'aqtaqa Ñim Lo'onatac 'Enauacna 2013

²⁵ Nache so Moisés 'enapeco': «Qolliqui anamaye na na'a'q, cha'aye ne'ena na'a'q namaye mataxaqui, qataq laloxoqui da qaỹo'oxoren Ñim Nataxala'. Qaq ỹoqo'oye na na'a'q saishet da huo'o ca qauloỹalec nallec na no'onaxa.

Éxodo 16:25 Referans Kwoze

Éxodo 16:23

Qalaxaye so Moisés 'enapega somayepi, 'eeta': «'Era da la'aqtac Ñim Nataxala'. Qonte' laloxoqui da mataxac, qataq da qaỹo'oxoren Ñimaye. Qaq ỹoqo'oye nagui qauauoche qome cam qauauoitaique da qauauoche, qataq qaỹa'añiiuaq cam qauauoitaique da qaỹa'añiiuaq. Ime, qaq qauaỹamaxache ca no'onañi da taỹaigui imauec qonte'».

Nehemías 9:14

Qataq 'auapaxaguenec da huo'o naq 'enec naqa'en ye na'a'q mataxaqui, qataq chegoqchigui so 'aramaxashec Moisés da 'aỹa'anem na 'aramaxasoxonaxacpi, qataq naua 'alapaxayiñi lataxaco, qataq na 'arqataxacpi.

Éxodo 16:29

Ña qauloỹa'a ctaxa da Aỹem maye Aỹem Nataxala', qami' sanema ye 'oonolec na'a'q da mataxaqui, qaq ỹoqo'oye da inoxoorec naua seis na'axa'te, nache nalaiguilo naua dos na'axa'te na qami' sanema na nallec. Qaq ỹoqo'oye ye na'a'q mataxaqui, nache ñi 'oonolec da qoñiita saishet qome da iraxan ca lma', qataq saishet da huo'o ca taigue.»

Éxodo 16:24

Nache somayepi ỹataqta ipactelec da la'aqtac so Moisés da ỹaỹamaxat so nallec da taỹaigui so lỹa na'a'q. Qaq saishet da qauem na laita qataq saishet da huo'o na qoche'l.

Éxodo 16:26

Qami' ishet da qandoitapegueuo ne'ena nallec, choche ivittraue'c naua seis na'axa'te, qalaxaye da ivireuga ye na'a'q siete maye mataxaqui, nache saishet da huo'o anamaye.»