Éxodo 16:23 - La'aqtaqa Ñim Lo'onatac 'Enauacna 2013

²³ Qalaxaye so Moisés 'enapega somayepi, 'eeta': «'Era da la'aqtac Ñim Nataxala'. Qonte' laloxoqui da mataxac, qataq da qaỹo'oxoren Ñimaye. Qaq ỹoqo'oye nagui qauauoche qome cam qauauoitaique da qauauoche, qataq qaỹa'añiiuaq cam qauauoitaique da qaỹa'añiiuaq. Ime, qaq qauaỹamaxache ca no'onañi da taỹaigui imauec qonte'».

Éxodo 16:23 Referans Kwoze

Levítico 23:3

Qami' qauo'onataxañi qome caua seis na'axa'te, qalaxaye da ivireuga ca na'a'q siete, nache saishet qome da qauo'oche ca camachaqca no'onatac. Cha'aye que'eca na'a'q mataxaqui qauo'oche ca naponaxac da yaqto' Aỹem qavio'oxoyiñi. Nache na'aictaxa cam qoñiita'ague ana 'alhua, qalaq qauỹochiỹauga que'eca na'a'q mataxaqui, da Aỹem qavio'oxoyiñi.

Éxodo 31:15

Nache seis na'axa'te da huo'o ca qaỹo'ot no'onatacpi, qalaxaye da ivita ye na'a'q siete, nache mataxaqui. Qaq da huo'o ca shiỹaxaua da do'onataxan yi'iye na'a'q mataxaqui nache camaye qaỹalauat›.

Lucas 23:56

Nache co'ollaq ỹe'eguelaxareua'a ca lma't, nache iqataxaarai' som coraxat da ỹauotaique da lcoraxat so lo'ocỹaxac So Jesús. Ime, nache nmatre'c se'eso na'a'q mataxaqui, qaipactelec da lamaxasoxonaxac so Moisés.

Éxodo 23:12

Da huo'o ca 'auo'ot, qalaq 'aviraxattrec 'enauaque caua seis na'axa'te, qalaxaye ca na'a'q siete, nache 'anmatec, yaqto' nataqa'en ishet da nmatec ca 'arauegaxanaxala'pi huacapi, qataq ca 'arelopi 'ashenapi, nataqa'en ca 'arlatac, qataq cam chegaqauec.

Apocalipsis 1:10

Qaq huetoigui so na'a'q maye laloxoqui da qaỹo'oxoren So Qarataxala', co'ollaq aỹem souaigui da la'añaxac So Saqcha'a Na'añaxac Qui'itta. Nache sa'axaỹa co'ollaxa so lta'araic nvilỹaxac, chemaxague na ilaq, 'eeta'am da l-lamaxa ana nasheere.

Números 11:8

Qaq so shiỹaxauapi ỹe'egueetegueuga naxa aso maná, ime nache ilaxachigui ỹauota'a na coma', huo'otaq ana 'araxanaxaqui, qaq naxa da ime, nache ỹaneuaq ỹachangui ana taxaqui da ỹo'ot nauolepi.

Éxodo 16:19

Ime, nache so Moisés 'enapega, 'eeta': «Saishet qome da huo'o ca no'onaxatañi ca aloq da iviraigui ca lỹa na'a'q».

Deuteronómio 5:12

Qataq huo'o naq 'enec qanqa'eñi qome ye na'a'q mataxaqui, da ỹataqta qavio'oxoyiñi Ñim Nataxala' maye Qanatamnaxala'ai, nache ipacchigui qanqa'eñi da lamaxasoxonaxac.

Nehemías 9:13

Ime, qataq 'aunotec nache qonetasheguema na pa'asheguem añi qasoxonaxa Sinaí, qataq 'autaxaỹapegue' somayepi co'ollaq qoneto'ot na piguem, qataq 'aỹa'anem so ỹaỹamaqchigui lataxacpi, qataq so no'oitegue 'arqataxacpi, qataq naua ỹaỹamaqchiyiñi lataxaco qataq naua 'aramaxasoxonaxaco.

Nehemías 9:14

Qataq 'auapaxaguenec da huo'o naq 'enec naqa'en ye na'a'q mataxaqui, qataq chegoqchigui so 'aramaxashec Moisés da 'aỹa'anem na 'aramaxasoxonaxacpi, qataq naua 'alapaxayiñi lataxaco, qataq na 'arqataxacpi.

Jeremías 17:22

Qataq saishet da qauachegoxochiỹaigui ca qarmaye da qanqachiiuec ca qaya'aqui ye na'a'q mataxaqui, qataq saishet da huetoigui qanqa'eñi yemaye da qauo'oche ca qaro'onataqui. Qauỹochiỹauga qome da ỹalamaxat ye na'a'q mataxaqui, ipacchigui qome dam samaxalec co'ollaxa so hua'au qarta'ailpi.

Números 11:7

Qaq aso maná 'eeta'am ana ala ana cilantro, qataq qovialec da lo'oxoỹaxac, 'eeta'am na qo'oipaq lcha'q.