Éxodo 16:21 - La'aqtaqa Ñim Lo'onatac 'Enauacna 2013

²¹ Huaña, nache ñi 'oonolec ỹacootaua'a ye nte'eta yem nalota'ai' da chec ye na'a'q, cha'aye na le'eraxa añi nala' quiguiñi naqa'en so nallec maye 'eeta'am ana aloñi.

Éxodo 16:21 Referans Kwoze

2 Corintios 6:2

Cha'aye Ñimaye, naua la'aqtaqa maye nanettrañi, 'eetra': «So na'a'q maye ichoxonnataxanaxaqui, qalaq 'am sa'aqtega; qataq so na'a'q maye huetoigui da seca'alaqtaxan, qalaq 'am setauan.» Qaq nachena na na'a'q nchoxonnataxanaxaqui; qataq nachena na na'a'q nca'alaqtaxanaxaqui.

Juan 12:35

Nache So Jesús 'enapega somayepi, 'eeta': –Ñaq cara'acolec da qami' hueta'agueta nam lcoỹaraqte ana 'alhua, qalaxaye sa qaỹaraue'c caua na'axa'te da qami' hueta'agueta. Qaq ỹoqo'oye qauqueuoitapigui' nagui da ñaq huo'o na yo'oqchiguiñi, yaqto' saishet da qami' ique'elaxa't ca napalaxa. Cha'aye cam queuotapigui na napalaxa, camaye saishet da ỹaỹaten cam tata'ague.

Mateo 6:33

Qaq ỹoqo'oye ỹactec da 'onaxaic da qauauattoñiita Ñim Lo'onatac 'Enauacna da nachaqñita ỹactec da la'amaqchec da Nta'a, qataq da qauo'oche dam 'eetapeguec Ñimaye. Nache 'enauac na laỹepi maye qaviñiitaique qami' ỹanema Ñimaye da ivita ca laloqo'.

Eclesiastés 12:1

Qaq 'auennata'a Ñim 'am Lo'onatac nagui da ñaq 'am nsoqolec, qataq nagui da ñaq saxanaxa da nvildeuo caua na'axa'te maye huo'o da lqalai'c, qataq caua vi'iye maye huaiguilo qome da qonapec, «ỹataqta qaica ca ỹamaicỹaxac naua vi'iye maye sootaiguilo.»

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Éxodo 16:20

Qalaxaye ñaqaiyeta huo'o so saishet da ỹalaxaguet so Moisés, nache huo'o so no'onaxatañi na aloq da yaqto' iviraigui so lỹa na'a'q. Qalaxaye se'eso qano'onaxatañi nlaxagui na qoche'l, qataq qauem na laita. Nache so Moisés ỹataqta dalemataỹa somayepi.

Éxodo 16:22

Qaq naxa da ivireuga ye na'a'q seis, nache ñi 'oonolec ỹaconeua'a ye cuatro kilos da yaqto' nalaiguilo soua dos na'axa'te. Nache nam nataxala'pi jec da da'aqtaxaneua'a so Moisés.