Éxodo 16:20 - La'aqtaqa Ñim Lo'onatac 'Enauacna 2013

²⁰ Qalaxaye ñaqaiyeta huo'o so saishet da ỹalaxaguet so Moisés, nache huo'o so no'onaxatañi na aloq da yaqto' iviraigui so lỹa na'a'q. Qalaxaye se'eso qano'onaxatañi nlaxagui na qoche'l, qataq qauem na laita. Nache so Moisés ỹataqta dalemataỹa somayepi.

Éxodo 16:20 Referans Kwoze

Hebreos 13:5

Qataq saishet da ỹaguec da qarhuogoqoi da qanaviqui aca anom. Nachaqrata da qantoñiitapeguec cam qami' hueto'oto, cha'aye Ñim Lo'onatac 'Enauacna 'eeta' da la'aqtac maye nanettalec ana nere maye huetalec na la'aqtacpi Ñimaye: «Saishet da 'am seỹotec, qataq saishet da 'am salat.»

Efesios 4:26

Qaq da huo'otaq qaualematai, qalaq saishet da qanashiñiiuo da ỹo'ot ca qarasouaxashechi. Qataq de'era qaralemataiqui saishet da imauec ca 'oonolec na'a'q,

Lucas 12:33

Qaq qaumiñi qome na qami' hueto'oto. Ime, qaq qaỹa'añim nam deuenaxaatapigui'. Ime, qaq qauo'oche cam qarachoxonaxaquii maye saishet da lto qataq ca nsallaxa hueta'ague da piguem maye saishet da imeuo, qataq saishet da inoxoneua'a cam cachaxaic, qataq saishet da chec ca lalaxat.

Lucas 12:15

Ime, nache ỹamataigui som hueta'a yi'iye, nache 'enapeco': «Maxatchaxa, qarvichiỹa'aguet da nqopitaxanaqtaic da nsallaxa, cha'aye da nachaalataxac ca shiỹaxaua saishet da ỹachegoxotaigui nam saqalota lsallaxa maye hueto'ot.»

Marcos 10:14

Qaq So Jesús co'ollaq ỹauaachigui de'era, nache dalemataỹalo soua lapaxaguenataqa. Nache 'eetegalo soomaye, 'eeta': «Ña qauaqaita'a na ñaqpiolec da Aỹem naua'a, saishet da sa qanashiñiiguet, cha'aye da lo'onataxanaxac Ñim Lo'onatac 'Enauacna, taigui cam 'eeta'am da lataxac ne'ena ñaqpiolec.

Marcos 3:5

Nache So Jesús ỹataqta dalemataỹa som datataiguipi, qaq co'ollaq ila'a da lquiyaqteỹaxac somayepi da ỹataqta qaramchigui qataq qaica ca lsoxoyec, nache huo'o da laquicoxo. Nache 'enapego' so sano'on, 'eeta': «'Anchennaxanec na 'arhuaq.» Nache se'eso ỹale nchennaxanec na lhuaq, nache no'oita.

Mateo 6:19

Saishet qome da qalapoñiitasheguem da qarsallaqai ana 'alhua, cha'aye damaye ishet da deqat qataq ilaxachigui na lalaxat, qataq nataqa'en na cachaxaicpi ishet da decachiỹa.

Números 16:15

Nache so Moisés ỹataqta dalemata, nache 'enapega Ñim Nataxala', 'eeta': ¡Saishet qome da 'auaconeguet da 'Am ndoua'a aca lachetaqtaxanaqte namayepi! Cha'aye aỹem, saishet da sacona ca 'oonolec 'ashena maye lalamaxat namayepi, huo'otaq da so'otec ca qauem.

Números 12:3

Qalaxaye so Moisés ỹataqta huesota da lataxac, qaica ca 'ena'am na shiỹaxauapi, maye netalec ana 'alhua.

Éxodo 16:19

Ime, nache so Moisés 'enapega, 'eeta': «Saishet qome da huo'o ca no'onaxatañi ca aloq da iviraigui ca lỹa na'a'q».

Éxodo 16:21

Huaña, nache ñi 'oonolec ỹacootaua'a ye nte'eta yem nalota'ai' da chec ye na'a'q, cha'aye na le'eraxa añi nala' quiguiñi naqa'en so nallec maye 'eeta'am ana aloñi.

Éxodo 16:24

Nache somayepi ỹataqta ipactelec da la'aqtac so Moisés da ỹaỹamaxat so nallec da taỹaigui so lỹa na'a'q. Qaq saishet da qauem na laita qataq saishet da huo'o na qoche'l.