Éxodo 16:15 - La'aqtaqa Ñim Lo'onatac 'Enauacna 2013

¹⁵ Qaq co'ollaq ila'a so Israel le'ecpi, nache nnattega't, 'eeta': ¿Negue't ana'ana? Cha'aye saishet da ỹauatton. Qalaxaye so Moisés 'enapeco': «Nachena na nallec maye qami' ỹanema Ñim Nataxala', da yaqto' qollequi.»

Éxodo 16:15 Referans Kwoze

Éxodo 16:4

Nache Ñim Nataxala' 'enapega so Moisés, 'eeta': «Aỹem ñanacot qome ca nallec chegoqo'ot na piguem 'eeta'am na auot. Qaq na shiỹaxauapi ỹe'eguenauga qome ca nalota'ai' da chec ye na'a'q. Aỹem sauotaique da saỹaten ca ỹoqta ỹalaxalec da iqataxac qataq ca saishet da ỹalaq.

Juan 6:58

Qaq Aỹem sa'axattac aso nauole maye chegoqo'ot na piguem. Qaq asa'aso nauole, asomaye saishet da 'eeta'am aso maná, maye chectac co'ollaxa som hua'au qarta'ailpi, qalaxaye nache 'ena'am 'enauac somayepi ileu. Qaq cam chec asa'aso nauole maye sa'axattac, nache camaye nache 'eetai' da nca'altauec.

Éxodo 16:31

Nache so Israel le'ecpi ỹamata'ac maná se'eso nallec maye natotac. Asomaye lapagaxai, 'eeta'am ana ala ana cilantro, qataq ỹataqta ama 'eeta'am ana sanquesaxan nauole 'ayiiña da qaỹalecneguet na te'esaq lli'i.

Deuteronómio 8:3

Na'aictoxo' da ỹauo'o co'ollaxa da qanque'eenaxaqui, qataq huo'o naqa'en so qarqouaqai, qaq co'ollaq ime, nache qami' iquia'axaneque so nallec maye chegaqasheguem le'enaxat maná, som nallec maye qami', qataq so hua'au qarta'ailpi sa ỹauatton, cha'aye huotaique da qauaỹaañi da saishet da nachecata ca nallec da nca'altauec naqa'en ca shiỹaxaua, cha'aye nataqa'en naua la'aqtaqa Ñim Nataxala' deca'alaqtaxa'n.

1 Corintios 10:3

Nataqa'en 'enauac somayepi chectac so nallec maye chegoqo'ot Ñim Lo'onatac 'Enauacna.

Nehemías 9:20

Nataqa'en 'aỹa'anem so Saqcha'a 'Ara'añaxac maye ỹo'ot da laỹaanataxanaxac. Qataq saishet da 'avia'axaneguet da 'auquiỹa'axaateguec so nallec maye chegaqasheguem le'enaxat maná, qataq so 'etaxat da yaqto' ỹa'axaneguet da laquipegaxanaxac.

Nehemías 9:15

Qataq 'anamaxa so nallec maye chegoqo'ot na piguem da yaqto' vi'iguet na lqouaxa, qataq 'aỹa'anem so 'etaxat 'auachegoxotaigui aso coma', da yaqto' vi'iguet so laquip lamaic. Qataq 'aỹa'anem ye 'alhua, maye 'auachaxanapeguem co'ollaxa da 'aỹa'anem.

Josué 5:12

Qataq nache vichigui co'ollaxa da vi'iiguet aso maná maye chegoqo'ot na piguem. Huaña nache se'eso vi'i, so Israel le'ecpi chegoqchiguiña da chectac na ala na nañiguishec maye nañaxattalec yi'iye 'alhua Canaán.

Juan 6:49

So hua'au qarta'ailpi co'olloxoche quetalec so toolec 'alhua, nache somayepi chectac aso nauole chegaqasheguem le'enaxat maná, qalaxaye nache 'ena'am ileu somayepi.

Deuteronómio 8:16

qataq huaña yi'iye toolec 'alhua da qami' iquia'axaneque so nallec maye chegaqasheguem le'enaxat maná, som nallec maye sa ỹauanapega co'ollaxa da chec so hua'au qarta'ailpi, qataq huaña da ỹo'ot so lta'araic qanque'eenaxaqui qataq so qañe'eguenataguiiqui da yaqto' qauaỹachiñi da qami' ỹaỹamaxattrapiguiñi Ñimaye.

Números 21:5

nache ỹoltaq quetot da quetapeguelec Ñim Atamnaxala' qataq so Moisés, nache 'eeta': ¿Ta'ainco' ye qomi' qanqacheueguesopa co'ollaxa ye Egipto da yaqto' seleuaqaña qanqa'eñi ne'ena toolec 'alhua? Teno' nagui, mashe qaica ca qonoq qataq ca qaraquip. ¡Qataq mashe saỹemaxac ne'ena nallec maye qaica ca lyac!

Éxodo 16:33

Nache so Moisés 'enapega so Aarón, 'eeta': «'Auauo'o qome aca 'auacona aca naco'oña 'alhua, ime, qaq 'auachangui ca dos kilos ana maná. Ime, qaq 'auachaña ye lanataqa' Ñim Nataxala', da yaqto' qaỹaỹamaxat da lmeena ca qaỹa'alquipi.»

Apocalipsis 2:17

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»

Hebreos 9:4

qaq nache hueta'a aso nca'atoxonaxalate maye chegaqaigui na oro maye nca'atoxolate na nchenaxanaxat ama na laita, nataqa'en aso laỹe' da aỹamaxataxac maye imauec da qalapaxalec na oro. Qaq asomaye, nache huetagui aso no'onatole maye chegaqaigui na oro, asomaye huetangui aso nauole le'enaxat maná. Nataqa'en aso lashelte so Aarón maye ñaxatec co'ollaxa qataq soua coma'ye maye nanettaleguete soua diez lamaxasoxonaxaco Ñim Lo'onatac 'Enauacna.

Lucas 12:30

Cha'aye nachaqnata nam saishet da ỹauatton Ñim Lo'onatac 'Enauacna maye huo'o da lachetataic souaxat de'era. Qalaxaye Ñim Lo'onatac 'Enauacna maye Qarta'ai, ỹaỹaten 'enauac namayepi da qaviñiitac.

Proverbios 9:5

«Qauanaqui da sacheguenaq na anoq, qataq qanỹomiigui na no'on lataxa maye seqataxaatai'.»

Salmos 78:24

nache talec naqa'en so lalamaxat nhuo' le'ecpi so nallec, qataq so trigo piguem le'ec da yaqto' deque'e naqa'en somaye.

Salmos 105:40

Qaq co'ollaq iỹaxanaique aloq somayepi, nache Ñimaye namaq so qalota dachemipi, qataq ỹo'ot da icomatec naqa'en so nallec piguem le'ec.