Éxodo 15:5 - La'aqtaqa Ñim Lo'onatac 'Enauacna 2013

⁵ Co'ollaq iyiiñi somayepi, nache 'eeta'am ca coma' ỹataqta iviraña ca loga't na 'etaxat, nache ỹapolec aso auaxai somayepi.

Éxodo 15:5 Referans Kwoze

Nehemías 9:11

Qataq ỹauaachigui 'anqa'en somayepi co'ollaq 'auỹoracache so 'etaxat aso auaxai, da yaqto' deqaqattague so llegueta som 'aralamaxat nhuo' le'ecpi, qaq som Egipto le'ecpi maye icaatac somayepi qalaq imoolec 'anqa'en so 'etaxat, nache 'eeta'am ca coma' da iyiiñi ivittaña na ỹoqta pa'aguiñi aso auaxai.

Éxodo 15:10

Qalaxaye co'ollaq 'auquetetec na 'ara'at, nache aso auaxai qaltaq ỹe'eguelaxa't so 'etaxat. Nache iyiiñi somayepi 'eeta'am ca lcat quiguiñi huangui so qaica ca 'ena'am da la'auataxa.

Éxodo 14:28

Qaq co'ollaq qaltaq ỹe'eguelaxa't so 'etaxat aso auaxai, nache imoolec aso naigonapi, caipi, qataq 'enauac so nalleppi so faraón maye tangui aso auaxai da icaatac so Israel le'ecpi. Nache somayepi qaica da 'oonolec ca no'onañi da nca'altauec.

Ezequiel 27:34

Qalaxaye nagui 'am dolachigui naqa'en aso auaxai, nache qouetaña na ỹataqta pa'aguiñi na 'etaxat. Qaq so 'armenecpi qataq 'enauac so 'annaictague'pi nache 'arỹachiguiñi' co'ollaq 'aña na pa'aguiñi aso auaxai.

Apocalipsis 18:21

Ime, nache so 'oonolec namaxashec piguem le'ec maye ỹataqta qaica ca 'ena'am da la'añaxac, somaye ỹacoosop so coma' lta'araic maye 'eeta'am na namaicnaxanaxat, nache ỹasaxangui aso auaxai, nache 'eeta': «'Am Babilonia, 'am ỹataqta lta'araic da 'ara'añaxac, ¡'Era qome da 'eetec da 'am qailaxachigui, nache saishet qome da qaltaq 'am qaila'a!

Mateo 18:6

Qalaxaye da huo'o ca ỹo'otec nam saq 'amaqtaqpiolec maye Aỹem ca'attague' da ỹaxanec da lpi'iỹaxac Aỹem, nache camaye no'on taxa da qaicoñera'aguet na lqosot ca coma' lta'araic, ime nache qaỹasaxangui na laiñi aca auaxai.

Miqueas 7:19

Qaq ña 'avi'eguelaxa qome da qomi' 'auchoxore'n, nache 'aulayiñi qome na qaye'etaxaloxosat, nache 'auasaxaña cam ỹataqta pa'aguiñi aso auaxai nam qarasouashetpi.

Jonás 2:2

nache 'eeta': «Co'ollaq sootapoigui da ñeque'eenaxac, nache 'am seỹaxanot 'Am Nataxala', nache aỹem 'auasateguet, co'ollaq sootangui añi huachiqui, qaq 'am ñachoxonnot nache aỹem 'aua'axaỹa.

Éxodo 15:16

'Am Nataxala', no'on da ñi'i 'anqa'en yemayepi, ñaq 'auauo'o qome da lcolanaxa, 'eeta'am qome ca coma' da saq deraỹapigui', souaxat da la'añaxac na 'arhuaq, nato' qom mashe ỹapacauec nam nhuo' le'ecpi maye maiche 'aralamaxat!

Salmos 106:11

Nache se'eso 'etaxat ỹapolec so mpa'aguenaxauapi, nache qaica ca no'onañi da nca'altauec somayepi.

Proverbios 8:24

Aỹem nañiguiñi naqa'en co'ollaq saxanaxa da huo'oi naua late'el auaxai, co'ollaq saxanaxa da yo'oq na talapi qataq na mpaxaatasheguem 'etaxat.