Éxodo 15:25 - La'aqtaqa Ñim Lo'onatac 'Enauacna 2013

²⁵ Nache so Moisés nqouagaxaunot Ñim Nataxala', nache Ñimaye ỹachaxana aso qo'oipaqole, nache so Moisés ỹasaxangui so 'etaxat aso lcoue asa'aso qo'oipaqole, nache se'eso 'etaxat ama. Qaq huaña, nache Ñim Nataxala' ỹe'eguen da lpi'iỹaxac somayepi, qataq ỹanem da lqataxac qataq da llec naqa'en da nachaalataxac ñi 'oonolec shiỹaxaua.

Éxodo 15:25 Referans Kwoze

Deuteronómio 8:2

Qataq saishet qome da qaucouaỹa'ai 'enauac so qanque'eenaxaqui maye huaiguilo se'esoua cuarenta vi'iye co'ollaq qoquiitalec ye toolec 'alhua, co'ollaq Ñimaye ỹe'eguen da qarquiyaqteỹaxaqui da ỹoqta 'eesa da qaupaquiichiguilo naua lamaxasoxonaxaco huo'otaq saishet.

Salmos 66:10

'Am Qanatamnaxala', qomi' 'auo'oteque da qañe'eguenataguec, da yaqto' qomi' 'auqui'itaxatte', shenaqta'am 'anqa'en na lcat plata.

Jueces 3:1

Qaq 'eso so ỹotta'a't shiỹaxauapi maye Ñim Nataxala' hua'aqta'a da nache netalec yi'iye 'alhua, da yaqto' Ñimaye ỹe'eguen so Israel le'ecpi, maye ñaq saxanaxa da ñiguiñi co'ollaq qailoctague' so Canaán le'ecpi.

Jueces 3:4

Qaq Ñim Nataxala', no'onaxatañi somayepi da yaqto' ỹe'eguen so Israel le'ecpi, saiuena'a da somayepi ishet da ỹalaxaguet na namaxasoxonaxacpi, maye Ñimaye ỹanem co'ollaxa so hua'au lta'alpi somayepi, ỹachegoxotchigui so Moisés.

Jueces 2:22

Qaq cha'aye Ñim Nataxala', huotaique co'ollaxa da ỹauaachigui da so Israel le'ecpi ỹataqta quegue da llecỹaxac Ñim Nataxala', 'eeta'am da 'eetec co'ollaxa som hua'au lta'alpi.»

Deuteronómio 8:16

qataq huaña yi'iye toolec 'alhua da qami' iquia'axaneque so nallec maye chegaqasheguem le'enaxat maná, som nallec maye sa ỹauanapega co'ollaxa da chec so hua'au qarta'ailpi, qataq huaña da ỹo'ot so lta'araic qanque'eenaxaqui qataq so qañe'eguenataguiiqui da yaqto' qauaỹachiñi da qami' ỹaỹamaxattrapiguiñi Ñimaye.

Éxodo 16:4

Nache Ñim Nataxala' 'enapega so Moisés, 'eeta': «Aỹem ñanacot qome ca nallec chegoqo'ot na piguem 'eeta'am na auot. Qaq na shiỹaxauapi ỹe'eguenauga qome ca nalota'ai' da chec ye na'a'q. Aỹem sauotaique da saỹaten ca ỹoqta ỹalaxalec da iqataxac qataq ca saishet da ỹalaq.

2 Reyes 2:21

nache so Eliseo, tauga co'ollaxa so npaxaatasheguem 'etaxat, nache icoyingui somaye so toue, nache 'eeta': Ñim Nataxala', 'eeta': «Aỹem ñataren ne'ena 'etaxat, nache saishet qome da qaltaq chegaqaigui ca nleuaxa, qataq da saq ñaxat ca nañiguishec ne'ena 'alhua.»

1 Corintios 1:18

Da na'aqtaguec da l-leuaxa So Cristo co'ollaq qaiuaxaneguet so npe'enaxaqui, damaye 'eeta'am da choche 'oopashec da hua'axaỹa nam taỹa'a da deqat. Qalaxaye qomi' maye saỹaqa'a da qomi' qanca'alaxatre'c, de'era na'aqtaxanaxac, damaye la'añaxac Ñim Lo'onatac 'Enauacna.

Jeremías 9:7

Qaq ỹoqo'oye Aỹem Nataxala', maye Qaica ca Seqalanapec, shenapec: ¿Negue'to' ca lỹa lataxac da so'otec na ỹalamaxat nhuo' le'ecpi? ¡Qomye nacherata da sasaxangui ca norec da yaqto' seỹo!

Proverbios 17:3

Na oro qataq na plata qalaq qaỹauota'a na norec na qaỹe'eguen da ỹoqta 'eesa, qaq na nhuennataxacpi qalaq nacheñi Ñim Nataxala' ñi ỹe'eguen.

Salmos 91:15

Qataq qom aỹem iỹaxana, nache sasateguet, qataq soota'aguet qom huo'o da nque'eenaxac, qataq ñeca'alaxatec qome qataq sanem da ño'oxonnataguec.

Salmos 50:15

Qataq Aỹem 'aỹaxana qom huo'o ca 'anque'eenaxac, nache aỹem qome 'am ñepaxattalec, huaña nache 'am aỹem 'avio'oxoreetac.»

2 Reyes 4:41

Nache so Eliseo 'enapeco': «Ña qandoiuo qome catai' 'ayiiñolec.» Nache co'ollaq ime da ỹasaxangui somaye aso taxaqui, nache 'enapeco': Nagui nache 'aỹa'anoigui na shiỹaxauapi da chec namaye. Nache se'eso shiỹaxauapi chec se'eso nhuoshec, nache saishet da na'axat.

Éxodo 14:10

Qaq so Israel le'ecpi co'ollaq ỹauaateguet so faraón qataq so Egipto le'ecpi da mashe sa qaỹapeque, nache ỹataqta huo'o da lcolanaxa. Huaña nache iỹaxanot Ñim Nataxala' da itauan.

Salmos 99:6

So Moisés qataq Aarón nache ỹalectaiguilo co'ollaxa so ntaxaỹaxanaxanecpi, qataq so Samuel ỹalectaigui co'ollaxa som ỹo'oxoreetac da le'enaxat Ñimaye. Qaq naxa somayepi da iỹaxanot Ñim Nataxala', nache Ñimaye ỹasateguet da lỹaxanaxac.

Salmos 81:7

Qaq co'ollaq huo'o da 'anque'eenaxac nache aỹem 'aỹaxana nache Aỹem 'am ñeca'alaxatec, qataq 'am sasateguet co'ollaq sootaigui se'eso lo'oc maye ỹalattapigui, qataq 'am she'eguen co'ollaq huaña so 'etaxat ye Meribá.»

Deuteronómio 13:3

Nache saishet qome da qaualaqaiguet que'eca 'eetega na'aqtaxanaxanec huo'otaq choxonaxaic. Cha'aye Ñim Nataxala' maye Qanatamnaxala'ai choche qami' ỹe'egueeta'ape da 'eesa da ỹataqta qauauochec, qataq qaumachiỹot da qarquiyaqteỹaxaqui qataq da qanachaalataxaqui.

Éxodo 17:4

Nache so Moisés nqouagaxaunot Ñim Nataxala', 'eeta': «¿Cam sheeteco' ne'ena shiỹaxauapi? ¡Ye mashe yaqta'a da aỹem ỹalauat da aỹem irolec na coma'!»

Jeremías 15:1

Ñim Nataxala' aỹem 'enapega, 'eeta': «Qaq na'aictaxa da aỹem nachaateua'alo nagui ca Moisés qataq ca Samuel, qalaxaye Aỹem saishet da sechoxoreetac qome ne'ena nhuo' le'ecpi. Qonapega qome namayepi da Aỹem ca'ai, 'enauac qome da jec.

Éxodo 20:20

Nache so Moisés, 'enapeco': «Saishet qome da qayi'i. Cha'aye Ñim Lo'onatac 'Enauacna anac da choche qami' ỹe'egue'n, yaqto' nache 'eetai' da qayi'iỹai Ñimaye, qataq saishet da qauo'oche ca sa ỹaỹamaxañi.»

2 Reyes 6:6

Nache so la'aqtaxanaxanec Ñim Lo'onatac 'Enauacna denataxano', 'eeta': ¿Hua'ague ca tachiguiña acamaxa? Nache somaye ỹachaxan so tachiguiña. Nache so Eliseo iquesoq so 'epaq, nache ỹasaqchiguiña som tachiguiña aso qachepe, nache naỹoxoosheguem naqa'en.

Ezequiel 47:7

nache sela'alo soua dos loiguiye da huo'o aso ỹataqta qalota qo'oipaqpi.

Ezequiel 47:8

Qaq huaña nache aỹem 'enapega, 'eeta': Ne'ena 'etaxat jec ta'aỹa'ague da nala' lliguisheguem, nache iviraxaama so Jordán, qataq nache iviraxaama qome aso Auaxai Leuaxai. Qaq qom iviraxaama asomaye nache na 'etaxat ỹe'eguelaxa da ama.