Éxodo 15:22 - La'aqtaqa Ñim Lo'onatac 'Enauacna 2013

²² Nache so Moisés ca'ai naqa'en so Israel le'ecpi aso Auaxai Togaxarai, nache somayepi nqo'ona ye toolec 'alhua Shur, nache ivi' soua tres na'axa'te da quetalec so toolec 'alhua, qalaq saishet da ỹanata ca 'etaxat.

Éxodo 15:22 Referans Kwoze

Génesis 16:7

Qalaxaye som lamaxashec Ñim Nataxala', natenalec asomaye co'ollaq huaña so toolec 'alhua, hueta'a so loigue aso npaxaatasheguem na 'etaxat, maye naña na loigue so nqa'aic maye taỹa'a ye Shur.

1 Samuel 15:7

Nache so Saúl qataq so nalleppi iloquiaxan co'ollaxa som amaleciitapi, nache ỹachegoxotchiguiña ye Javilá da icaatac, nache iviraxatta'a so ñegueuo ye Shur, maye loga't ye 'alhua Egipto, huaña nache nauec somayepi,

Génesis 25:18

Qaq soua chegoxogueta somaye, qalaq nache naña yem 'alhua maye vichiguinguilo yeua Javilá qataq ye Shur, yem nalotta ye Egipto da qaỹachegaqa'a ye Asiria. Qaq nache neraña yemaye, na'aictaxa da so lqaỹañecpi saiuoonegueta soomaye.

Éxodo 3:18

Qaq cam nqueroxonecpi ỹataqta 'am ỹalaxaguet qome. Nache 'am, 'annaicapegue' qome da 'anqo'oneua'a ñim nta'a maye ilotague' ye netaña ye Egipto da qonapega, qoneta': «Ñim Nataxala' maye Natamnaxala' na hebreopi, Ñimaye qomi' nỹaxanalo. Qaq ỹoqo'oye no'on da qomi' 'aua'aqta'alo da ñeqo'onaxa ye toolec 'alhua, qaq yemaye ivi' caua tres na'axa'te nache sevitaxa, da yaqto' savigaxataq aca qarachetaqtaxanaqte da sanaqot Ñim Lo'onatac 'Enauacna maye Nataxala'.

Génesis 20:1

Qaq so Abraham ca'ai co'ollaxa ye netaña, nache nqo'ona ye 'alhua le'enaxat Néguev. Qaq nache naña ye huaqta'a't nỹecpi ye Gerar, maye vichiguinguilo yeua Cades qataq Shur.

Números 33:8

Qaltaq jec, chegoqchiguiña ye Pi Ajirot, ỹa'axasoxoolec aso auaxai, qaq co'ollaq ivitta ye toolec 'alhua, nache tres na'axa'te soua lqueuoxoqui' da quetalec yi'iye toolec 'alhua ye Etam, qaq co'ollaq ivita ye Mará, nache hua'a yemaye.

1 Samuel 27:8

Nache somaye lỹatac naxa so nalleppi da taỹa da iloquiaxan so Gesur le'ecpi, gezriitapi qataq so amaleciitapi, maye salcoshe'ego' da netalec se'eso 'alhua, maye chegoqchiguiña yem pa'aỹa'ague da la'añaxa nache ivitta'a ye Egipto.

Salmos 77:20

Qataq 'auauecta'aguet na 'aralamaxat nhuo' le'ecpi, 'eeta'am 'anqa'en ana nlo qagueta, 'auachegoxotchiguilo soua Moisés qataq so Aarón.

Salmos 78:52

Nache nqatec so Israel le'ecpi, 'eeta'am naqa'en ana nlo qagueta, nache ỹauec se'eso lalamaxat nhuo' le'ecpi quetalec naqa'en so toolec 'alhua.

Salmos 78:53

Ỹataqta no'on naqa'en da lqauaxac, yaqto' saishet da huo'o ca lcolanaxa, qaq so mpa'aguenaxauapi qalaq ỹapolec naqa'en na 'etaxat aso auaxai.

Salmos 136:16

Ñim ilotague' co'ollaxa da llecỹaxac na lalamaxat nhuo' le'ecpi, co'ollaq quetalec ye toolec 'alhua, cha'aye da lauotaxanaqtaic chochaq tatec.

Éxodo 17:1

Qaq 'enauac so Israel le'ecpi ca'ai ye toolec 'alhua Sin, nache nqocheeta, ipacchiguilo naua lamaxasoxonaxaco Ñim Nataxala'. Qaq co'ollaq qaỹata'ague, nache naña ye Refidim, qalaxaye qaica ca 'etaxat yemaye da huo'otaq nỹom somayepi.