Éxodo 15:20 - La'aqtaqa Ñim Lo'onatac 'Enauacna 2013

²⁰ Nache aso María maye la'aqtaxanaxana Ñim Lo'onatac 'Enauacna, maye lqaỹa so Aarón, asomaye qataq aso laỹepi 'alpi, ỹacona aso lasaquiaxanatapi, nache qaica'attaueegue asomaye, nache do'onaxaatac qataq dasottac.

Éxodo 15:20 Referans Kwoze

Salmos 150:4

Qavio'oxoyiñi Ñimaye qauasocheeta'ai' aca nasaquiaxanatapi, qavio'oxoyiñi qauauoita'a aca nasheerepi qataq aca nviquepi maye huo'o na lquetpi.

1 Samuel 18:6

Qalaxaye nache chegoqta'a se'eso na'a'q co'ollaq so David ỹalauat so Goliat, da so Saúl ỹataqta huo'o da lquiỹaxa so David. Qaq ỹoqo'oye co'ollaq ñe'eguelaq so alleppi chegaqa'a so alaataxac, nache so 'alpi maye chegaqa'a som huaqta'a't nỹecpi maye ỹotta'a't naua nañalo ye Israel da ca'atta'aguet so nta'a Saúl, nache do'onaxaatagui qataq dasottagui, huota'a na lhuaxanec qataq na lasaquiaxanatac souaxat da ntonaxac.

Salmos 68:25

Na do'onaxaatacpi hua'auta qaq na ivictapigui ana nvique nca'ataxaatauo. Qaq na qa'ampiolec huetangui na laiñi, iuaxaatagui ana lasaquiaxanatapi.

Jueces 11:34

Nache so Jefté co'ollaq ỹe'eguelaxa so lma' maye naña ye Mispá, nache aso 'oonole llale ca'atta'aguet somaye, nache dasottac, qataq iuaxaatagui aso lasaquiaxanata. Qaq somaye, nachaqasota asa'aso llale, qaica ca laỹe llalaqpi.

Números 26:59

Qaq so Amirán huaroneguet co'ollaxa aso Jocabed, maye llale so Leví, co'ollaq ñaq netaña ye Egipto. Nache so Amirán qataq aso Jocabed nachesoua soua lta'al so Aarón, Moisés qataq aso María.

Miqueas 6:4

Aỹem, qami' ñeqateeguesopa co'ollaxa ye Egipto, qataq qami' sesoueeguesopa da qanlataguiiqui, aỹem samaq co'ollaxa so Moisés, Aarón qataq aso María, da yaqto' qami' ỹaueca'agueta.

Salmos 149:3

Qauasocheetac qome da qavio'oxoyiñi da le'enaxat Ñimaye, qataq qauauoita'a aca nasaquiaxanatapi qataq nviquepi arpa da qauo'onaxañeeto'ot Ñimaye.

Jueces 4:4

Qaq se'eso na'a'q so Israel le'ecpi huetoigui co'ollaxa da lataxalate aso na'aqtaxanaxana le'enaxat Débora, asom lhua so Lapidot.

Lucas 2:36

Qaq aso no'onaxanaxaqui late'erai hueta'a nataqa'en aso 'alo ỹa'axaino'ole, asomaye la'aqtaxanaxana Ñim Lo'onatac 'Enauacna le'enaxat Ana. Asomaye llale so Peniel maye chegoxoguet so Aser. Co'ollaq ña qa'añole aso Ana, nache huaron, qaq ivi' siete vi'iye da neta'aguet so lhua,

Salmos 81:2

Qauo'onaxañiita'ai' ana nasaquiaxanata da qauo'oñi na no'onecpi, qataq ana nvique arpa, salterio, maye ỹo'oxoraq da l-lamaxa.

2 Reyes 22:14

Nache so Hilcías, qataq so Ajicán, Acbor, Safán, qataq so Asaías, nqo'oora co'ollaxa aso na'aqtaxanaxana Julda, asom lhua so Salún, maye llalec so Ticvá, som laual so Jarjás, maye ilotague' aso laỹe' so nogoxotpi asa'aso atamnaxaqui. Qaq aso Julda, netaña co'ollaxa so dalaxaic nỹecpi, maye naigui so huaqta'a't nỹecpi ye Jerusalén, nache na'aqtaxaatrague' co'ollaxa,

Éxodo 2:4

qataq 'enapega aso lqaỹa se'eso nogotolec da nache qaỹata'a ca hueta'a, da choche nauaatalec somaye.

Hechos 21:9

Qaq se'eso Felipe huo'oi soua cuatro llalel. Soomaye saxanaxa da huaro'n, qaq soomaye la'aqtaxanaxanal Ñim Lo'onatac 'Enauacna.

Salmos 68:11

Ñim Nataxala' ỹan da la'aqtac, nache qalota na 'alpi na jec da ỹa'axatec de'era la'aqtac, 'eeta':

Salmos 30:11

Cha'aye da ñenoinaxac nmeneguet 'anqa'en da ỹasotaxac, qataq 'anqa't soua ỹasouaxaqui' aỹogo nache aỹem 'aỹa'anguilo soua no'o'n aỹogo.

2 Samuel 6:14

Qaq so David ỹaatañi co'ollaxa so efod maye chegaqaigui na lino, nache ỹataqta nmatasheguem da la'añaxac da dasotto'ot Ñim Nataxala'.

1 Samuel 10:5

Qaq qom ime, nache 'anqo'ona ye Gabaa maye lalamaxat Ñim Lo'onatac 'Enauacna, maye naña ye lanataqa' yem alleppi filisteopi. Qaq qom choche 'aunoxoneua'a ye huaqta'a't nỹecpi, nache 'anatena'aguet qome ca na'aqtaxanaxanecpi dasottagui, chegoqtasheguema yem huaña ye atamnaqa'. Qaq nca'attaueegue ca ỹalleppi maye iviqueetapigui aca lviquepi, lhuaxanapi qataq aca lasheerepi.

Jueces 21:21

nache qanaỹamaxacheetai' qome. Nache qom qauloỹa'a nam 'alpi ye Silo da lapootec da dasora't, nache qoquiỹa'ai nataqa'en cam qanqañoxotaqa'ai, nache ñi 'oonolec ỹale da qoñiita ỹaconeua'a aca 'alo da decachiỹa, nache qoqui qome da yaqto' qanqo'oñiỹa ye maiche qana'alhuai.

Números 20:1

Qaq so la'auaxanec ca'agoxoic se'eso vi'i, nache so Israel le'ecpi ivita ye toolec 'alhua ye Zin, nache naña co'ollaxa ye Cades. Qaq nache huaña yemaye da ileu aso María, qaq nache qailareña yemaye.

1 Corintios 11:5

Qalaxaye aca 'alo da nqouagaxaueetacot Ñim Lo'onatac 'Enauacna huo'otaq da ỹa'axatta'ape naua la'aqtaqa Ñimaye da saishet da ỹapolec na lqaic, nache acamaye qaica naqa'en ca 'enec ca lhua. Qaq acamaye 'eeta'am da ỹataqta imauec da npetec na laue.

2 Samuel 6:16

Qaq co'ollaq qaiviraxateua'a so huaqta'a't nỹecpi maye lalamaxat so David aso arca maye laỹe' soua lqataxaco Ñim Nataxala', nache aso Mical maye llale so Saúl dalletauec co'ollaxa, nache ỹalletauga so nta'a David da parenaxaatac, qataq dasotto'ot Ñim Nataxala', nache asomaye ỹataqta da'aguelec somaye.

2 Samuel 6:5

Qaq so David qataq 'enauac so Israel le'ecpi, dasotto'ot Ñim Lo'onatac 'Enauacna, do'onaxaatagui, qataq dasottagui, no'onaxaata'ai' da l-lamaxa aso nviquepi, nasaquiaxanatapi, nasheerepi qataq aso laỹe nviquepi.

1 Corintios 14:34

saishet da qaỹashenem na 'alpi da detaqa da huaigui ca naponaxac. Cha'aye na namaxasoxonaxacpi maye chegoqo'ot so Moisés 'eeta': Na 'alpi iuen da napaxaguena da ỹe'emaqta,

Números 12:1

Aso María qataq so Aarón quetapeguelguete co'ollaxa so lqaỹa Moisés, souaxat somaye da huaroneguet co'ollaxa aso lma' ye Cus, maye saishet da lauo' lashe.

Génesis 31:27

¿Ta'ainco' ye aỹem 'auatenachet, qataq 'ano'otauec? ¿Saishet da aỹem 'aucoyeguen? Cha'aye ctaxa da saỹaten, nache huo'o ctaxa da ỹamaicỹaxac da 'am ñecoyeguene', qataq sauo'o ctaxa aca nviquepi, qataq aca qataquipi, qataq aca arpa, da 'am qaivicnaxaalec.

2 Samuel 1:20

¡Saishet qome da qaua'aqtaxañim ye hueta'a ye Gad, qataq saishet da qaua'axache da qoquiitague' so nqa'aicpi ye Ascalón! ¡Yaqto' saishet da ntootapigui' na 'alpi filisteapi, qataq da dasottagui ana ỹaqa'a da la'amqaanataxanaxac!

1 Crónicas 6:3

Qaq soua llalqa so Amirán: Aarón, Moisés qataq aso María. Qaq soua llalqa so Aarón: Nadab, Abiú, Eleazar qataq so Itamar.

1 Crónicas 15:16

Qaq so David, nataqa'en ỹamaxalec so lataxala'pi so leviitapi da ỹauo'o so no'onaxanaxanecpi ỹachegoxotaigui so maiche lauo' le'ecpi, ỹauota'a aso lviquepi salteeriopi, arpapi qataq so latoviaxanatacpi lcat da yaqto' huo'o da la'añaxac da do'onaxaata'ai' souaxat da ntonaxac.

Eclesiastés 3:4

Huo'o ye laloqo' da huo'o da noinaxac qataq huo'o ye laloqo' da huo'o da naỹalliguiyec. Huo'o ye laloqo' da huo'o da nasouaxac, qataq huo'o ye laloqo' da huo'o da tonaxac.

Jeremías 31:4

Aỹem qaltaq 'am ñe'eguelaxatsheguem qome 'am Israel. Nache qaltaq 'añe'eguelaq qome 'auauota'a na 'arasaquiaxanatacpi, da 'auasottac souaxat da 'antonaxac.

Números 12:2

Soomaye nataqa'en 'ena'apo': «Ñim Nataxala' saishet da nachesota so Moisés, da detaqtague', cha'aye nataqa'en qomi'». Qaq Ñim Nataxala' hua'aqtegalo co'ollaxa soomaye.

Nehemías 6:14

Qaq huaña nache ñatamnot Ñim Lo'onatac 'Enauacna, sheeta': 'Am Ñatamnaxala', 'antoueeta'ac qome da ỹo'o't soua Sambalat qataq so Tobías, nataqa'en saishet da 'aucoua'ai da ỹo'ot aso na'aqtaxanaxana Noadías, qataq so laỹepi maye nshetaique da aỹem icolanaqche't.

Salmos 68:26

Qavio'oxoyiñi qome Ñim Lo'onatac 'Enauacna da qalapoñiita'a't, Qavio'oxoyiñi Ñim Nataxala', qami' maye qauachegoqoiguet so Israel.