Éxodo 15:18 - La'aqtaqa Ñim Lo'onatac 'Enauacna 2013

¹⁸ ¡Ñim Nataxala' chochaq tatec da ilotague' 'enauacna!»

Éxodo 15:18 Referans Kwoze

Salmos 29:10

Ñim Nataxala' nacheñi ñi ilotague' na auot, Ñim Nataxala' nache 'eetai' da chochaq tatec da lo'onataxanaxac.

Salmos 10:16

Ñim Nataxala' choche tatec da lo'onataxanaxac da Nta'a, qaq na ỹotta'a't shiỹaxauapi qalaq imeuo qanqa'en ana 'alhua.

Daniel 2:44

Qaq qom ñaq huetaigui da lo'onataxanaxac que'eca nta'alpi, nache Ñim Lo'onatac 'Enauacna maye neto'ot na piguem, nauaxaỹaxaasheguem qome ca no'onataxanaxac maye saishet qome da nlaguiñi, qataq saishet qome da anac ca laỹepi ỹotta'a't shiỹaxauapi da ilo'ogue, nacherata da camaye nlaxaañi da lo'onataxanaxac na laỹepi nta'alpi, qaq camaye chochaq tatec qome.

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Salmos 146:10

'Am Sión, Ñim Nataxala' ñaq nache 'eetai' qome da lo'onataxanaxac, Ñim 'Anatamnaxala', chochaq tatec qome da lo'onataxanaxac. ¡Qaỹo'oxoren qome Ñim Nataxala'!

Daniel 7:27

Qaq da lo'onataxanaxac, la'añaxac qataq da llo'oxoyec 'enauac nam nta'alpi maye netalec ana 'alhua, qoỹanem qome nam nhuo' le'ecpi maye lalamaxat Ñim Nataxala' maye Nataỹaña 'Enauacna. Qaq dam lo'onataxanaxac qalaq chochaq tatec qome, nache 'enauac qome na nhuo' le'ecpi ana 'alhua do'onataxanot qataq ỹalaxaguet.

Daniel 7:14

Nache somaye qoỹanem da la'añaxac, llo'oxoyec, qataq da no'onataxanaxac, nache na ỹotta'a't shiỹaxauapi, qataq nam ỹotta'a't naua la'aqtaqa do'onataxanot somaye. Qaq dam la'añaxac somaye qalaq nache 'eetai' qome, qataq dam lo'onataxanaxac saishet qome da nlaguiñi.

Daniel 4:3

¡Qaq ỹataqta lta'araicpi nam saqaỹauanapegapi qataq nam huo'o da llo'oxoyecpi maye ỹo'ot Ñimaye! Qaq da lo'onataxanaxac Ñimaye chochaq tatec qome, qataq da la'añaxac qaica qome ca loga't.

Mateo 6:13

Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai. Qataq qomi' 'anca'alaxateeguesopa da la'añaxac so pa'aguenataxanaxaic.» [Cha'aye 'aralamaxat da no'onataxanaxac qataq da na'añaxac qataq da ño'oxoyec maye qaica ca loga't. Aja', nache 'eetec.]

Génesis 21:33

Qaq huaña ye Berseba, nache so Abraham ỹaañi aso qo'oipaq le'enaxat tamarisco, qaq nache huaña da iỹaxaatega da le'enaxat Ñim Nataxala', Ñim Lo'onatac 'Enauacna maye chochaq tatec.

Deuteronómio 33:5

nache huo'o co'ollaxa so nta'a ye Israel, co'ollaq ivita da lapona't na lataxala'pi na nhuo' le'ecpi, nache huaxaiguet na maiche nalamaxat nhuo' le'ecpi ye Israel.»

Salmos 9:8

Ñimaye ỹaỹamaxatchiguiñi da 'eetec da nmit na shiỹaxauapi, qataq da ilo'ogue na ỹotta'a't nhuo' le'ecpi qalaq qaica ca iỹotauga.