Éxodo 15:16 - La'aqtaqa Ñim Lo'onatac 'Enauacna 2013

¹⁶ 'Am Nataxala', no'on da ñi'i 'anqa'en yemayepi, ñaq 'auauo'o qome da lcolanaxa, 'eeta'am qome ca coma' da saq deraỹapigui', souaxat da la'añaxac na 'arhuaq, nato' qom mashe ỹapacauec nam nhuo' le'ecpi maye maiche 'aralamaxat!

Éxodo 15:16 Referans Kwoze

Salmos 74:2

Ñaq 'auennata'a qome na 'aralamaxat nhuo' le'ecpi, maye 'arca'aguishecpi co'ollaq la'atchiguiñi na, nam 'arca'alaqtacpi co'ollaxa da yaqto' 'aralamaxat, qataq 'auennata'a qome añi qasoxonaxa Sión maye 'aranataqa' co'ollaxa.

Deuteronómio 2:25

Qaq nagui, nache chegoqchiguiña ñaqa'en da 'enauac na ỹotta'a't shiỹaxauapi maye netalec ana 'alhua da qami' ñi'iỹalo. Qataq da choche qami' hua'axaỹapegueleguete, nache ỹataqta iviloxolaqchet da lli'iỹaxa, qataq da lcolanaxa.›

1 Samuel 25:37

Qaq so lỹa na'a'q co'ollaq mashe imeuec da ltaxa so Nabal, nache aso Abigaíl ỹataqta da'aqtaxaatem da 'eetec da temaq qanayeuaigui. Qaq somaye co'ollaq hua'aqchigui de'era nache nque'elaxatta da decopche, ime nache sa da'añiigue.

Josué 2:9

«Aỹem saỹaten da Ñim Nataxala' qami' ỹanema ne'ena 'alhua, ỹoqo'oye Ñimaye ỹataqta qomi' ỹo'oteque da lta'araic qarcolanaxa, cha'aye 'enauac na netaña ne'ena, ỹataqta ilem da lcolanaxa souaxat da qoñiita.

2 Pedro 2:1

So Israel le'ecpi huo'o co'ollaxa na 'eetega da lamaxayec Ñim Lo'onatac 'Enauacna, qalaxaye saishet da 'en. Qaq nache 'eetec nataqa'en da qoñiita da huo'o na napaxaguenataxanaq da 'eetega lamaxashec Ñim Lo'onatac 'Enauacna, qalaxaye saq 'en. Namayepi ỹan da napaxaguenataxanaxac maye saq 'en qataq huo'o da lchec, qalaxaye saishet da qananomiỹa, ivira'a da 'eetega So Jesucristo da saishet da deca'alaqtaxan. Qaq ỹoqo'oye namayepi ishet da nque'elaxatta da qailaxachigui.

1 Pedro 2:9

Qalaxaye qami' qaualliquiitaigui na llalaqpi Ñim Lo'onatac 'Enauacna; qami' ltaxaỹaxanaxanaqa na shiỹaxauapi da qauo'onataxañiitacot Ñim Nta'a; qataq qami' lalamaqa'ate. Qaq de'era chegoqchigui Ñim Lo'onatac 'Enauacna co'ollaq qami' nqateeguesopa na napalaxa maye nachera da ñe'etaxaloxo, nache qami' inoxonaqcheteua'alo da yo'oqchiguiñi maye qaica ca 'ena'am da lyac. Qaq ỹoqo'oye qaua'axache da llo'oxoyec Ñim Lo'onatac 'Enauacna maye qami' ỹo'oteque.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

Jeremías 31:11

Cha'aye Ñim Nataxala' nca'alaxatec co'ollaxa nam chegoxoguetpi so Jacob, huesoueeguesop naqa'en na ỹotta'a't shiỹaxauapi maye ỹataqta 'añaxaicpi.

Deuteronómio 11:25

Nache qaica qome ca ishet da qami' dataỹa'agueta, cha'aye Ñim Nataxala' maye Qanatamnaxala'ai ỹo'ot da qami' qañi'iỹalo, qataq iviloxolaqchet naqa'en da lcolanaxa 'enauac na shiỹaxauapi, nache ipacchigui qome da la'aqtac Ñimaye.

Éxodo 11:7

Qataq yaqto' qami' ishet da qauaỹaañita da Ñim Nataxala' ỹataqta iỹotauga na Egipto le'ecpi qataq na Israel le'ecpi, qaq saishet qome da huo'o ca 'oonolec pioq da ito'oguet ca shiỹaxaua na Israel le'ecpi, huo'otaq ca shiguiỹac.

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Isaías 51:10

'Am, deqaqa co'ollaxa 'anqa'en aso auaxai, som 'etaxat maye huetangui aso qaỹoqchiguingui, nache na laiñi aso auaxai 'auo'ot co'ollaxa so nqa'aic da yaqto' llegueta 'anqa'en som 'anca'alaxateecpi.

2 Samuel 7:23

Qataq qaica ca 'eeta'am ne'ena 'aralamaxat nhuo' le'ecpi, cha'aye ne'ena Israel le'ecpi, namaye nachenata ana'ana 'alhua. Qataq nache 'Am co'ollaxa da 'anqatec namayepi da yaqto' 'auauo'o 'aralamaxatpi, qataq ỹataqta ỹo'oxoraq 'anqa'en souaxat da ỹataqta lta'araic na 'auo'otecpi maye qaica ca 'ena'am da llo'oxoyec. Qataq ỹauaachigui 'anqa'en co'ollaxa ne'ena 'aralamaxatpi maye 'anqateeguesop ye Egipto, da 'auamaqauec so ỹotta'a't shiỹaxauapi qataq so natamnaxala'pi.

1 Samuel 2:9

Ñim Nataxala' ỹataqta ntela'a da lqauaxac na ỹa'amaqteetac Ñimaye, qalaxaye nam qauemaicpi qalaq huaigui ca napalaxa da ileu, cha'aye qaica ca chegoqchigui ca maiche la'añaxac da doxonaxan.

Deuteronómio 32:9

Cha'aye na iỹotaugapi Ñim Nataxala', nachena nam nalamaxat nhuo' le'ecpi, maye chegoxoguetpi so Jacob.

Deuteronómio 32:6

¿Peta'a nachera da 'eetec da qaushiichiñi Ñim Nataxala'? Qami' nhuo' le'ecpi maye qaica ca qaraỹaanataxanaxaqui qataq qaica ca qauaỹaañiỹapec, ¿peta'a sa nacheñi ñimaye da qarta'ai, maye qami' lo'onataqa? ¡Ñimaye qami' lo'onataqa qataq ỹo'ot da qanachaalataxaqui!

Éxodo 23:27

Qaq Aỹem sa'auaxaata qome da ncolanaxa, qataq da nqui'ic na shiỹaxauapi, da qami' hua'aqta'agueta da ivita da huo'o ca qaua'axasoxoñiitelec ca na'alhua, qataq Aỹem so'otec da maiche datauec ca qami' ipa'agueeta'ape.

Génesis 35:5

Qaq co'ollaq jec somayepi, nache Ñim Lo'onatac 'Enauacna, ỹo'otec da lta'araic lcolanaxa 'enauac se'eso lauoreuapi somayepi. Qaq ỹoqo'oye qaica ca ishet da icaalec som llalaqpi so Jacob.

Éxodo 15:5

Co'ollaq iyiiñi somayepi, nache 'eeta'am ca coma' ỹataqta iviraña ca loga't na 'etaxat, nache ỹapolec aso auaxai somayepi.

Éxodo 15:6

'Am Nataxala', na 'oiguishec 'arhuaq ỹataqta 'añaxaic, qataq qaica ca ỹaqalanapec, nachena na ilaxachigui so 'ampa'aguenaxauapi.

Éxodo 15:13

Qaq nachera da 'arauotaxanaqtaic da huo'omshe 'auauecta'aguet ne'ena 'aralamaxatpi maye 'arca'alaqtacpi, qataq nachera da 'ara'añaxac da 'auo'onataxana, da 'auauectaua'a ye 'arma' maye qui'itta.

Éxodo 18:8

Huaña, nache so Moisés da'aqtaxaatapeguem so lacho' 'enauac na ỹo'otec Ñim Nataxala' so faraón, qataq so Egipto le'ecpi co'ollaq iueelec so Israel le'ecpi, qataq da lqalaic da ñecỹaxac. Nataqa'en da'aqtaxaatapeguem somaye da 'eetec Ñim Nataxala' co'ollaq nca'alaxatec somayepi.

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Éxodo 23:20

«Qaq aỹem samaq qome so ñale, da hua'auta'ague na qanqa'aiqui da yaqto' qami' ntela'alo na nqa'aic, qataq qami' ỹauegalo yem 'alhua maye seqataxaatai'.

Deuteronómio 2:4

Qalaxaye qonapega qome na nhuo' le'ecpi qoneta': Qoquiitelec qome ye lalamaxat na'alhua yem chegoxoguetpi so Esaú, maye naña ye Seír, cha'aye maiche qarhuo'oi le'ecpi, qalaxaye yemayepi qome qami' ñe'eta'agueta, qalaxaye maxatchaxa qome,

Josué 4:24

Qaq ỹoqo'oye 'enauac na shiỹaxauapi ana 'alhua, ỹaỹateeta da Ñim Nataxala' ỹataqta 'añaxaic, qaq ỹoqo'oye qami' ỹataqta nache 'eetai' qome da huo'o naq 'enec qanqa'eñi Ñim Nataxala' maye Qanatamnaxala'ai.›»

Salmos 105:38

Nache so Egipto le'ecpi ỹataqta ntootapeguec da ỹauaateueegue da jec somayepi, cha'aye ỹataqta ñi'iỹa somayepi.

Isaías 63:12

cam ỹo'ot co'ollaxa da nnaictague' so Moisés dam ỹo'oxoraic la'añaxac, qataq ỹauaachigui naqa'en so lalamaxat nhuo' le'ecpi da icolaxachigui so 'etaxat aso auaxai da yaqto' ivira'a da chochaq tatec da na'aqtaguec,

Éxodo 6:7

Qataq saconeua'a da qoñiita da yaqto' sauo'oi qami' ỹalamaqa'ate, qaq Aỹem Nachaỹem Qanatamnaxala'ai. Yaqto' qami' qauaỹaañita da Nachaỹem Nataxala', qataq Nachaỹem Qanatamnaxala'ai maye qami' ñeca'alaxateeguesopa da qapa'atta qaro'onataxanaxaqui maye qami' ỹacheleguete na Egipto le'ecpi.

Éxodo 23:22

Qaq qom ỹataqta qaualaqaiguet, qataq qauo'oche 'enauac nam qami' samaxaleguete, nache aỹem ỹataqta ñepa'aguene' qome cam qami' ipa'agueeta'ape, qataq ñeqanaxat cam qami' nqanaxatta'ape.

Salmos 89:14

Qaq naua nalochiguiñi lataxac qataq ỹaỹamaqchiyiñi lataxaco, nachenaua na na'attaleguete da 'aro'onataxanaxac da 'am nta'a, qaq da 'arauotaxanaqtaic qataq da 'eesa lataxac hua'auta'ague da 'icỹaxac.

Ezequiel 16:8

Qaq ime, nache qaltaq 'am ñelectot, nache sela'a da mashe ishet da 'auauonaxan. Qaq huaña nache 'am sepegueelec so ipo', nache sapolec da 'aro'ocỹaxac nache 'am ñauone', qataq 'am ñaỹamaxate', qaq huaña nache ỹataqta 'am ỹalamaqte. Qaq 'era da ỹa'aqtac Aỹem Nataxala'.