Éxodo 15:15 - La'aqtaqa Ñim Lo'onatac 'Enauacna 2013

¹⁵ na lataxala'pi ye edomiitapi, qalaq ỹataqta nlaxagui da lli'iỹaxa, qataq na lataxala'pi ye moabiitapi ỹataqta iviloxolaqchet da lcolanaxa, qataq daqat da la'añaxac 'enauac ye Canaán le'ecpi.

Éxodo 15:15 Referans Kwoze

Josué 5:1

Qaq 'enauac co'ollaxa so lta'alpi so Amorreopi maye neta'atague da le'ego da pa'aỹa'ague da avit so tala Jordán, qataq so lta'alpi so Canaán le'ecpi maye netaña ye saqaỹapeque aso Auaxai Mediterráneo, co'ollaq ỹaỹaten somayepi da Ñim Nataxala' 'imñi naqa'en so 'etaxat so tala Jordán da yaqto' so Israel le'ecpi ỹa'axasoxoolec da taitague da le'ego, nache so nta'alpi ỹataqta sa ntoonaxanaxan da lli'iỹaxa souaxat da qaica ca ỹañoxot da dataỹa'aguet so Israel le'ecpi.

Josué 2:11

Qaq can sa'axasoqchigui de'era, nache ỹataqta qomi' sa ntoonaxanaxa'n da qayi'iỹaxa souaxat da qaica ca ishet da qami' dataỹa'agueta. Cha'aye Ñim Nataxala' maye Qanatamnaxala'ai, Ñimaye nacheñi Ñim Natamnaxala' na neta'ague da piguem qataq na netalec ana 'alhua.

Josué 2:9

«Aỹem saỹaten da Ñim Nataxala' qami' ỹanema ne'ena 'alhua, ỹoqo'oye Ñimaye ỹataqta qomi' ỹo'oteque da lta'araic qarcolanaxa, cha'aye 'enauac na netaña ne'ena, ỹataqta ilem da lcolanaxa souaxat da qoñiita.

Deuteronómio 2:4

Qalaxaye qonapega qome na nhuo' le'ecpi qoneta': Qoquiitelec qome ye lalamaxat na'alhua yem chegoxoguetpi so Esaú, maye naña ye Seír, cha'aye maiche qarhuo'oi le'ecpi, qalaxaye yemayepi qome qami' ñe'eta'agueta, qalaxaye maxatchaxa qome,

Génesis 36:40

Qaq 'ena na le'enaxatpi so nataxala'pi maye chegoxoguetpi so Esaú, qaq ỹataqtac na maiche lauo' le'ecpi, qataq naua le'enaqa'ate naua lma'ate: Timna, Alva, Jetet,

Habacuc 3:7

Qaq aỹem sauaachigui na shiỹaxauapi maye lma' ye Cusán, da ỹataqta lta'araic da lachetataic, qataq na lma' ye Madián ỹataqta iviloxolaqchet da lcolanaxa.

Nahúm 2:10

Nache ye Nínive, qui'ita'ac, nlachiguiñi qataq toolec qanqa'en, qataq ñi'i da lquiyaqteỹaxac, iviloxo'l naua l-llecte, qaica ca la'añaxac, qataq napagaqtec da lasheguiỹaxac.

Ezequiel 21:7

Qaq qom 'am qainat da ta'ainco' da 'anỹeetac, nache 'aua'axat dam na'axaỹaxac maye mashe yaqta'a da yo'oq, nache 'enauac qome na shiỹaxauapi ana 'alhua qaica ca la'añaxac, qataq ñaxanguilo naua lhuaxaye, nache qaica qome ca huo'o da 'enec qanqa'en, nache 'enauac qome na shiỹaxauapi cholaxa'n naua l-llecte souaxat da lcolanaxa. Qaq mashe ivita ye laloqo', qaq damaye yo'oq qome. Qaq 'era da ỹa'aqtac Aỹem Nataxala'.»

Isaías 19:1

Qaỹa'axata'a dam talec qome ye Egipto. Ña qauloỹeeguet nam Nataxala', netalec na ỹataqta qayaqaic lo'oc na piguem da naỹa'a ye Egipto. Qaq nam atamnaxala'pi ye Egipto qalaq iviloxol qom nvi' namaye, qataq nlaxagui qome da lli'iỹaxa ye Egipto le'ecpi.

Isaías 13:7

Qaq huaña nache 'enauac qome na shiỹaxauapi choche ñaxanguilo naua lhua'q, qataq 'enauac namayepi deqat qome da na'añaxataxac.

Salmos 68:2

nache 'eeta'am na lmala'q da nlagaxat. Qataq quiguiñi 'eeta'am ana dapic lapa da tangui na norec, da huo'o Ñimaye nache qanauec na qauemaicpi.

2 Samuel 17:10

Huaña qome nache ca shiỹaxaua maye 'eeta'am ca llon da ỹataqta qaramchigui añi lquiyaqte, ishet da deqalvi, cha'aye 'enauac na Israel le'ecpi ỹaỹaten da so 'arta'a qataq so nalleppi ỹataqta 'añaxaicpi.

1 Samuel 14:16

Qaq som lauanaxanaxanecpi so Saúl, maye hueta'a ye Guibea maye lma' so Benjamín, ila'a co'ollaxa so filisteopi da ỹataqta tateugalo da datauec.

Josué 14:8

Qalaxaye som ñenaictague'pi co'ollaxa ỹataqta icolanaqchet so qaraỹepi, qaq aỹem qalaq ỹataqta saq saxanec Ñim Nataxala' maye Ñatamnaxala'.

Josué 2:24

Nache 'eeta': «Ñim Nataxala' mashe qomi' ỹanema da qoroxonec 'enauac yi'iye 'alhua. Cha'aye 'enauac yem netaña yemaye ỹataqta ilem da lcolanaxa souaxat da shenaqta.»

Deuteronómio 20:8

Qaq da ime qome, nache ca nta'alpi qaltaq 'enapega ca alleppi, 'eeta': Da huo'o ca 'oonolec da qoñiita da 'iỹaqaic, qataq sa da'añigui, nache 'onaxaic da ỹe'eguelaxa ca lma' yaqto' saishet da ỹasouaxat na laỹepi da ñi'i.

Génesis 36:15

Qaq som nataxala'pi maye chegoxoguetpi so Esaú, qalaq 'ena na le'enaxatpi: so Elifaz som la'auaxanec llalec so Esaú, qalaq chegoxogueta soua nataxala'ate, Temán, Omar, Sefó, Cenaz,

Salmos 48:5

qalaxaye co'ollaq ila'a yi'iye huaqta'a't nỹecpi, nache ỹataqta huo'o da la'aalaxa, nache saỹaỹaten ca 'eetec nache datauec.

Jeremías 49:23

Da na'aqtac da qaỹa'axata'a dam talec qome ye Damasco, 'eeta': «Nam huaqta'a't nỹecpi maye ỹotta'a't naua nañalo ye Hamat qataq ye Arpad, ỹataqta huo'o da la'agaxa cha'aye nvita da qauem la'axaỹaxac. Qaq yeemaye ỹataqta nlaxaguilo da lcolanaxa nache saishet da huo'o ca lle'emaqa'.

Génesis 36:16

Coré, Gatán qataq so Amalec. Qaq 'enaua naua le'enaqa'ate soua nataxala'ate maye llalqa so Elifaz maye netalec co'ollaxa ye 'alhua Edom, qaq 'enauac somayepi nache chegoxoguet aso Ada.

Habacuc 3:6

Qaq da vi'iiguet nache ỹataqta cholaxan ana 'alhua, qaq da demeenaxan, nache ỹataqta ñi'i na ỹotta'a't shiỹaxauapi. Qataq hua'axañi ana togoshaapec qasoxonaxapi, qataq dacagueñi ana togoshaapec lcomaraxalatepi, qalaxaye nam llecpi Ñim Lo'onatac 'Enauacna namayepi chochaq tatec.