Éxodo 15:14 - La'aqtaqa Ñim Lo'onatac 'Enauacna 2013

¹⁴ Na ỹotta'a't shiỹaxauapi qalaq ỹataqta iviloxol co'ollaq huo'o da la'axaỹaxac, ye filisteopi, qalaq nlaxagui da lcolanaxa,

Éxodo 15:14 Referans Kwoze

Deuteronómio 2:25

Qaq nagui, nache chegoqchiguiña ñaqa'en da 'enauac na ỹotta'a't shiỹaxauapi maye netalec ana 'alhua da qami' ñi'iỹalo. Qataq da choche qami' hua'axaỹapegueleguete, nache ỹataqta iviloxolaqchet da lli'iỹaxa, qataq da lcolanaxa.›

Isaías 14:31

¡Qanỹeñi qome qami' Filistea le'ecpi, qaua'alqai qome souaxat da qanqui'iqui, qataq qaviloxolli qome souaxat da qarcolanqai! Cha'aye da sheu' chegoqtegue na alleppi 'eeta'am ca napalñi lmala'q, nache namayepi qaica da 'oonolec ỹale ca huaỹoxouec.

Salmos 48:6

Da lcolanaxa ỹataqta ỹalauat somayepi, nache huo'o da nqui'ic, 'eeta'am ana 'alo da deco'otapigui'.

Josué 9:24

Qaq soomaye ỹasategueto' so Josué, nache 'ena'apo': «Qomi' qarlataqalli'. Qaq qomi' saỹatenaq da 'eetec co'ollaxa Ñim Nataxala' maye Qanatamnaxala'ai, da ỹamaxalec so lamaxashec Moisés, da qami' ỹanema 'enauac ne'ena 'alhuapi, qataq da qaulaxachiigui 'enauac na netaña namaye. Qomi' so'otaq de'era, souaxat da selaqa'a da mashe sa qaỹapeque na qoviita'a nache huo'o da lta'araic qarcolanaxa da qomi' qaualauache'.

Números 14:14

nache yemayepi da'aqtaxanem qome na lma' ne'ena 'alhua, maye hua'aqteguelec naxa da 'Am Nataxala', qoueta'aguet ne'ena nhuo' le'ecpi, qataq da 'anachaxana qalaq ỹataqta 'auatata'aguet, qataq so lo'oc maye 'aralamaxat ipelteetalec 'anqa'en namayepi, qataq ye na'a'q hua'auta'ague da taỹa'ague, qaq ye pe qalaq 'ettaigui 'anqa'en somaye.

Isaías 14:29

Qami' Filistea le'ecpi saishet qome da qantoñiitapigui', da qoñeetega mashe huacaigui so pon maye qami' qairotegalo naxa da qami' qaiuaxaata'ape, cha'aye yem chegoqchiguiña so na'araxanaq, nache chegoqchiguiña qome ca lỹa na'araxanaq, qaq camaye ỹactec qome, cha'aye camaye huaỹo qome.

Números 22:5

qaq somaye damaxasoxona so Balaam, som llalec so Beor, maye netaña co'ollaxa ye Petor, yem saqaỹapeque ye tala Éufrates ye 'alhua Amav. Nache so Balac ỹanem da la'aqtac so lamaxashecpi, da yaqto' 'enapega so Balaam, 'eeta': «Huo'o na nhuo' le'ecpi chegoqta'ague da Egipto, qaq namayepi ỹataqta imattalec ye nalotta na ña'alhua.

Josué 10:2

nache so Adonisédec ỹataqta lta'araic da lcolanaxa. Cha'aye so huaqta'a't nỹecpi ye Gabaón, yemaye 'amaqtaqaic qataq qalochiguiñi, qataq yemaye napacalec da la'amaqchec ye Ai, qataq som lma' yemaye ỹataqta 'añaxaicpi.

1 Samuel 4:7

nache so filisteopi ỹataqta huo'o da lli'iỹaxa, nache 'enapeco': ¡Ñim Lo'onatac 'Enauacna mashe nvireuga ye lanataqa' yemayepi! ¡Choxoraiqolqa qomi', ye ỹataqta sa ỹauano' da nache 'eetec de'era!

1 Crónicas 14:17

Huaña nache da llo'oxoyec so David ỹataqta imattalec yi'iye 'alhuapi, qataq Ñim Nataxala' ỹo'ot da 'enauac nam ỹotta'a't shiỹaxauapi ñi'iỹa somaye.

Isaías 23:5

Qaq qom ivita ca la'axaỹaxac na Egipto le'ecpi, nache ỹataqta nlaxagui qome da naquicoxo souaxat dam huaigui ye Tiro.

Ezequiel 32:9

Qaq de'era 'anlaqtaguec qom la'axaỹaxac nam hueta'a na 'alhuapi maye saishet da 'auauana, nache so'ot da daquico na qalota nhuo' le'ecpi.

Habacuc 3:7

Qaq aỹem sauaachigui na shiỹaxauapi maye lma' ye Cusán, da ỹataqta lta'araic da lachetataic, qataq na lma' ye Madián ỹataqta iviloxolaqchet da lcolanaxa.

Josué 2:11

Qaq can sa'axasoqchigui de'era, nache ỹataqta qomi' sa ntoonaxanaxa'n da qayi'iỹaxa souaxat da qaica ca ishet da qami' dataỹa'agueta. Cha'aye Ñim Nataxala' maye Qanatamnaxala'ai, Ñimaye nacheñi Ñim Natamnaxala' na neta'ague da piguem qataq na netalec ana 'alhua.

Josué 9:9

Nache soomaye 'ena'apo': «Qomye sachegoxosaqa'a ye ỹataqta qaỹoqta 'alhua, qaq souaxat da sa'axasoqtega da llo'oxoyec da le'enaxat Ñim Nataxala' maye 'Anatamnaxala'. Qaq qomi' saỹatenaq 'enauac na ỹo'otpi Ñimaye co'ollaq huaña ye Egipto,

1 Samuel 4:8

¡Choxoraiqolqa qomi'! ¿Negue'tom ca ishet da qomi' nca'alaxateeguesopa da lhuaqỹaxac Ñim Lo'onatac 'Enauacna maye ỹataqta 'añaxaic? ¡Ñimaye nacheñi ñi ilaxachigui co'ollaxa so egipciopi co'ollaq hualec ye toolec 'alhua, irolec so ỹotta'a't nalolaxapi.

Salmos 48:7

Qataq 'eeta'am na la'at maye chegoxogue da yo'oxoñi, da nlaxaañi ana notaxaquipi maye quelec na 'etaxat maye lalamaqtepi na lma' ye Tarsis.

Habacuc 3:6

Qaq da vi'iiguet nache ỹataqta cholaxan ana 'alhua, qaq da demeenaxan, nache ỹataqta ñi'i na ỹotta'a't shiỹaxauapi. Qataq hua'axañi ana togoshaapec qasoxonaxapi, qataq dacagueñi ana togoshaapec lcomaraxalatepi, qalaxaye nam llecpi Ñim Lo'onatac 'Enauacna namayepi chochaq tatec.