Éxodo 15:13 - La'aqtaqa Ñim Lo'onatac 'Enauacna 2013

¹³ Qaq nachera da 'arauotaxanaqtaic da huo'omshe 'auauecta'aguet ne'ena 'aralamaxatpi maye 'arca'alaqtacpi, qataq nachera da 'ara'añaxac da 'auo'onataxana, da 'auauectaua'a ye 'arma' maye qui'itta.

Éxodo 15:13 Referans Kwoze

Salmos 77:20

Qataq 'auauecta'aguet na 'aralamaxat nhuo' le'ecpi, 'eeta'am 'anqa'en ana nlo qagueta, 'auachegoxotchiguilo soua Moisés qataq so Aarón.

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

Jeremías 2:6

Somayepi saishet co'ollaxa da huo'o ca lhuogoxo da aỹem nmitaique, Aỹem maye ñeqateeguesop co'ollaxa ye Egipto, qataq sauecteuga ye toolec 'alhua, yem 'alhua maye deqaqta qataq qalota na tocotpi, yem 'alhua maye qaica ca 'etaxat qataq huetaña da lchec, yem 'alhua maye qaica ca netalec qataq qaica ca ishet da ỹa'axasoxoolec.

Salmos 106:9

Nache nlaxa co'ollaxa aso Auaxai Togaxarai nache deqaqa naqa'en, nache quichiguingui naqa'en somayepi na pa'aguiñi asa'aso auaxai, nache 'eeta'am da quetalec ca toolec 'alhua.

Efesios 2:4

Qalaxaye Ñim Lo'onatac 'Enauacna ỹataqta lta'araic da lchoxonnataxanaxa qataq da lauoche da shenaqta.

Salmos 80:1

'Am, maye 'aulotague' na Israel le'ecpi, maye 'auauecta'aguet co'ollaxa so José 'eeta'am 'anqa'en ana qagueta. 'Am maye ca 'aro'onataxanaqa' da 'am nta'a, nache hueta'alo soua ne'enaqtaqa querubines maye huo'oi naua laua't, ñaq qomi' 'aua'axaỹalo qataq qomi' 'auachaxanalo da 'ara'añaxac,

Génesis 19:16

Qalaxaye souaxat da so Lot ỹataqta saqaỹaloqtelec da jec, nache soua namaxa'she piguem lashe' ỹacoora na lhuaq somaye, cha'aye Ñim Nataxala' ỹataqta huo'o da lchoxonnataxanaxa somaye. Qaq nataqa'en qaỹaconeua'a aso lhua, qataq soua llalel, nache qanqateeguesopa se'eso huaqta'a't nỹecpi da yaqto' qanca'alaxatrec soomaye.

Nehemías 9:12

Qaq ye na'a'q nache qoquetaigui so lo'oc da 'auauecta'aguet somayepi, qaq ye pe qalaq qoquetaigui so norec le'eraxa, nache 'aucoỹatta'ague da taỹa'ague somayepi.

Éxodo 6:6

Qaq ỹoqo'oye 'am qojec qome, nache qonapega na Israel le'ecpi, da Aỹem maye Aỹem Nataxala' qami' ñeqateeguesopa qome da qanlataguiiqui qataq da qapa'atta qaro'onataxanaxaqui maye qami' ỹacheleguete na Egipto le'ecpi. Aỹem sachaxan qome da ỹa'añaxac da qami' ñeca'alaxatrec cha'aye serolec ñimaye da lta'araic iuaxanaxanaxac.

Éxodo 15:16

'Am Nataxala', no'on da ñi'i 'anqa'en yemayepi, ñaq 'auauo'o qome da lcolanaxa, 'eeta'am qome ca coma' da saq deraỹapigui', souaxat da la'añaxac na 'arhuaq, nato' qom mashe ỹapacauec nam nhuo' le'ecpi maye maiche 'aralamaxat!

Éxodo 15:17

'Am Nataxala', ña qomi' 'aunoxonaqchetreuo qome, ña qomi' 'aỹa'analeguete yem qaỹoqotcheguemec 'alhua maye 'aralamaxat, yem 'alhua maye 'arca'aguishec da 'arma', yem atamnaqa' maye maiche 'aua'ayiñi.

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

2 Samuel 15:25

Qalaxaye so nta'a 'enapega so Sadoc, 'eeta': 'avi'eguelaxateua'a qome ye huaqta'a't nỹecpi añi arca maye laỹe' da naỹamaxataxac Ñim Lo'onatac 'Enauacna. Cha'aye da aỹem ichoxoren Ñim Nataxala', nache aỹem ñe'egelaxateuo qome, nache qaltaq ñauane' añimaye qataq ñi npe'l maye netaigui.

Salmos 74:2

Ñaq 'auennata'a qome na 'aralamaxat nhuo' le'ecpi, maye 'arca'aguishecpi co'ollaq la'atchiguiñi na, nam 'arca'alaqtacpi co'ollaxa da yaqto' 'aralamaxat, qataq 'auennata'a qome añi qasoxonaxa Sión maye 'aranataqa' co'ollaxa.

Salmos 78:35

Qaq huaña nache tachigui lauel co'ollaxa Ñim Lo'onatac 'Enauacna maye Nataỹaña 'enauacna maye mpaxattalec qataq nca'alaxattapeguec somayepi.

Isaías 51:10

'Am, deqaqa co'ollaxa 'anqa'en aso auaxai, som 'etaxat maye huetangui aso qaỹoqchiguingui, nache na laiñi aso auaxai 'auo'ot co'ollaxa so nqa'aic da yaqto' llegueta 'anqa'en som 'anca'alaxateecpi.

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Isaías 63:9

Qaq saishet co'ollaxa da lamaxashec cam nca'alaxatec namayepi, maye nacheñi Ñimaye da maiche nca'alaxatec. Ñimaye isouec namayepi souaxat da lauotaxanaqtaic qataq da lchoxonnataxanaxa, ỹanaxanaxaasheguem qataq nachesheguem huota'aisalo naua lhua'q, 'eeta'am dam ỹo'ottac co'ollaxa soua hua'au' vi'iye.