Éxodo 15:10 - La'aqtaqa Ñim Lo'onatac 'Enauacna 2013

¹⁰ Qalaxaye co'ollaq 'auquetetec na 'ara'at, nache aso auaxai qaltaq ỹe'eguelaxa't so 'etaxat. Nache iyiiñi somayepi 'eeta'am ca lcat quiguiñi huangui so qaica ca 'ena'am da la'auataxa.

Éxodo 15:10 Referans Kwoze

Isaías 11:15

Ñim Nataxala' ỹauategue qome ca nqa'aic aso Auaxai Togaxarai, qataq nauaxaỹaxaasheguem na lhuaq taalec naqa'en so tala Éufrates, qataq anacot ca la'at maye ỹataqta chaqaic, nache icolaxachigui se'eso tala siete naqa'en caua la'auaxaco, qaq saiuen qome da qanqa't naua pela'ate da qaỹa'axasoxonguilo caamaye.

Deuteronómio 11:4

qataq da ỹo'otec so nalleppi so Egipto le'ecpi, qataq so lalo caipi qataq aso laigonapi maye nalaataxaquipi, co'ollaq iyiiñi naqa'en somayepi, huangui aso Auaxai Togaxarai, souaxat da qami' icaata'ape. Nache Ñim Nataxala' 'enauac da nlaxatchiguiñi somayepi, choche ivitta'a nagui.

Éxodo 15:5

Co'ollaq iyiiñi somayepi, nache 'eeta'am ca coma' ỹataqta iviraña ca loga't na 'etaxat, nache ỹapolec aso auaxai somayepi.

Éxodo 14:21

Nache so Moisés ỹachaxaasheguem na lhuaq, naloqteetelec aso auaxai, nache Ñim Nataxala', anacot so la'at lta'araic maye chegaqa'ague da nala' lliguisheguem, da ỹasheerelec aso auaxai imauec se'eso pe. Huaña, nache ỹauategue se'eso ñegueta, deqaqattague naqa'en.

Mateo 8:27

Nache soua lapaxaguenataqa ỹataqta huo'o da la'aalaqa' de'era, nache nnattega't 'eetra': –¿Negue't dam da' ỹale, ye ivira'a na la'at qataq ana lapaxa na 'etaxat da ỹalaxaguet?

Amós 4:13

Cha'aye nachaỹem da ỹo'onata ana qasoxonaxapi, qataq so'ot na la'at, qataq saỹaanaxanaxanec nam shiỹaxauapi nam iuen da ỹo'ot, qataq so'ot da yo'oqchiguiñi na napalaxa, qataq sequeuoteguelec nam ỹataqta qaỹoqotcheguemec 'alhua. Aỹem Nataxala', Aỹem Atamnaxala', 'era da ỹe'enaxat: Qaica ca Saqalanapec.

Jeremías 10:13

Da detaqa Ñimaye nache laỹona't na 'etaxat na piguem, qataq chegoqchiguiña naqa'en naua loga'te ana 'alhua da naỹoxoosheguem naqa'en na lo'oc na piguem qataq qashelecteguiñi naqa'en na le'eraxa na auot qataq na la'at chegoqchiguiña naqa'en cam laỹonaqa'.

Salmos 147:18

Qalaxaye da namaq la'aqtac nache quiguiñi naqa'en anamaye, qataq da ỹasheerelec naqa'en na la'at nache jec na 'etaxat.

Salmos 135:7

Qataq naỹoxoosheguem naqa'en na lo'oc, chegoqchiguiñalo naqa'en naua loga'te ana 'alhua, qataq ỹo'ot na nqashelgaxa maye ỹa'axata'aguet ca auot, qataq chegoqchiguiñalo naua laponaqa'ate da naỹoxoosheguem naqa'en na la'at.

Génesis 8:1

Qaq huaña, nache Ñim Lo'onatac 'Enauacna tachigui lauel so Noé, qataq 'enauac so shiguiỹacpi maye nqotta'ai' somaye aso notaxaqui. Nache ỹo'ot da so la'at ỹasheerelec ana 'alhua, nache so 'etaxat nquiguiñi,

Proverbios 30:4

¿Negue'tom ca ishet co'ollaxa da tasheguema na piguem qataq ñe'eguelaxañi? Qataq ¿negue'tom ca ishet da nllañi na la'at da ỹauota'a na lhuaq? Qataq ¿negue'tom ca ishet da ỹauo'o ca lpataxaalec na 'etaxat aso auaxai? Qataq ¿negue'tom co'ollaxa ca ỹo'o't naua loga'te ana 'alhua? Qataq ¿negue'tom ca ỹaỹaten ca le'enaxat Ñimaye qataq ca le'enaxat ca llalec?

Jeremías 46:17

Qaq huo'o na ỹa'alaqtai', 'eeta': ¡Ñi faraón choche lamtapigui! Ñim nta'a ye Egipto qalaq mashe iqataqchet som ldaqa' da huo'o ca ỹo'ot.

2 Samuel 18:8

Qaq se'eso alaataxac imattalec co'ollaxa se'eso 'alhua, qataq qalota so ileu, que'emaxam so aviaq, qaq saq 'amaqtaq so ilem so ỹeelonec.

Nehemías 9:11

Qataq ỹauaachigui 'anqa'en somayepi co'ollaq 'auỹoracache so 'etaxat aso auaxai, da yaqto' deqaqattague so llegueta som 'aralamaxat nhuo' le'ecpi, qaq som Egipto le'ecpi maye icaatac somayepi qalaq imoolec 'anqa'en so 'etaxat, nache 'eeta'am ca coma' da iyiiñi ivittaña na ỹoqta pa'aguiñi aso auaxai.