Éxodo 15:1 - La'aqtaqa Ñim Lo'onatac 'Enauacna 2013

¹ Nache so Moisés qataq so Israel le'ecpi, ỹo'on so no'onec da yaqto' qaỹo'oxoren Ñim Nataxala', 'eeta': «Aỹem so'onaxan, sho'oxoren Ñim Nataxala', cha'aye huo'o da llo'oxoyec souaxat da dauegaxan, cha'aye iyiiñi naqa'en so caipi qataq som netalecpi, huangui naqa'en aso auaxai.

Éxodo 15:1 Referans Kwoze

Apocalipsis 15:3

Nache somayepi ỹo'ootac som lo'onec so Moisés da qaỹo'oxoren So Qagueta Llalec maye 'eeta': «'Am Qarataxala' maye 'Aro'onatac 'Enauacna, qataq qaica ca 'auqalanapec, 'enauac nam 'auo'otpi ỹataqta lta'araicpi, qataq huo'o da llo'oxoyec. 'Am maye 'am Lataxala' 'enauac nam huetalec ana 'alhua, 'enauac na 'auo'otpi ỹataqta ỹaỹamaqchiguiñi, qataq nalochiguiñi.

Éxodo 15:21

Nache aso María do'onaxan, 'eeta': «Qauo'onaxañi, qavio'oxoyiñi Ñim Nataxala', Ñim ỹo'oxoraic maye dauegaxan, Ñim iyiiñi naqa'en aso naigonapi qataq so caipi qataq som netalecpi somayepi».

Salmos 106:12

Huaña nache somayepi ỹataqta ỹa'amaqten da la'aqtac Ñimaye, qataq do'onaxaatac da ỹo'oxoren Ñimaye.

Salmos 107:8

Ỹoqo'oye qaỹa'añiỹot da qana'achecỹaxaqui Ñim Nataxala' souaxat da lauotaxanaqtaic, qataq souaxat da llo'oxoyec maye ỹo'otec na shiỹaxauapi.

Colosenses 2:15

Ñim Lo'onatac 'Enauacna deuotaxanec da la'añaxac nam saq cha'api maye damaxasoxonapecpi chegoqchigui So Cristo da loxonec namayepi, ỹataqta qaica ca 'enec naqa'en co'ollaq ỹauec da 'eeta'am da lcoñeteguishecpi co'ollaq dauegaxan Somaye.

Salmos 107:15

Ỹoqo'oye qaỹa'añiỹot da qana'achecỹaxaqui Ñim Nataxala' souaxat da lauotaxanaqtaic, qataq da llo'oxoyec da lqouagaxanaqtaic maye ỹo'otec na shiỹaxauapi.

Éxodo 18:11

qataq da 'eetec da qami' sa iyacna'ape. Qaq nagui aỹem saỹateeta da Ñim Nataxala' ỹataqta 'amaqtaqaic, napacalec 'enauac na laỹepi atamnaxala'pi.»

Éxodo 14:27

Nache so Moisés ỹachaxaasheguem na lhuaq, naloqteetelec aso auaxai. Qaq co'ollaq yaqta'a da yo'oxoñi, nache qaltaq ỹe'eguelaxa't so 'etaxat aso auaxai. Nache so Egipto le'ecpi co'ollaq huotaique da datauec, nache ỹe'egueneguet so 'etaxat. Qaq 'era da 'eetec Ñim Nataxala' co'ollaq iyiiñi naqa'en somayepi.

Números 21:17

Qaq nache huaña co'ollaxa yemaye da do'onaxan so Israel le'ecpi, 'eeta': «¡'Am nshere, ña npaxaasheguem 'anqa'en ca 'etaxat! ¡Qaq qomi', 'am so'onaxanaqtalec qome!

Nehemías 9:11

Qataq ỹauaachigui 'anqa'en somayepi co'ollaq 'auỹoracache so 'etaxat aso auaxai, da yaqto' deqaqattague so llegueta som 'aralamaxat nhuo' le'ecpi, qaq som Egipto le'ecpi maye icaatac somayepi qalaq imoolec 'anqa'en so 'etaxat, nache 'eeta'am ca coma' da iyiiñi ivittaña na ỹoqta pa'aguiñi aso auaxai.

Da na'aqtaguec so Job 36:24

Qataq 'auennata'a qome da 'avio'oxoreetac na lo'onatacpi Ñimaye, cha'aye 'enauac na shiỹaxauapi ỹo'oxoreetac namayepi.

Salmos 32:7

Qaq 'am nache 'am ỹe'eguenaxala', qataq aỹem 'ampaxattalec souaxat na lcheeguesat, qataq aỹem coleesop 'anqa'en da no'onaxanaxac maye naigui da aỹem huesochiguiñi.

Salmos 76:6

Qaq 'am maye Natamnaxala' so Jacob, co'ollaq 'aviraxato'ot somayepi, nache saishet da deraỹapigui' aso laigonapi qataq so lalo caipi.

Salmos 105:43

Qaq 'era da 'eetec Ñim Lo'onatac 'Enauacna, co'ollaq nqatec so lalamaxat nhuo' le'ecpi maye lca'aguishecpi, ỹataqta ỹa'alaqtai' naqa'en da ntonaxac.

Proverbios 29:6

Ca qauemaic qalaq que'emaxama naua maiche lqoinaxanaxaco, qaq ca ỹale no'on da lataxac qalaq nda'a't da machiguiñi.

Isaías 42:10

Qauo'oñi ca dalaxaic no'onec da qauo'onaxañiito'ot Ñim Nataxala', nam netaña nam qaỹoqta 'alhua qalaq ỹo'oxoren qome Ñimaye, qataq nataqa'en nam quetalec aso auaxai qataq nam shiguiỹacpi maye huetangui asomaye, qataq nam netalec nam ỹaqauga 'alhuapiolec aso auaxai.

Jeremías 51:21

'Am so'ogoxona da selaxachigui na caipi qataq na ỹalleppi maye netalec namayepi, qataq ana naigonapi qataq nam netangui anamayepi.

Habacuc 3:18

qalaq ñaqaiyeta aỹem sho'oxoreetac qome Ñim Nataxala', qataq sho'oxoreetac Ñim Lo'onatac 'Enauacna maye ica'alaxaqui.

Éxodo 14:26

Qalaxaye Ñim Nataxala' 'enapega so Moisés, 'eeta': «'Auachaxaasheguem qome na 'arhuaq, 'analoqteetelec ana auaxai, yaqto' ỹe'eguelaxa't na 'etaxat, nache ỹapolec qome na Egipto le'ecpi qataq 'enauac ana naigonapi qataq na caipi».

Salmos 76:7

Cha'aye ỹataqta 'am chaqaic, ¿qaq negue'tom ca ishet da nachattañi da 'am nachatto'ot, da ivita da 'eroigui da 'aralemataic?

Oseas 2:17

Huaña qome nache ñeqateeguesop na alap da le'enaxat na saq 'en atamnaxala'pi, nache saishet qome da qaltaq ỹe'eguelaxa da nasaqtapeguec.