Éxodo 14:9 - La'aqtaqa Ñim Lo'onatac 'Enauacna 2013

⁹ Nache 'enauac so alleppi Egipto le'ecpi ñiguingui aso naigonapi qataq nelec so caipi da icaalec so Israel le'ecpi. Nache iviralec co'ollaq ñaq hueta'a so loigue aso auaxai, yem saqaỹapeque ye Pi Ajirot qataq datatta ye Baal Sefón.

Éxodo 14:9 Referans Kwoze

Éxodo 15:9

So depa'aguenataxan, qalaq 'eeta' da lhuennataxa: ‹Aỹem secaalec qome somayepi, sevira'a da sevi', ime, qaq ñaloqnec qome ca iuotaxanaxat, ivitta'a da ỹataqta samachiguiñi. Ñeqatsheguem qome na ỹainec nache na ihuaq nlaxaañi somayepi›.

Josué 24:6

Qaq se'eso hua'au qarta'ailpi co'ollaq ca'ai ye Egipto, nache so Egipto le'ecpi ncaalec somayepi, ỹauota'a aso laigonapi maye nalaataxaqui qataq so lalo caipi, nache nvittaxaama aso Auaxai Togaxarai.

Éxodo 14:2

«Qonapega qome na Israel le'ecpi da ỹe'eguelaq, ime nache hua'a qome ye datatta ye Pi Ajirot maye vichiguinguilo yeua Migdol qataq aso auaxai. Qaq nache hua'a qome ye loigue aso auaxai, yem datatta ye Baal Sefón.

Éxodo 13:18

Qaq ỹoqo'oye Ñimaye quetegue naqa'en somayepi so nqa'aic maye taalec ye toolec 'alhua som tataxaama aso Auaxai Togaxarai. Nache co'ollaq jec so Israel le'ecpi, nache nalochiguiñi 'eeta'am na alleppi.

Números 33:7

Qaltaq jec, chegoqchiguiña ye Etam, nache ncoleetaua'a ye Pi Ajirot maye pa'aigue da nala' lliguisheguem ye Baal Sefón, nache hua'a ye sa qaỹapeque ye Migdol.