Éxodo 14:8 - La'aqtaqa Ñim Lo'onatac 'Enauacna 2013

⁸ Nache Ñim Nataxala', ỹanem da ỹataqta qaramchigui añi lquiyaqte so faraón da yaqto' icaalec so Israel le'ecpi, na'aictaxa da ỹataqta lta'araic da qairolec na'añaxac somayepi da yaqto' ishet da huenoxonec.

Éxodo 14:8 Referans Kwoze

Hechos 13:17

Ñim Lo'onatac 'Enauacna maye ỹo'oxoreetac nam Israel le'ecpi, Ñimaye lca'aguishec co'ollaxa som hua'au qarta'alpi, nache ỹanem somayepi da ỹataqta qalota, co'ollaq netaña yem 'alhua le'enaxat Egipto. Qaq co'ollaq ime, nache Ñimaye nqateeguesop yi'iye 'alhua somayepi, irolec dam lta'araic la'añaxac.

Números 33:3

Co'ollaq jec, nache chegoqchiguiña ye Ramesés, so na'a'q quince so la'auaxanec ca'agoxoic se'eso vi'i, co'ollaq mashe inoxonec so na'a'q maye laloxoqui so Lapascua. Nache lỹatec da lta'araic la'añaxac ỹauaachigui 'enauac so Egipto le'ecpi,

Deuteronómio 26:8

Ỹoqo'oye Ñimaye ỹachaxan da lchecỹaxac da la'añaxac maye ỹo'ot da lta'araic ncolanaxa, qataq ỹo'ot 'enauac na saishet da qaỹauanapega. Qaq Ñimaye qomi' nqateeguesopa ye Egipto,

Éxodo 14:4

Qaq aỹem so'ot qome da ỹataqta qaramchigui añi lquiyaqte ñi faraón, da yaqto' qami' ncaaleguete. Huaña qome, nache sachaxana ñimaye da ỹa'añaxac qataq 'enauac na nalleppi. Yaqto' na Egipto le'ecpi ỹaỹateeta da aỹem Nachaỹem Nataxala'.» Qaq so Israel le'ecpi nache ỹo'ot co'ollaxa de'era.

Éxodo 13:16

Qaq ỹoqo'oye damaye 'eeta'am ca la'anaxat na qarhuaq, huo'otaq na qaratap, qaq damaye naigui da seuennaqte da Ñim Nataxala' nacheñi ñi qomi' nqateeguesopa ye Egipto co'ollaq do'onataxana da lta'araic la'añaxac».

Éxodo 6:1

Nache Ñim Nataxala' 'enapega somaye, 'eeta': «Nagui qaq 'aumeten da sheetec ñi faraón, cha'aye ñimaye saishet qome da choche qoquiỹa'ai naqa'en ne'ena 'alhua, qom huo'otaq sa serolec da lta'araic ỹa'añaxac, qaq ñimaye qome maiche qami' ỹo'oldauec.»

Salmos 86:13

Cha'aye ỹataqta lta'araic da 'arauotaxanaqtaic da sheeta, ỹoqo'oye aỹem 'anca'alaxateeguesop añi huachiqui.

Deuteronómio 32:27

qalaxaye shi'iỹa'aguet da le'enaxanaxac na ñepa'aguenaxauapi, cha'aye da saishet da ỹaỹateeteguet de'era namayepi, nache, 'eeta': Saishet da nacheñi Ñim Nataxala' ñim ỹo'ot de'era, qomi' maye so'otaq damaye sauoqta'a da maiche qara'añaxac.

Éxodo 13:18

Qaq ỹoqo'oye Ñimaye quetegue naqa'en somayepi so nqa'aic maye taalec ye toolec 'alhua som tataxaama aso Auaxai Togaxarai. Nache co'ollaq jec so Israel le'ecpi, nache nalochiguiñi 'eeta'am na alleppi.

Éxodo 13:9

Qaq damaye 'eeta'am qome ca yo'oqchigui la'anaxat na qarhuaqai huo'otaq na qaratapi, yaqto' da huo'otaq qautaqaitac, qalaq nache 'eetai' da qauennacheetapega da lqataxac Ñim Nataxala', cha'aye Ñimaye nacheñi ñi qami' nqateeguesopa ye Egipto co'ollaq qami' iroleguete da lta'araic la'añaxac.

Éxodo 4:21

Ime, nache Ñim Nataxala' 'enapega so Moisés, 'eeta': «Qom 'avita ye Egipto, nache ỹataqta 'aulotelco' 'enauac nam 'am samaxalec maye ỹo'ot ca na'aalaxa, qataq ỹauaachigui 'anqa'en ñi faraón da na'añaxac maye 'am sanem. Qaq aỹem, sanem qome ñimaye da ỹataqta qaramchigui añi lquiyaqte da yaqto' saishet da lhuotta da ỹasheetec ye Israel le'ecpi.

Éxodo 9:12

Qalaxaye Ñim Nataxala' ỹo'otec da ỹataqta qaramchigui naqa'en añi lquiyaqte so faraón, da yaqto' saishet da ỹoqocha'a so Moisés qataq so Aarón. Qaq ipacchigui dam la'aqtac co'olloxoche 'eetega so Moisés.

Éxodo 10:27

Qalaxaye Ñim Nataxala' ỹo'otec so faraón da ỹataqta qaramchigui añi lquiyaqte, da yaqto' saishet da ỹashenec somayepi.

Éxodo 14:7

Nache ỹauec aso seiscientos aso ỹataqta no'on naigona, qataq 'enauac asom laỹepi naigonapi ye Egipto, qaq añi 'oonole asomayepi nache ñiguingui ñi 'oonolec naigona lo'o.

Éxodo 14:17

Qaq aỹem sanem qome na Egipto le'ecpi da ỹataqta qaramchigui ye lauel, da yaqto' qami' icaaleguete, cha'aye nache chegoqchigui na faraón, qataq 'enauac na nalleppi maye netangui ana naigonapi, qataq na netalec na caipi da sachaxan da ỹa'añaxac.

Éxodo 15:9

So depa'aguenataxan, qalaq 'eeta' da lhuennataxa: ‹Aỹem secaalec qome somayepi, sevira'a da sevi', ime, qaq ñaloqnec qome ca iuotaxanaxat, ivitta'a da ỹataqta samachiguiñi. Ñeqatsheguem qome na ỹainec nache na ihuaq nlaxaañi somayepi›.

Lamentaciones 3:65

'Aỹa'anem da qaramchigui da lquiyaqteỹaxac, qataq talec 'anqa'en ca qauem namayepi.

Levítico 26:13

Qaq 'era da ỹa'aqtac, Aỹem Nataxala' maye Qanatamnaxala'ai maye qami' ñeqateeguesopa co'ollaxa ye Egipto da yaqto' saishet da nache 'eetai' da qami' l-lataqa yemayepi. Qataq qami' ñeqateeguesopa da qapa'atta qanlataguiiqui, nache huaỹoxootegue ñaqa'en da qarqauaxaqui.

Josué 11:20

Cha'aye Ñim Nataxala' ỹo'otec da ỹataqta qaramchigui da lquiyaqteỹaxac so mpa'aguenaxauapi so Israel le'ecpi da yaqto' somayepi dataỹa'aguet so Israel le'ecpi, yaqto' so Israel le'ecpi ỹataqta ilaxachigui 'enauac somayepi qataq saishet da ichoxoreetac da ỹo'orauec, qaq nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Jueces 4:7

Qaq Aỹem so'ot qome da ñi Sísara, maye lataxala' ye nalleppi ñi Jabín, nqo'ona so la'auaxac Cisón, nache nnaictague' ca nalleppi qataq aca laigonapi maye nalaataxaqui da yaqto' 'am iloquiaxan. Qalaxaye Ñimaye 'am ỹanem qome da 'oxonec.»

Salmos 105:43

Qaq 'era da 'eetec Ñim Lo'onatac 'Enauacna, co'ollaq nqatec so lalamaxat nhuo' le'ecpi maye lca'aguishecpi, ỹataqta ỹa'alaqtai' naqa'en da ntonaxac.