Éxodo 14:7 - La'aqtaqa Ñim Lo'onatac 'Enauacna 2013

⁷ Nache ỹauec aso seiscientos aso ỹataqta no'on naigona, qataq 'enauac asom laỹepi naigonapi ye Egipto, qaq añi 'oonole asomayepi nache ñiguingui ñi 'oonolec naigona lo'o.

Éxodo 14:7 Referans Kwoze

Éxodo 15:4

Ñim Nataxala' iyiiñi naqa'en aso naigonapi, qataq so nalleppi so faraón huangui aso auaxai, nataqa'en som ỹataqta no'on nalleppi 'ogaxaicpi naqa'en, huangui aso Auaxai Togaxarai

Isaías 37:24

Cha'aye 'auachegoxotchigui co'ollaxa so 'aramaxashec da 'ausheueetac Ñim Nataxala', qoneta': ‹Sauota'a ana ỹataqta qalota ñenaigonapi ñalaataxaquipi, da senotsheguemec na ỹataqta pa'asheguem ana qasoxonaxapi, qataq naua loiguiye ye Líbano, nache sechec ana ỹataqta logorai cedropi, qataq ana ỹataqta no'on piinopi. Qataq sevirasheguema yem ỹataqta qaỹoqotcheguema, yem aviaq maye 'eeta'am ca nanaxanaqa'.

Salmos 68:17

Ñim Lo'onatac 'Enauacna ỹataqta qalota ana laigonapi maye nalaataxaquipi, qaq nache chegoqchiguiña añi qasoxonaxa Sinaí da netangui anamayepi da naỹa añi lalamaqte atamnaxaqui.

Salmos 20:7

Huo'o na pe'etega ana nnotaxaqui maye nalaataxaqui, qataq huo'o na pe'etega na lalo caipi, qomi' qalaxaye sepia'aqtega Ñim Nataxala' maye Qanatamnaxala'.

Jueces 4:15

nache Ñim Nataxala' ỹo'ot da sa ntouen so nalleppi so Sísara, qataq som netanguipi aso nalaataxaqui laigonapi lcat, co'ollaq mashe nayeeta'a da delogui' so Barac, nache so Sísara huenoteeguesop aso laigona, nache piỹañi da datauec.

Jueces 4:3

Huaña nache so Israel le'ecpi ỹataqta nachoxoreetacot co'ollaxa Ñim Nataxala' da yaqto' itauan, cha'aye so Jabín ivi' novecientos aso laigonapi lcat nalaataxaquipi, qaq mashe ivi' soua veinte vi'iye da ỹataqta sa iyacnapec so Israel le'ecpi.

Éxodo 14:23

Nache 'enauac se'eso decanaxaatacpi maye ỹauota'a aso naigonapi, maye nalleppi so faraón qataq so netalec na caipi mashe iviraxaama na laiñi aso auaxai da icaatalec somayepi.

Éxodo 14:6

Nache somaye saỹaỹaloxon da damaxasoxoolec da qaiqataxanai' aso nalaataxaqui naigona. Ime, nache ỹauec so nalleppi.

Éxodo 14:8

Nache Ñim Nataxala', ỹanem da ỹataqta qaramchigui añi lquiyaqte so faraón da yaqto' icaalec so Israel le'ecpi, na'aictaxa da ỹataqta lta'araic da qairolec na'añaxac somayepi da yaqto' ishet da huenoxonec.

Génesis 50:9

Nataqa'en so shiỹaxauapi maye huota'a aso nnaigonapi qataq so huota'a so lalo caipi, nnaictague' co'ollaxa so José. Qaq ỹataqta saqalota so shiỹaxauapi.