Éxodo 14:4 - La'aqtaqa Ñim Lo'onatac 'Enauacna 2013

⁴ Qaq aỹem so'ot qome da ỹataqta qaramchigui añi lquiyaqte ñi faraón, da yaqto' qami' ncaaleguete. Huaña qome, nache sachaxana ñimaye da ỹa'añaxac qataq 'enauac na nalleppi. Yaqto' na Egipto le'ecpi ỹaỹateeta da aỹem Nachaỹem Nataxala'.» Qaq so Israel le'ecpi nache ỹo'ot co'ollaxa de'era.

Éxodo 14:4 Referans Kwoze

Romanos 9:17

Ana nere maye huetalec na la'aqtacpi Ñim Lo'onatac 'Enauacna maye setaxaỹaxanaqtac nanettalec co'ollaq Ñimaye, 'enapega so nta'a maye ilotague' ye Egipto, 'eeta': «'Am sanagui da 'am nta'a, cha'aye sauotaique da sachaxan da ỹa'añaxac sachegoqchigui 'enauac nam 'am so'otec yaqto' 'enauac na shiỹaxauapi ana 'alhua aỹem ỹauatton.»

Éxodo 7:5

Qaq qom mashe ime da sachaxana da ỹa'añaxac na Egipto, qataq qom mashe ñeqateeguesop namaye na Israel le'ecpi, huaña, nache na Egipto le'ecpi ỹaỹaten da aỹem maye Nachaỹem Nataxala'.»

Éxodo 7:3

Qalaxaye aỹem, sanem da ỹataqta qaramchigui añi lquiyaqte ñi faraón, qataq so'ot na qalota na'anecpi qataq nam ỹo'ot da na'aalaxa na Egipto.

Éxodo 9:16

Qalaxaye aỹem 'am ñeca'alaxattauec, da yaqto' 'auauaachigui da ỹa'añaxac, qataq aỹem ỹauatton 'enauac na huetalec ana 'alhua.

Éxodo 7:17

Qaq ỹoqo'oye Ñim Nataxala' da la'aqtac, 'eeta': Nagui nache chegoqchiguiña de'era so'ot, da yaqto' 'am 'auaỹateeta da aỹem maye Nachaỹem Nataxala'. Qaq ỹoqo'oye ana'ana nashelte maye ñasoqta'a, seuaxaangui qome na 'etaxat na tala, yaqto' na 'etaxat nañigui ntago'q.

Romanos 11:8

Qaq ipacchigui da 'enapec naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «Ñim Lo'onatac 'Enauacna ỹapogui da ntoonaxac, qataq naua la'ai'te, qataq naua ltela lauaco, choche ivitta'a nagui.»

Ezequiel 39:13

Qaq 'enauac qome na shiỹaxauapi da ỹalegueua'a da qailattegueñi namayepi, qaq que'eca na'a'q nache Aỹem huo'o qome da ỹo'oxoyec. Nache namayepi saishet qome da icoua'ai que'eca na'a'q. Qaq 'era da ỹa'aqtac Aỹem Nataxala'.

Ezequiel 28:22

Qoneta': Da la'aqtac Ñim Nataxala', 'eeta': 'Am Sidón, 'am ñechoxota nagui da 'am ñepa'aguenaxaua, qaq huo'o qome da ỹo'oxoyec da sootangui na laiñi da qoneta. Qaq qom sacoolec da 'am ñimit, qataq sachaxan da qui'itta ỹataxac, huaña qome nache qaỹaỹaten da Aỹem nachaỹem Nataxala'.

Ezequiel 20:9

Qalaxaye souaxat da la'amaqchec da ỹe'enaxat, qataq yaqto' saishet da qauem da na'aqtaguec namayepi da ỹalectaigui na ỹotta'a't shiỹaxauapi, cha'aye nache ỹalecta'aguet co'ollaxa ne'ena ỹotta'a't shiỹaxauapi co'ollaq ñachaxana namayepi, qataq co'ollaq sachaxanapeguem da ñeqateeguesop ye Egipto.

Nehemías 9:10

Nache 'anamaxa co'ollaxa so lta'araic nhuaxanaguec so nta'a ye Egipto, qataq so lamaxashecpi qataq 'enauac som shiỹaxauapi maye lma' yi'iye 'alhua, cha'aye 'auaỹaten da ỹataqta lta'araic nque'eenaxac naqa'en so Israel le'ecpi. Qaq ỹoqo'oye ỹataqta lta'araic da 'año'oxonnataguec, ivitta'a nagui.

Éxodo 18:11

qataq da 'eetec da qami' sa iyacna'ape. Qaq nagui aỹem saỹateeta da Ñim Nataxala' ỹataqta 'amaqtaqaic, napacalec 'enauac na laỹepi atamnaxala'pi.»

Éxodo 14:8

Nache Ñim Nataxala', ỹanem da ỹataqta qaramchigui añi lquiyaqte so faraón da yaqto' icaalec so Israel le'ecpi, na'aictaxa da ỹataqta lta'araic da qairolec na'añaxac somayepi da yaqto' ishet da huenoxonec.

Romanos 9:18

Qaq 'era da 'eetec Ñim Lo'onatac 'Enauacna da maiche ỹoiqueetac cam huotaique da ỹo'ot. Ñimaye nqouaguec cam taalec da nqouaguec qataq qaramchigui naqa'en añi lquiyaqte cam taalec da qaramchigui naqa'en.

Éxodo 10:27

Qalaxaye Ñim Nataxala' ỹo'otec so faraón da ỹataqta qaramchigui añi lquiyaqte, da yaqto' saishet da ỹashenec somayepi.

Éxodo 14:3

Yaqto' ñi faraón 'eeta' qome da lhuennataxa: ‹So Israel le'ecpi sa ỹaỹaten ca dataigue. Choche nsomaxaatapigui' ye toolec 'alhua›.

Éxodo 14:5

Qaq so nta'a ye Egipto co'ollaq ỹaỹaten da so Israel le'ecpi no'otauec, nache somaye qataq so nalleppi huo'o da ntogotaxac souaxat somayepi, nache 'enapeco': «¿Chaq ta'ainco' da sashenaqtec da jec so Israel le'ecpi, da yaqto' ỹaxaañi da qomi' do'onataxaatacoto?»

Éxodo 14:23

Nache 'enauac se'eso decanaxaatacpi maye ỹauota'a aso naigonapi, maye nalleppi so faraón qataq so netalec na caipi mashe iviraxaama na laiñi aso auaxai da icaatalec somayepi.

Éxodo 14:25

qataq na'aqche't naua lasaxanna aso nnotaxaquipi, huaña nache nqalaatapigui' da jec. Nache somayepi 'enapeco' da la'aqtac: «Sataxaueeguesop qome na Israel le'ecpi. Cha'aye Ñim Nataxala', ye deloclec namayepi da qomi' deloguito».

Levítico 10:3

Qaq co'ollaq mashe lcopa'ague de'era, nache so Moisés 'enapega so Aarón, 'eeta': «'Era, da 'eetega Ñim Nataxala' co'ollaq 'eeta': ‹Da huo'o ca Aỹem naua'a na ntaxaỹaxanaxanecpi, nache ñachaxana da ỹataqta Aỹem sa qaishetapec, qataq 'enauac na Israel le'ecpi sachaxana da qaica ca 'ena'am ỹo'oxoyec.›» Nache so Aarón choche ñe'emaxat.

Ezequiel 32:15

Qaq ye Egipto qom she'eguelaxata da toolec, qataq qom qui'iteelec qaica ca netalec yi'iye 'alhua, nache huaña qome da ỹaỹaten da Aỹem nachaỹem Nataxala'.

Éxodo 6:7

Qataq saconeua'a da qoñiita da yaqto' sauo'oi qami' ỹalamaqa'ate, qaq Aỹem Nachaỹem Qanatamnaxala'ai. Yaqto' qami' qauaỹaañita da Nachaỹem Nataxala', qataq Nachaỹem Qanatamnaxala'ai maye qami' ñeca'alaxateeguesopa da qapa'atta qaro'onataxanaxaqui maye qami' ỹacheleguete na Egipto le'ecpi.

Éxodo 10:2

yaqto' 'am ishet da 'aua'aqtaxanem qome ca 'aỹa'alaqpi qataq ca 'arhualpi da Aỹem so'otec na Egipto da lta'araic ỹo'oxoyec, yaqto' qami' qauaỹaañita da aỹem maye Nachaỹem Nataxala'».

Éxodo 12:28

Ime, nache jec somayepi da ỹo'ot 'enauac nam la'aqtac Ñim Nataxala' maye ỹamaxaleguete so Moisés qataq so Aarón.

Josué 11:20

Cha'aye Ñim Nataxala' ỹo'otec da ỹataqta qaramchigui da lquiyaqteỹaxac so mpa'aguenaxauapi so Israel le'ecpi da yaqto' somayepi dataỹa'aguet so Israel le'ecpi, yaqto' so Israel le'ecpi ỹataqta ilaxachigui 'enauac somayepi qataq saishet da ichoxoreetac da ỹo'orauec, qaq nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Jueces 4:7

Qaq Aỹem so'ot qome da ñi Sísara, maye lataxala' ye nalleppi ñi Jabín, nqo'ona so la'auaxac Cisón, nache nnaictague' ca nalleppi qataq aca laigonapi maye nalaataxaqui da yaqto' 'am iloquiaxan. Qalaxaye Ñimaye 'am ỹanem qome da 'oxonec.»

Ezequiel 38:16

nache 'auloquiaxan ye ỹalamaxat nhuo' Israel le'ecpi. 'Am Gog 'amattalec qome ye 'alhua qoneta'am ca napo. Qaq que'ecaua pa'atrec na'axa'te, nache 'am ñanacot qome da 'auloquiaxan yem hueta'a ye ña'alhua, yaqto' 'am chegoqchigui ñaqa'en da na laỹepi ỹotta'a't shiỹaxauapi ỹaỹaten qome, da sachaxana namayepi da qui'itta ỹataxac.

Ezequiel 38:23

Qaq 'era da 'eetec qom sachaxana na qalota laỹepi nhuo' le'ecpi, da ỹa'amaqchec qataq dam qui'itta ỹataxac, Aỹem so'ot qome da aỹem ỹauatton namayepi, qaq nache huaña qome da ỹaỹaten da Aỹem nachaỹem Nataxala'.