Éxodo 14:29 - La'aqtaqa Ñim Lo'onatac 'Enauacna 2013

²⁹ Qalaxaye na Israel le'ecpi ỹa'axasoxoota aso auaxai daqaqattague so llegueta, so 'etaxat qalaq choche nachaañi dos soua lpa'axaco, 'eco' npaqtaxanaxat, so laỹe pa'aigue da aloic qaq so lỹa laỹe, pa'aigue da ne'emaq.

Éxodo 14:29 Referans Kwoze

Éxodo 14:22

Nache so Israel le'ecpi ỹa'axasoxoolec aso auaxai, daqaqattague so llec, cha'aye so 'etaxat dos soua lpa'axaco, choche nachaañi 'eco' ca npaqtaxanaxat, so laỹe pa'aigue da aloic, qaq so lỹa laỹe pa'aigue da ne'emaq.

Isaías 51:13

¿Qaq 'aucoua'ai peta'a qome Ñim Nataxala', Ñim 'am lo'onatac, Ñim ilagaxaañi co'ollaxa na piguem qataq ỹo'ot ana 'alhua? ¿Qaq peta'a nache tatec qome da 'aviloxoltai' souaxat da nnogoxonaxac nam 'am sairen, maye 'am iyaqtalec da 'am ilaxachigui? Qalaxaye ¿ca hueta'ague que'eca nnogoxonaxac?

Isaías 51:10

'Am, deqaqa co'ollaxa 'anqa'en aso auaxai, som 'etaxat maye huetangui aso qaỹoqchiguingui, nache na laiñi aso auaxai 'auo'ot co'ollaxa so nqa'aic da yaqto' llegueta 'anqa'en som 'anca'alaxateecpi.

Isaías 43:2

Qaq da huo'otaq 'aua'axasoxoolec ca 'etaxat, qalaq Aỹem 'am soota'aguet qome, qataq da 'aua'axasoxoolec ca tala qalaq saishet da 'am 'ogaxaic, qataq da huo'otaq qoquetangui ca norec, qalaq saishet da 'am ỹavigaxat, qataq nam le'eraxa camaye saishet da 'am ỹavigaxat.

Josué 3:16

nache so 'etaxat maye chegaqasheguem vi'iiguet, nache so laponqa' na 'etaxat huaña yem qaỹoqteuga ye huaqta'a't nỹecpi ye Adam, yem huaqta'ai' ye Saretán. Qaq so 'etaxat maye taỹauga aso Auaxai Leuaxai, nache queta ivitta'a da imeuo. Huaña, nache so Israel le'ecpi ỹa'axasoxoolec so tala daqaqattague so llegueta, tatta co'ollaxa ye datatta ye huaqta'a't nỹecpi ye Jericó.

1 Corintios 10:1

Qami' ñauochaxau' ỹaqaỹa't maye sa'amaqtenaqtac So Cristo, ñeshetaique da qami' qauaỹaañi da so hua'au qarta'alpi 'enauac somayepi ỹa'axasoxoolec aso auaxai le'enaxat auaxai togaxarai. Ñim Lo'onatac 'Enauacna ipelteetalec co'ollaxa somayepi so lo'oc na piguem.

Éxodo 15:8

Co'ollaq 'auquetetec na 'ara'at, nache huo'oi naua laponaqa'ate na 'etaxat, na 'etaxat qalaq nachaañi, 'eeta'am ca npaqtaxanaxat, na laiñi asom qaỹoqchiguingui auaxai, qalaq da'añiỹa'a't so 'etaxat.

Éxodo 15:19

Qaq so faraón co'ollaq mashe tangui aso auaxai, netangui aso naigonapi qataq so nalleppi maye netalec so caipi, nache Ñim Nataxala' ỹe'eguelaxa't naqa'en so 'etaxat aso auaxai, nache ipa'axaañi somayepi, qalaxaye so Israel le'ecpi co'ollaq ỹa'axasoxoolec aso auaxai, qalaq deqaqtegue so llegueta.

Isaías 11:15

Ñim Nataxala' ỹauategue qome ca nqa'aic aso Auaxai Togaxarai, qataq nauaxaỹaxaasheguem na lhuaq taalec naqa'en so tala Éufrates, qataq anacot ca la'at maye ỹataqta chaqaic, nache icolaxachigui se'eso tala siete naqa'en caua la'auaxaco, qaq saiuen qome da qanqa't naua pela'ate da qaỹa'axasoxonguilo caamaye.

2 Reyes 2:8

Nache so Elías ỹacona so lapo', nache inana't nache iuaxaangui so 'etaxat, nache so 'etaxat colaxara'ache, huaña nache soomaye daqaqtegue so lleguetra da taitrague da le'ego.

Nehemías 9:11

Qataq ỹauaachigui 'anqa'en somayepi co'ollaq 'auỹoracache so 'etaxat aso auaxai, da yaqto' deqaqattague so llegueta som 'aralamaxat nhuo' le'ecpi, qaq som Egipto le'ecpi maye icaatac somayepi qalaq imoolec 'anqa'en so 'etaxat, nache 'eeta'am ca coma' da iyiiñi ivittaña na ỹoqta pa'aguiñi aso auaxai.

Salmos 78:13

Ñimaye icolaxachigui co'ollaxa na 'etaxat aso auaxai, qataq qaỹa'axasoxoolec naqa'en asomaye, qataq vi'iiguet naqa'en na 'etaxat 'eeta'am na mpaqtaxanaxat.

Salmos 106:9

Nache nlaxa co'ollaxa aso Auaxai Togaxarai nache deqaqa naqa'en, nache quichiguingui naqa'en somayepi na pa'aguiñi asa'aso auaxai, nache 'eeta'am da quetalec ca toolec 'alhua.

Salmos 136:13

Ñim colaxagui co'ollaxa naqa'en so 'etaxat aso Auaxai Togaxarai, cha'aye da lauotaxanaqtaic chochaq tatec.