Éxodo 14:28 - La'aqtaqa Ñim Lo'onatac 'Enauacna 2013

²⁸ Qaq co'ollaq qaltaq ỹe'eguelaxa't so 'etaxat aso auaxai, nache imoolec aso naigonapi, caipi, qataq 'enauac so nalleppi so faraón maye tangui aso auaxai da icaatac so Israel le'ecpi. Nache somayepi qaica da 'oonolec ca no'onañi da nca'altauec.

Éxodo 14:28 Referans Kwoze

Salmos 78:53

Ỹataqta no'on naqa'en da lqauaxac, yaqto' saishet da huo'o ca lcolanaxa, qaq so mpa'aguenaxauapi qalaq ỹapolec naqa'en na 'etaxat aso auaxai.

Habacuc 3:13

'Am 'auanac da 'autauan nam 'aralamaxat nhuo' le'ecpi, qataq so nta'a maye maiche 'arca'aguishec. Qataq 'aulaxachigui so lauo' lapo' som qauemaic, qataq yo'oqchiguiña 'anqa'en, so coma' maye lo'oxonaxala' so lma'.

Salmos 136:15

Qataq huangui aso Auaxai Togaxarai, da imoolec naqa'en so 'etaxat so faraón qataq so nalleppi, cha'aye da lauotaxanaqtaic chochaq tatec.

Hebreos 11:29

So Israel le'ecpi nataqa'en huo'o da lpi'iỹaxac Ñim Lo'onatac 'Enauacna, ỹoqo'oye ishet da ỹa'axasoxoolec aso auaxai togaxarai, 'eeta'am naqa'en da deqaqtelec. Qalaxaye so Egipto le'ecpi co'ollaq huotaique da ỹa'axasoxoolec nataqa'en asomaye, nache 'enauac da 'ogaxaicpi.

Nehemías 9:11

Qataq ỹauaachigui 'anqa'en somayepi co'ollaq 'auỹoracache so 'etaxat aso auaxai, da yaqto' deqaqattague so llegueta som 'aralamaxat nhuo' le'ecpi, qaq som Egipto le'ecpi maye icaatac somayepi qalaq imoolec 'anqa'en so 'etaxat, nache 'eeta'am ca coma' da iyiiñi ivittaña na ỹoqta pa'aguiñi aso auaxai.

2 Crónicas 20:24

Qaq som alleppi Judá le'ecpi co'ollaq ivita yem qaỹoqotcheguemec maye huaña da ishet da qaỹallelec ye toolec 'alhua, nache ỹamatauga so alleppi maye npa'aguenaxauapi, nache ila'a so leuaxaicpi da laguelec yi'iye 'alhua, nache qaica co'ollaxa ca ishet da naneltaxan.

Deuteronómio 11:4

qataq da ỹo'otec so nalleppi so Egipto le'ecpi, qataq so lalo caipi qataq aso laigonapi maye nalaataxaquipi, co'ollaq iyiiñi naqa'en somayepi, huangui aso Auaxai Togaxarai, souaxat da qami' icaata'ape. Nache Ñim Nataxala' 'enauac da nlaxatchiguiñi somayepi, choche ivitta'a nagui.

Éxodo 15:10

Qalaxaye co'ollaq 'auquetetec na 'ara'at, nache aso auaxai qaltaq ỹe'eguelaxa't so 'etaxat. Nache iyiiñi somayepi 'eeta'am ca lcat quiguiñi huangui so qaica ca 'ena'am da la'auataxa.

Éxodo 14:13

Qalaxaye so Moisés 'enapeco': «Saishet qome da qayi'i. Nache qoñiitai', yaqto' qauauañiichigui da 'eetec Ñim Nataxala' da qami' nca'alaxatrec ne'ena na'a'q, cha'aye ne'ena Egipto le'ecpi maye qauloita'aguet, ne'ena na'a'q nache tachiguiña da saishet da qaltaq qanauañi'.

Éxodo 15:19

Qaq so faraón co'ollaq mashe tangui aso auaxai, netangui aso naigonapi qataq so nalleppi maye netalec so caipi, nache Ñim Nataxala' ỹe'eguelaxa't naqa'en so 'etaxat aso auaxai, nache ipa'axaañi somayepi, qalaxaye so Israel le'ecpi co'ollaq ỹa'axasoxoolec aso auaxai, qalaq deqaqtegue so llegueta.

Jueces 4:16

Qalaxaye so Barac icaatac so alleppi qataq aso nalaataxaqui laigonapi so Sísara, nache iviraxatta'a ye Jaroset Goyín. Nache se'eso na'a'q ỹataqta qaica da huo'otaq 'oonolec ca no'onañi da nca'altauec som nalleppi so Sísara. Nache 'enauac ileu.

Génesis 7:18

Qaq so 'etaxat nache nquictasheguem co'ollaxa, qaq aso notaxaqui nache huaỹoxootapigui'.

Génesis 50:9

Nataqa'en so shiỹaxauapi maye huota'a aso nnaigonapi qataq so huota'a so lalo caipi, nnaictague' co'ollaxa so José. Qaq ỹataqta saqalota so shiỹaxauapi.

Salmos 106:22

qataq na ỹo'ot da na'aalaxa co'ollaq huaña ye 'alhua Cam, qataq na qaica ca 'ena'am co'ollaq huaña aso Auaxai Togaxarai.