Éxodo 14:26 - La'aqtaqa Ñim Lo'onatac 'Enauacna 2013

²⁶ Qalaxaye Ñim Nataxala' 'enapega so Moisés, 'eeta': «'Auachaxaasheguem qome na 'arhuaq, 'analoqteetelec ana auaxai, yaqto' ỹe'eguelaxa't na 'etaxat, nache ỹapolec qome na Egipto le'ecpi qataq 'enauac ana naigonapi qataq na caipi».

Éxodo 14:26 Referans Kwoze

Éxodo 14:16

Qaq 'am 'auachaxaasheguem qome ana 'arashelte, 'analoqteetelec ana auaxai, nache 'auỹorecache na 'etaxat, dos 'anqa'en naua lpa'axaco, yaqto' na Israel le'ecpi daqaqtegue ca llec da taitague da le'ego.

Éxodo 8:5

Nache Ñim Nataxala' 'enapego' so Moisés, 'eeta': «Qonapega qome ñi Aarón da ỹachaxaasheguem na lhuaq, naloqteetelec naqa'en ara lashelte so tala qataq na la'auaxacpi qataq na qa'aimpi, yaqto' chegoqchiguingui somaye aca miỹo da nnoxoosheguem, da yaqto' talec 'enauac na 'alhua na Egipto.»

Santiago 2:13

Cha'aye Ñim Lo'onatac 'Enauacna saishet da ichoxoreetac cam saishet da ichoxoren ca lỹa. Qalaxaye ca huo'o da lchoxonnataxanaxa ca lỹa, nache camaye qaica ca lasouaxashet qom qanmitna.

Mateo 8:27

Nache soua lapaxaguenataqa ỹataqta huo'o da la'aalaqa' de'era, nache nnattega't 'eetra': –¿Negue't dam da' ỹale, ye ivira'a na la'at qataq ana lapaxa na 'etaxat da ỹalaxaguet?

Mateo 7:2

Cha'aye da saishet da qaurenataxañi da qanmichi ca qarỹai, nache Ñim Lo'onatac 'Enauacna nataqa'en saishet da qami' ire'n da qami' nmi't. Ñimaye qami' ỹo'oteque nataqa'en cam qauo'ochec na laỹepi shiỹaxauapi.

Éxodo 7:19

Qataq Ñim Nataxala', nataqa'en 'enapego' so Moisés, 'eeta': «Qonapega qome ñi Aarón da ỹacona aca lashelte. Ime, qaq ỹachaxaasheguem na lhuaq, naloqteetelec naqa'en na tala, qataq na la'auaxacpi, qataq na qa'aimpi, qataq ana laỹe' na laquip na Egipto le'ecpi, qataq 'enauac anam huetangui na 'etaxat, da yaqto' nañigui na ntago'q. ¡Yaqto' huo'o qome na ntago'q ivira'a nataqa'en na huetagui ana naco'oñapi maye 'epaq qataq coma'!»

Éxodo 1:22

Qaq so faraón, nache 'enapego' 'enauac so lauo' le'ecpi, 'eeta': «'Enauac na ñiguiñi nogotolec maye llalec na hebreo le'ecpi qauasaqaiñigui qome ye tala, qaq ana nogotole, nache qauauaqaita'a qome da nache nca'altauec.»

Apocalipsis 16:6

Nam 'am ipa'agueetacpi qalota so ỹalauat nam 'aralamaxatpi maye ỹataqta qui'itta, qataq nataqa'en so 'ara'aqtaxanaxanecpi. Qaq ỹoqo'oye, 'am nagui 'aỹa'anem da nỹomgui na ntago'q namayepi, ¡cha'aye ỹataqta 'itchiguiñi da talec namayepi de'era!»

Isaías 11:16

Qaq yem no'onañi nhuo' le'ecpi maye lalamaxatpi Ñim Nataxala' qom ivita da ñe'eguelaq chegoqchiguiña ye Asiria, nache qalotegue qome ca llec nqa'aic, 'eeta'am so na'a'q co'ollaq so Israel le'ecpi ca'ai ye Egipto.

Éxodo 15:1

Nache so Moisés qataq so Israel le'ecpi, ỹo'on so no'onec da yaqto' qaỹo'oxoren Ñim Nataxala', 'eeta': «Aỹem so'onaxan, sho'oxoren Ñim Nataxala', cha'aye huo'o da llo'oxoyec souaxat da dauegaxan, cha'aye iyiiñi naqa'en so caipi qataq som netalecpi, huangui naqa'en aso auaxai.

Éxodo 15:4

Ñim Nataxala' iyiiñi naqa'en aso naigonapi, qataq so nalleppi so faraón huangui aso auaxai, nataqa'en som ỹataqta no'on nalleppi 'ogaxaicpi naqa'en, huangui aso Auaxai Togaxarai