Éxodo 14:25 - La'aqtaqa Ñim Lo'onatac 'Enauacna 2013

²⁵ qataq na'aqche't naua lasaxanna aso nnotaxaquipi, huaña nache nqalaatapigui' da jec. Nache somayepi 'enapeco' da la'aqtac: «Sataxaueeguesop qome na Israel le'ecpi. Cha'aye Ñim Nataxala', ye deloclec namayepi da qomi' deloguito».

Éxodo 14:25 Referans Kwoze

Éxodo 14:14

Qaq qami' qavi'imaqaitac qome, cha'aye Ñim Nataxala' maiche qami' delocleguete.»

Jeremías 51:21

'Am so'ogoxona da selaxachigui na caipi qataq na ỹalleppi maye netalec namayepi, qataq ana naigonapi qataq nam netangui anamayepi.

Da na'aqtaguec so Job 20:24

Qaq na'aictaxa da 'eteguet ca no'ogoxonaxat lcat, qalaxaye nache 'ena'am iviralec camaye aca checna, maye chegaqaigui na lcat bronce.

Deuteronómio 3:22

Qaq saishet qome da 'aye'etega yemayepi, cha'aye Ñim Nataxala' maye Qanatamnaxala'ai maiche qami' delocleguete qome.»

Amós 9:1

Qaq ime, nache sela'a Ñim Nataxala', nachattaua'a na laỹe añi nca'atoxonaxalate, nache aỹem 'enapega, 'eeta': «'Auaxaalec qome na pa'asheguem ana lauoqtepi añi atamnaxaqui, yaqto' cholaxan na l-llecnaxanaxatpi nache da naañi na laỹepi nache talec na lqaic na shiỹaxauapi. Qaq ca lca'alaxaicpi namayepi nache serolec qome ca ỹeelonec da salauat. Nache ỹataqta qaica qome ca ishet da datauec, qataq qaica qome ca nca'alec.

Amós 5:19

Cha'aye 'eeta'am qome ca dataueeguesop ca llon, qalaxaye qaltaq natena'aguet ca oso, huo'otaq ca pa'aigui ca lma' da ỹasheleua'a na lque camaye, nache inac ca 'araxanaq.

Salmos 76:6

Qaq 'am maye Natamnaxala' so Jacob, co'ollaq 'aviraxato'ot somayepi, nache saishet da deraỹapigui' aso laigonapi qataq so lalo caipi.

Salmos 68:12

«Mashe datauec so nta'alpi qataq so nalleppi.» Qaq ne'ena 'alpi maye hueta'a ne'ena nỹecpi, nache ỹanec na nhuotaxanaxat maye chegaqaigui ne'ena pa'aguenaxauapi.

Salmos 46:9

Ñimaye vi'iiguet naqa'en da alaataxac, ivira'a na alaataxac maye huañalo naua loga'te ana 'alhua, qataq huacaigui naqa'en na nchecnecpi qataq ana taquiaxaipi, qataq ỹasaxangui na norec ana naigonapi.

Da na'aqtaguec so Job 27:22

Ñimaye ỹataqta sa ichoxonnai' camaye da ỹasheerelec, na'aictaxa da huotaique da naneltaxan.

Da na'aqtaguec so Job 11:20

Qaq nam qauemaicpi qalaq imeuo qome, qataq saishet da ỹanata ca lle'eguenaqa', huaña nache naquitta'a da maiche ileu.»

Amós 1:14

Qaq ỹoqo'oye sauo'o qome ca norec da ỹavic ñaqa'en na lpaqtaxatpi ye Rabá, nache que'eca norec nlachiguiñi naqa'en qome ca nma' lta'araicpi, qaq que'eca na'a'q ỹataqta huo'o da na'alaxac da qaỹa'alaxalec ca alaataxac, qataq huo'o da l-llimiaxa na la'at que'eca na'a'q.

Jueces 4:15

nache Ñim Nataxala' ỹo'ot da sa ntouen so nalleppi so Sísara, qataq som netanguipi aso nalaataxaqui laigonapi lcat, co'ollaq mashe nayeeta'a da delogui' so Barac, nache so Sísara huenoteeguesop aso laigona, nache piỹañi da datauec.

Éxodo 14:4

Qaq aỹem so'ot qome da ỹataqta qaramchigui añi lquiyaqte ñi faraón, da yaqto' qami' ncaaleguete. Huaña qome, nache sachaxana ñimaye da ỹa'añaxac qataq 'enauac na nalleppi. Yaqto' na Egipto le'ecpi ỹaỹateeta da aỹem Nachaỹem Nataxala'.» Qaq so Israel le'ecpi nache ỹo'ot co'ollaxa de'era.

Éxodo 14:18

Qaq qom mashe ime, da sachegoxotchigui na faraón, qataq 'enauac ana naigonapi, qataq na caipi da sachaxan da ỹa'añaxac, huaña qome nache na Egipto le'ecpi ỹaỹateeta da Aỹem Nachaỹem Nataxala'.

Deuteronómio 32:31

Qataq na qampa'aguenaxauapi ỹaỹaten da cam npaxattalec namayepi saishet da 'eeta'am Ñim qomi' npaxattaleguete.

Nehemías 6:16

Qaq co'ollaq la'axaỹaxac de'era so qomi' ipa'agueeta'ape, nache 'enauac so ỹotta'a't shiỹaxauapi maye qarhuoreuapi ỹataqta huo'o da lcolanaxa. Nache ỹataqta qaica ca na'amqaanaxac, cha'aye ila'a da de'era no'onataxanaxac ỹataqta qomi' itauaata'ape, qataq qomi' hueta'agueta Ñim Lo'onatac 'Enauacna.

Éxodo 15:3

Ñim Lo'onatac 'Enauacna ỹataqta alaataxaic. Ñimaye le'enaxat da Nataxala'.

Deuteronómio 1:30

Ñim Nataxala' maye Qanatamnaxala'ai, Ñimaye hua'auta'ague da qa'aita'ague qataq maiche qami' delocleguete, 'eeta'am co'ollaq huaña ye Egipto,

Josué 10:14

Qaq saishet da huo'o co'ollaxa qataq qome ca na'a'q lỹa da 'eeta'am se'eso na'a'q da Ñim Nataxala' hua'axaỹa da lỹaxanaxac so shiỹaxaua, qataq da deloctapeguelec so Israel le'ecpi maye lalamaxat nhuo' le'ecpi.

2 Crónicas 20:29

Qaq som ỹotta'a't shiỹaxauapi co'ollaq ỹaỹaten da Ñim Nataxala', nacheñi Ñim deloctague' so npa'aguenaxauapi so Israel le'ecpi, nache 'enauac somayepi ỹataqta ñi'iỹa Ñim Lo'onatac 'Enauacna.

Nehemías 4:14

Qaq co'ollaq sela'a da ỹataqta ñi'i somayepi, nache ñachaañi da shenapega so nataxala'pi, nta'alpi, qataq 'enauac som laỹepi shiỹaxauapi, sheeta': «¡Saishet qome da qayi'iitac! Nacherata da qauennachiỹa'a Ñim Nataxala' da ỹataqta 'añaxaic qataq ncolanaxat, ỹoqo'oye qauloquiilec qome na qarqaỹaipi, qaỹa'alquipi ỹalleppi, qataq 'alpi, qataq ana qaramoxouaipi, qataq naua qarma'achilli'.»

Nehemías 9:11

Qataq ỹauaachigui 'anqa'en somayepi co'ollaq 'auỹoracache so 'etaxat aso auaxai, da yaqto' deqaqattague so llegueta som 'aralamaxat nhuo' le'ecpi, qaq som Egipto le'ecpi maye icaatac somayepi qalaq imoolec 'anqa'en so 'etaxat, nache 'eeta'am ca coma' da iyiiñi ivittaña na ỹoqta pa'aguiñi aso auaxai.

Salmos 35:1

'Am Nataxala', ñaq 'auataỹa'aguet qome na aỹem dataỹa'aguetpi, ñaq 'aulogui' na aỹem iloquiaxaatacpi.

Isaías 31:4

Ñim Nataxala' aỹem 'enapega, 'eeta': «Qaq 'eeta'am ca llon da desoqtalec aca lalaata qagueta, nache saishet da iquichoqchet camaye cam qalota qagueta lo'opi, na'aictaxa da 'enauac camayepi da laỹona't nache ỹa'alaqtalec da huotaique da iquichoqchet, qalaxaye saishet da ñi'i, qaq nache 'eetec qom anac Ñim Nataxala' maye Qaica ca Ỹaqalanapec da iueelec nam lalamaxat nhuo' le'ecpi qom huaña añi qasoxonaxa Sión.