Éxodo 14:24 - La'aqtaqa Ñim Lo'onatac 'Enauacna 2013

²⁴ Qaq co'ollaq mashe sa qaỹa'aguet so na'a'q, nache Ñim Nataxala', maye huetaigui so lo'oc lta'araic qataq so norec, namataña so alleppi Egipto le'ecpi, nache ỹami' somayepi da maiche lliỹa't souaxat da lcolanaxa,

Éxodo 14:24 Referans Kwoze

Éxodo 13:21

Qaq Ñim Nataxala' nnaictague' somayepi, ye na'a'q quetaigui so lo'oc da ỹachaxaata'ague na llec somayepi, qaq ye pe qalaq quetaigui so norec le'eraxa, da yaqto' icoỹattalec somayepi. Qaq ỹoqo'oye somayepi ishet da queta ye na'a'q qataq ye pe.

Éxodo 14:25

qataq na'aqche't naua lasaxanna aso nnotaxaquipi, huaña nache nqalaatapigui' da jec. Nache somayepi 'enapeco' da la'aqtac: «Sataxaueeguesop qome na Israel le'ecpi. Cha'aye Ñim Nataxala', ye deloclec namayepi da qomi' deloguito».

Salmos 48:5

qalaxaye co'ollaq ila'a yi'iye huaqta'a't nỹecpi, nache ỹataqta huo'o da la'aalaxa, nache saỹaỹaten ca 'eetec nache datauec.

Da na'aqtaguec so Job 40:12

Nache 'auamaxañi, 'aurolec da 'armeenaxanaxac da huetaiya' 'anqa'en, qataq 'aupataxañi ne'ena qauemaicpi huaña 'anqa'en ca hueta'a.

Da na'aqtaguec so Job 34:29

Qaq Ñimaye da nañaxaañi, qaq ¿negue't ca ishet da ỹo'ot ca nhuaxanaguec? Qataq da ỹoxooñi da lashiguiỹaxac, nache ¿negue't ca ishet da ila'a? Qalaxaye Ñimaye nauaatalec na ỹotta'a't shiỹaxauapi qataq ñi 'oonolec namayepi.

Da na'aqtaguec so Job 34:20

Na shiỹaxauapi huo'o da nque'elaxatta da huaigui ye pe da ileu, qataq huo'o da maiche taỹa't, nache imeuo, qaq na 'añaxaicpi qalaq qaỹamaqauec saishet da qairolec da yo'oqchigui na'añaxac.

Salmos 104:32

Qaq Ñimaye da ỹamatalec ana 'alhua nache anamaye cholaxan, qataq da ipoteua'a ana qasoxonaxapi nache nchisheguem naqa'en.

Da na'aqtaguec so Job 22:13

Qalaq ¿ta'ainco' da qonetega qaica cam nanoma Ñim Lo'onatac 'Enauacna, qataq na sa nsatchiguiñi lo'oc na piguem nqanaxat da huo'o ca nmit?

1 Samuel 11:11

Qaq so lỹa na'a'q, nache so Saúl nlagaxaañi naqa'en so nalleppi, tres naqa'en soua lpa'axaco. Qaq co'ollaq ña qaỹata'aguet so na'a'q, nache somayepi ique'elaxatta da inoxoneua'a so lanataqa' so npa'agueetague'pi da iloqauiaxan, nache ỹataqta nmatchiguiñi da ỹalauat som amoniitapi, choche ivitta'a so na'a'q laiñi. Qaq som lca'alaxaicpi somayepi ỹataqta nlagaxattac, nache ỹataqta qaica da huo'oi caua dos da nnaictega't.

Salmos 78:14

Ye na'a'q qalaq ỹauecta'aguet naqa'en somayepi so lo'oc na piguem, qataq ye pe qalaq ỹauecta'aguet naqa'en na le'eraxa so norec.

Salmos 90:4

Cha'aye caua mil vi'iye qalaq 'am, 'eeta'am 'anqa'en so na'a'q maye ỹoxogue shecait. Qataq 'eeta'am 'anqa'en ye 'oonolec pe.

Amós 9:4

Qaq da huo'otaq ca npa'aguenaxauapi da loxonecpi namayepi, nache da ỹauega ca ỹaqa'a 'alhua nache ilem ñaqa'en ca ỹeelonec. Qaq aỹem selota'a qome namayepi qalaxaye saishet da so'otec ca no'on, nacherata da talec ñaqa'en qome ca qauem.»