Éxodo 14:23 - La'aqtaqa Ñim Lo'onatac 'Enauacna 2013

²³ Nache 'enauac se'eso decanaxaatacpi maye ỹauota'a aso naigonapi, maye nalleppi so faraón qataq so netalec na caipi mashe iviraxaama na laiñi aso auaxai da icaatalec somayepi.

Éxodo 14:23 Referans Kwoze

Éxodo 14:17

Qaq aỹem sanem qome na Egipto le'ecpi da ỹataqta qaramchigui ye lauel, da yaqto' qami' icaaleguete, cha'aye nache chegoqchigui na faraón, qataq 'enauac na nalleppi maye netangui ana naigonapi, qataq na netalec na caipi da sachaxan da ỹa'añaxac.

Éxodo 15:19

Qaq so faraón co'ollaq mashe tangui aso auaxai, netangui aso naigonapi qataq so nalleppi maye netalec so caipi, nache Ñim Nataxala' ỹe'eguelaxa't naqa'en so 'etaxat aso auaxai, nache ipa'axaañi somayepi, qalaxaye so Israel le'ecpi co'ollaq ỹa'axasoxoolec aso auaxai, qalaq deqaqtegue so llegueta.

Eclesiastés 9:3

Qaq huo'o dam ỹactec da qauem maye huetaigui 'enauac nam qaỹo'otpi ana'ana 'alhua: da 'enauac 'eeta'a't da 'oonolec ye taỹa'a loga't. Qataq dam lquiyaqteỹaxac ca shiỹaxaua nlaqchigui na qauem, qataq dam 'oopashaxac nache huetaigui ye lhuennataxa 'enauaque naua na'axa'te da nachaalataxac, qaq da ivita ye loga't, nache tauga ye huetaña na leuaxaicpi.

1 Reyes 22:20

Nache Ñim Nataxala', denataxan, 'eeta': ¿Negue't ca ishet da ỹayena'a ñi Ajab, da taỹa ye Ramot maye huaigui ye Galaad da iloquiaxan, yaqto' nache huaigui da ileu? Qaq somayepi ỹotta'a't dam la'aqtaxanaxac.

Éxodo 15:9

So depa'aguenataxan, qalaq 'eeta' da lhuennataxa: ‹Aỹem secaalec qome somayepi, sevira'a da sevi', ime, qaq ñaloqnec qome ca iuotaxanaxat, ivitta'a da ỹataqta samachiguiñi. Ñeqatsheguem qome na ỹainec nache na ihuaq nlaxaañi somayepi›.

Éxodo 14:4

Qaq aỹem so'ot qome da ỹataqta qaramchigui añi lquiyaqte ñi faraón, da yaqto' qami' ncaaleguete. Huaña qome, nache sachaxana ñimaye da ỹa'añaxac qataq 'enauac na nalleppi. Yaqto' na Egipto le'ecpi ỹaỹateeta da aỹem Nachaỹem Nataxala'.» Qaq so Israel le'ecpi nache ỹo'ot co'ollaxa de'era.