Éxodo 14:22 - La'aqtaqa Ñim Lo'onatac 'Enauacna 2013

²² Nache so Israel le'ecpi ỹa'axasoxoolec aso auaxai, daqaqattague so llec, cha'aye so 'etaxat dos soua lpa'axaco, choche nachaañi 'eco' ca npaqtaxanaxat, so laỹe pa'aigue da aloic, qaq so lỹa laỹe pa'aigue da ne'emaq.

Éxodo 14:22 Referans Kwoze

Hebreos 11:29

So Israel le'ecpi nataqa'en huo'o da lpi'iỹaxac Ñim Lo'onatac 'Enauacna, ỹoqo'oye ishet da ỹa'axasoxoolec aso auaxai togaxarai, 'eeta'am naqa'en da deqaqtelec. Qalaxaye so Egipto le'ecpi co'ollaq huotaique da ỹa'axasoxoolec nataqa'en asomaye, nache 'enauac da 'ogaxaicpi.

Salmos 66:6

cha'aye ỹo'otec aso auaxai da deqaqtelec naqa'en na 'alhua, nache so sachegoxosoxoguet qarta'alpi petañi da ỹa'axasoxoolec se'eso tala, ỹoqo'oye ñetonaqtapeguec Ñim Lo'onatac 'Enauacna.

Salmos 78:13

Ñimaye icolaxachigui co'ollaxa na 'etaxat aso auaxai, qataq qaỹa'axasoxoolec naqa'en asomaye, qataq vi'iiguet naqa'en na 'etaxat 'eeta'am na mpaqtaxanaxat.

Éxodo 15:19

Qaq so faraón co'ollaq mashe tangui aso auaxai, netangui aso naigonapi qataq so nalleppi maye netalec so caipi, nache Ñim Nataxala' ỹe'eguelaxa't naqa'en so 'etaxat aso auaxai, nache ipa'axaañi somayepi, qalaxaye so Israel le'ecpi co'ollaq ỹa'axasoxoolec aso auaxai, qalaq deqaqtegue so llegueta.

Éxodo 14:29

Qalaxaye na Israel le'ecpi ỹa'axasoxoota aso auaxai daqaqattague so llegueta, so 'etaxat qalaq choche nachaañi dos soua lpa'axaco, 'eco' npaqtaxanaxat, so laỹe pa'aigue da aloic qaq so lỹa laỹe, pa'aigue da ne'emaq.

1 Corintios 10:1

Qami' ñauochaxau' ỹaqaỹa't maye sa'amaqtenaqtac So Cristo, ñeshetaique da qami' qauaỹaañi da so hua'au qarta'alpi 'enauac somayepi ỹa'axasoxoolec aso auaxai le'enaxat auaxai togaxarai. Ñim Lo'onatac 'Enauacna ipelteetalec co'ollaxa somayepi so lo'oc na piguem.

Isaías 63:13

cam ỹo'ot co'ollaxa da somayepi quichiguingui aso auaxai qalaq saishet da salvi, 'eeta'am naqa'en ca caipi da ỹa'axasoxoolec ca toolec 'alhua,

Nehemías 9:11

Qataq ỹauaachigui 'anqa'en somayepi co'ollaq 'auỹoracache so 'etaxat aso auaxai, da yaqto' deqaqattague so llegueta som 'aralamaxat nhuo' le'ecpi, qaq som Egipto le'ecpi maye icaatac somayepi qalaq imoolec 'anqa'en so 'etaxat, nache 'eeta'am ca coma' da iyiiñi ivittaña na ỹoqta pa'aguiñi aso auaxai.

Éxodo 15:8

Co'ollaq 'auquetetec na 'ara'at, nache huo'oi naua laponaqa'ate na 'etaxat, na 'etaxat qalaq nachaañi, 'eeta'am ca npaqtaxanaxat, na laiñi asom qaỹoqchiguingui auaxai, qalaq da'añiỹa'a't so 'etaxat.

Números 33:8

Qaltaq jec, chegoqchiguiña ye Pi Ajirot, ỹa'axasoxoolec aso auaxai, qaq co'ollaq ivitta ye toolec 'alhua, nache tres na'axa'te soua lqueuoxoqui' da quetalec yi'iye toolec 'alhua ye Etam, qaq co'ollaq ivita ye Mará, nache hua'a yemaye.

Zacarías 2:5

Cha'aye Ñim Nataxala' 'eeta', da la'aqtac: Aỹem sheeta'am qome ca norec da ñepaxattaua'a ye huaqta'a't nỹecpi ye Jerusalén, qataq sachaxan da ỹo'oxoyec da huangui na laiñi yi'iye huaqta'a't nỹecpi.›»

Josué 3:17

Nache 'enauac se'eso Israel le'ecpi ỹa'axasoxoolec so tala Jordán, daqaqattague so llegueta, qalaxaye soua ntaxaỹaxanaxanaqa maye ỹachetrac aso laỹe' da naỹamaxataxac Ñim Nataxala' qalaq nache nachattrañi huetra'a ye laiñi so tala Jordán, nachattraña so deqaqta 'alhua.

Josué 4:22

nache qami' qaua'aqtaxañim qome, qoñiita: ‹Na Israel le'ecpi co'ollaq naitague na le'ego so tala Jordán, qalaq daqaqattague so llegueta.

1 Samuel 25:16

Nacherata da qomi' npaxattaleguete ye na'a'q qataq ye pe, co'ollaq seloqtague' ana qaguetapi.

2 Reyes 2:8

Nache so Elías ỹacona so lapo', nache inana't nache iuaxaangui so 'etaxat, nache so 'etaxat colaxara'ache, huaña nache soomaye daqaqtegue so lleguetra da taitrague da le'ego.

Salmos 74:15

'Am 'auo'ot co'ollaxa na mpaxaatasheguem 'etaxat, qataq na talapi qataq deqaqa 'anqa'en na tala maye saq 'emapec.

Salmos 136:14

Ñim quichiguingui naqa'en na laiñi aso auaxai so Israel le'ecpi, cha'aye da lauotaxanaqtaic chochaq tatec.

Isaías 43:16

Ñim Nataxala' ỹauategue co'ollaxa so nqa'aic tachiguingui aso auaxai, qataq som ñegueta maye ỹa'axasoxongui so huo'o da lchec 'etaxat,

Isaías 63:12

cam ỹo'ot co'ollaxa da nnaictague' so Moisés dam ỹo'oxoraic la'añaxac, qataq ỹauaachigui naqa'en so lalamaxat nhuo' le'ecpi da icolaxachigui so 'etaxat aso auaxai da yaqto' ivira'a da chochaq tatec da na'aqtaguec,

Josué 3:16

nache so 'etaxat maye chegaqasheguem vi'iiguet, nache so laponqa' na 'etaxat huaña yem qaỹoqteuga ye huaqta'a't nỹecpi ye Adam, yem huaqta'ai' ye Saretán. Qaq so 'etaxat maye taỹauga aso Auaxai Leuaxai, nache queta ivitta'a da imeuo. Huaña, nache so Israel le'ecpi ỹa'axasoxoolec so tala daqaqattague so llegueta, tatta co'ollaxa ye datatta ye huaqta'a't nỹecpi ye Jericó.

2 Reyes 2:14

Ime, nache do'ogoxona som lapo' so Elías, da iuaxaangui so 'etaxat, nache na'axannec da la'aqtac, 'eeta': «¿Hueta'ague cam Nataxala', maye Natamnaxala' so Elías?» Qalaxaye co'ollaq choche iuaxangui so 'etaxat, nache colaxara'ache, nache so Eliseo, qaltaq ỹe'eguelaxatague da le'ego so tala.

Salmos 106:9

Nache nlaxa co'ollaxa aso Auaxai Togaxarai nache deqaqa naqa'en, nache quichiguingui naqa'en somayepi na pa'aguiñi asa'aso auaxai, nache 'eeta'am da quetalec ca toolec 'alhua.

Salmos 136:13

Ñim colaxagui co'ollaxa naqa'en so 'etaxat aso Auaxai Togaxarai, cha'aye da lauotaxanaqtaic chochaq tatec.

Isaías 11:15

Ñim Nataxala' ỹauategue qome ca nqa'aic aso Auaxai Togaxarai, qataq nauaxaỹaxaasheguem na lhuaq taalec naqa'en so tala Éufrates, qataq anacot ca la'at maye ỹataqta chaqaic, nache icolaxachigui se'eso tala siete naqa'en caua la'auaxaco, qaq saiuen qome da qanqa't naua pela'ate da qaỹa'axasoxonguilo caamaye.

Isaías 11:16

Qaq yem no'onañi nhuo' le'ecpi maye lalamaxatpi Ñim Nataxala' qom ivita da ñe'eguelaq chegoqchiguiña ye Asiria, nache qalotegue qome ca llec nqa'aic, 'eeta'am so na'a'q co'ollaq so Israel le'ecpi ca'ai ye Egipto.

Isaías 51:10

'Am, deqaqa co'ollaxa 'anqa'en aso auaxai, som 'etaxat maye huetangui aso qaỹoqchiguingui, nache na laiñi aso auaxai 'auo'ot co'ollaxa so nqa'aic da yaqto' llegueta 'anqa'en som 'anca'alaxateecpi.