Éxodo 14:21 - La'aqtaqa Ñim Lo'onatac 'Enauacna 2013

²¹ Nache so Moisés ỹachaxaasheguem na lhuaq, naloqteetelec aso auaxai, nache Ñim Nataxala', anacot so la'at lta'araic maye chegaqa'ague da nala' lliguisheguem, da ỹasheerelec aso auaxai imauec se'eso pe. Huaña, nache ỹauategue se'eso ñegueta, deqaqattague naqa'en.

Éxodo 14:21 Referans Kwoze

Isaías 63:12

cam ỹo'ot co'ollaxa da nnaictague' so Moisés dam ỹo'oxoraic la'añaxac, qataq ỹauaachigui naqa'en so lalamaxat nhuo' le'ecpi da icolaxachigui so 'etaxat aso auaxai da yaqto' ivira'a da chochaq tatec da na'aqtaguec,

Éxodo 15:8

Co'ollaq 'auquetetec na 'ara'at, nache huo'oi naua laponaqa'ate na 'etaxat, na 'etaxat qalaq nachaañi, 'eeta'am ca npaqtaxanaxat, na laiñi asom qaỹoqchiguingui auaxai, qalaq da'añiỹa'a't so 'etaxat.

Salmos 66:6

cha'aye ỹo'otec aso auaxai da deqaqtelec naqa'en na 'alhua, nache so sachegoxosoxoguet qarta'alpi petañi da ỹa'axasoxoolec se'eso tala, ỹoqo'oye ñetonaqtapeguec Ñim Lo'onatac 'Enauacna.

Isaías 51:10

'Am, deqaqa co'ollaxa 'anqa'en aso auaxai, som 'etaxat maye huetangui aso qaỹoqchiguingui, nache na laiñi aso auaxai 'auo'ot co'ollaxa so nqa'aic da yaqto' llegueta 'anqa'en som 'anca'alaxateecpi.

Salmos 78:13

Ñimaye icolaxachigui co'ollaxa na 'etaxat aso auaxai, qataq qaỹa'axasoxoolec naqa'en asomaye, qataq vi'iiguet naqa'en na 'etaxat 'eeta'am na mpaqtaxanaxat.

Salmos 74:13

'Am 'aucolaxachigui co'ollaxa aso auaxai, 'aurolec da 'ara'añaxac, qataq 'aulaxachigui na lqaicpi so lta'araic shiguiỹacpi maye auaxai le'ecpi,

Nehemías 9:11

Qataq ỹauaachigui 'anqa'en somayepi co'ollaq 'auỹoracache so 'etaxat aso auaxai, da yaqto' deqaqattague so llegueta som 'aralamaxat nhuo' le'ecpi, qaq som Egipto le'ecpi maye icaatac somayepi qalaq imoolec 'anqa'en so 'etaxat, nache 'eeta'am ca coma' da iyiiñi ivittaña na ỹoqta pa'aguiñi aso auaxai.

Josué 4:23

Cha'aye Ñim Nataxala' maye Qanatamnaxala'ai, 'imñi naqa'en so 'etaxat aso tala Jordán, da yaqto' ñanaxatague na le'ego qataq deqaqtegue naqa'en so qoyegueta, ỹe'enaxatchigui co'ollaq 'imñi naqa'en na 'etaxat so lche aso Auaxai Togaxarai da yaqto' qomi' ñanaxatague na le'ego asomaye.

Salmos 136:13

Ñim colaxagui co'ollaxa naqa'en so 'etaxat aso Auaxai Togaxarai, cha'aye da lauotaxanaqtaic chochaq tatec.

Éxodo 14:16

Qaq 'am 'auachaxaasheguem qome ana 'arashelte, 'analoqteetelec ana auaxai, nache 'auỹorecache na 'etaxat, dos 'anqa'en naua lpa'axaco, yaqto' na Israel le'ecpi daqaqtegue ca llec da taitague da le'ego.

Isaías 51:15

Cha'aye Aỹem Nataxala' maye Aỹem 'anatamnaxala' da ỹe'enaxat 'eeta': Nataxala' maye Qaica ca Ỹaqalanapec. Aỹem seraxan aso auaxai, nache ỹataqta dauaxan ana lapaxa.

Da na'aqtaguec so Job 26:12

Ñimaye irolec da la'añaxac da ỹacholaxan ana auaxai, qataq da laỹaanataxanaxac nachera da huo'omshe loxonec so lta'araic shiguiỹac le'enaxat Rajab.

Hechos 7:36

Qaq nacheso so Moisés so nqateeguesop ye 'alhua Egipto so hua'au qarta'alpi. Qataq nacheso so ỹo'ot nam sa qaỹauanapigui qataq na na'anecpi yi'iye 'alhua, qataq co'ollaq huaña aso Auaxai Togaxarai, qataq so toolec 'alhua se'esoua cuarenta vi'iye.

Génesis 8:1

Qaq huaña, nache Ñim Lo'onatac 'Enauacna tachigui lauel so Noé, qataq 'enauac so shiguiỹacpi maye nqotta'ai' somaye aso notaxaqui. Nache ỹo'ot da so la'at ỹasheerelec ana 'alhua, nache so 'etaxat nquiguiñi,

Éxodo 7:19

Qataq Ñim Nataxala', nataqa'en 'enapego' so Moisés, 'eeta': «Qonapega qome ñi Aarón da ỹacona aca lashelte. Ime, qaq ỹachaxaasheguem na lhuaq, naloqteetelec naqa'en na tala, qataq na la'auaxacpi, qataq na qa'aimpi, qataq ana laỹe' na laquip na Egipto le'ecpi, qataq 'enauac anam huetangui na 'etaxat, da yaqto' nañigui na ntago'q. ¡Yaqto' huo'o qome na ntago'q ivira'a nataqa'en na huetagui ana naco'oñapi maye 'epaq qataq coma'!»

Éxodo 14:20

Nache se'eso lo'oc lta'araic pa'aỹangui na laiñi da pa'aỹa'aguet so nalleppi so Egipto le'ecpi, qataq so Israel le'ecpi. Nache se'eso lo'oc napalñi naqa'en so hueta'a so Egipto le'ecpi, qaq so Israel le'ecpi qalaq yo'oqtelec naqa'en. Qaq ỹoqo'oye imauec se'eso pe so Egipto le'ecpi saishet da ivi' so Israel le'ecpi.

Josué 2:10

Qataq sa'axasoqtapeguelec da 'eetec co'ollaq qoquiỹa'ai ye Egipto, nache Ñim Nataxala' 'imñi naqa'en so 'etaxat so lche aso Auaxai Togaxarai da yaqto' ishet da qaua'axasoxoñiilec. Nataqa'en sa'axasoqtega da ỹataqta qanmachiichiyiñi soua Sijón qataq Og, soua dos lta'al ye amorreopi maye neta'atrague da le'ego ye tala Jordán.

Josué 3:17

Nache 'enauac se'eso Israel le'ecpi ỹa'axasoxoolec so tala Jordán, daqaqattague so llegueta, qalaxaye soua ntaxaỹaxanaxanaqa maye ỹachetrac aso laỹe' da naỹamaxataxac Ñim Nataxala' qalaq nache nachattrañi huetra'a ye laiñi so tala Jordán, nachattraña so deqaqta 'alhua.

2 Reyes 2:8

Nache so Elías ỹacona so lapo', nache inana't nache iuaxaangui so 'etaxat, nache so 'etaxat colaxara'ache, huaña nache soomaye daqaqtegue so lleguetra da taitrague da le'ego.

Isaías 23:11

Ñim Nataxala' ỹachaxaasheguem na lhuaq taalec naqa'en aso auaxai, nache iviloxol naqa'en na ỹotta'a't shiỹaxauapi, qataq damaxasoxoolec da qailaxachigui na npaqtaxanaxatpi ye Canaán.

Isaías 43:16

Ñim Nataxala' ỹauategue co'ollaxa so nqa'aic tachiguingui aso auaxai, qataq som ñegueta maye ỹa'axasoxongui so huo'o da lchec 'etaxat,

Isaías 50:2

¿Ta'ainco' co'ollaq ñevi', nache qaica ca selalec? ¿Ta'ainco' co'ollaq seỹaxan, nache qaica ca ỹasat? ¿Qaupicheetega peta'a da aỹem sañaloua'a da qami' ñeca'alaxatrec? ¿Qaupicheetega peta'a da sa sañoxot da qami' sesore'c? Qamaq aỹem ishet da choche 'oonolec ỹa'aqtac ca san nache deqaqa aso auaxai, qataq ana talapi qalaq ỹe'eguelaxa da toolec 'alhua, yaqto' na nỹaqpi ilem na laquip nache nchega souaxat da qaica ca 'etaxat.

Isaías 63:13

cam ỹo'ot co'ollaxa da somayepi quichiguingui aso auaxai qalaq saishet da salvi, 'eeta'am naqa'en ca caipi da ỹa'axasoxoolec ca toolec 'alhua,

Habacuc 3:8

'Am Nataxala' ¿peta'a 'aualemataỹa nam talapi? Qalqo' ¿'aunotega peta'a anam auaxaipi? ¿Ỹoqo'oye qonelec nam 'arelo caaỹo, qataq qoñiguingui anam 'aigona maye huegaxanaxai?

Da na'aqtaguec so Job 38:24

¿Hua'ague ca tateuga da ivita da nlagaxaañi na yo'oqchiguiñi? ¿Qataq da nlagaxaañi na la'at maye chegaqa'ague da nala' lliguisheguem da talec ana 'alhua?

Salmos 148:8

Qataq na nqashelgaxa, lache, aloñi qataq na sheue, qataq na lta'araic la'at maye ỹalaxaguet da namaxasaguec.

Isaías 44:27

Aỹem ishet da shenapega da deqaqa aso auaxai océano, qataq 'em ñaqa'en nam talapi maye taỹapegueua'a asomaye.