Éxodo 14:19 - La'aqtaqa Ñim Lo'onatac 'Enauacna 2013

¹⁹ Huaña, nache so lamaxashec piguem le'ec Ñim Lo'onatac 'Enauacna, qataq so lo'oc lta'araic maye hua'auta'ague naxa da llec so Israel le'ecpi, soomaye pa'aregue da l-laq somayepi.

Éxodo 14:19 Referans Kwoze

Isaías 63:9

Qaq saishet co'ollaxa da lamaxashec cam nca'alaxatec namayepi, maye nacheñi Ñimaye da maiche nca'alaxatec. Ñimaye isouec namayepi souaxat da lauotaxanaqtaic qataq da lchoxonnataxanaxa, ỹanaxanaxaasheguem qataq nachesheguem huota'aisalo naua lhua'q, 'eeta'am dam ỹo'ottac co'ollaxa soua hua'au' vi'iye.

Éxodo 32:34

Qaq ỹoqo'oye qojec qome, 'auauega ye 'alhua maye sheetega sanem yi'iye nhuo' le'ecpi. Qaq so ñale, nacheso so 'am ỹaueca'aguet qome. Qalaxaye qom ivita ca na'a'q da sauo'o ca nhuaxanaguec, nache sauo'o ca nhuaxanaguec cam huo'o ca lasouaxashet.»

Números 20:16

qaq huaña, nache qomi' seỹaxanaqot Ñim Nataxala', nache Ñimaye hua'axaỹa so qarỹaxanaxac, nache namaq so nale piguem le'ec da qomi' nqateeguesopa ye Egipto. Qaq nagui sonaqtaña na Cades, nam loga't na 'ana'alhua.

Éxodo 14:24

Qaq co'ollaq mashe sa qaỹa'aguet so na'a'q, nache Ñim Nataxala', maye huetaigui so lo'oc lta'araic qataq so norec, namataña so alleppi Egipto le'ecpi, nache ỹami' somayepi da maiche lliỹa't souaxat da lcolanaxa,

Éxodo 14:20

Nache se'eso lo'oc lta'araic pa'aỹangui na laiñi da pa'aỹa'aguet so nalleppi so Egipto le'ecpi, qataq so Israel le'ecpi. Nache se'eso lo'oc napalñi naqa'en so hueta'a so Egipto le'ecpi, qaq so Israel le'ecpi qalaq yo'oqtelec naqa'en. Qaq ỹoqo'oye imauec se'eso pe so Egipto le'ecpi saishet da ivi' so Israel le'ecpi.

Salmos 77:20

Qataq 'auauecta'aguet na 'aralamaxat nhuo' le'ecpi, 'eeta'am 'anqa'en ana nlo qagueta, 'auachegoxotchiguilo soua Moisés qataq so Aarón.

Salmos 78:53

Ỹataqta no'on naqa'en da lqauaxac, yaqto' saishet da huo'o ca lcolanaxa, qaq so mpa'aguenaxauapi qalaq ỹapolec naqa'en na 'etaxat aso auaxai.

Isaías 52:12

Qalaxaye saishet da qaỹalleetapigui' da qoquiỹa'ai namaye, qataq saishet da qauataiuec, cha'aye Ñim Nataxala' maye Natamnaxala' na Israel le'ecpi qami' mpaxattaleguete qome.

Isaías 58:8

Qaq da qonetec de'era, nache 'eroigui aca 'arcoỹaraxanaxaqui 'eeta'am da mashe nvi' na yo'oxoñi, qataq nam 'arque'emaxapi sa qaỹaloq qome da no'oita. Dam no'on 'arataxac qalaq hua'auta'ague da 'ata'ague, qataq da ỹo'oxoyec 'am ca'attaueegue qome.

Oseas 12:13

Qaq Ñim Nataxala' ỹachegoxotchigui so 'oonolec na'aqtaxanaxanec, da nqateeguesop ye Egipto na Israel le'ecpi, qataq do'ogoxona so 'oonolec na'aqtaxanaxanec da ilotague' namayepi.

Zacarías 12:8

Aỹem Nataxala', ñepaxattalec qome na hueta'a na Jerusalén. Qaq nam ỹataqta qaica ca la'añaxac namayepi, qalaq 'eeta'am qome so David da la'añaxac, qaq nam chegoxoguetpi so David, qalaq 'eeta'am qome Ñim Lo'onatac 'Enauacna, qataq 'eeta'am ca lamaxashec Ñim Nataxala' da hua'auta'ague da tata'ague namayepi.

Miqueas 2:13

Qaq Ñim Lo'onatac 'Enauacna ỹo'otegue qome ca llec, qaq namayepi nache ca'atteueegue qome Ñimaye, nache tachiviigui naqa'en ca lasom ca huaqta'a't nỹecpi. Qaq ñim nta'a maye Nataxala', hua'auta'ague qome da taỹa'ague namayepi.