Éxodo 14:17 - La'aqtaqa Ñim Lo'onatac 'Enauacna 2013

¹⁷ Qaq aỹem sanem qome na Egipto le'ecpi da ỹataqta qaramchigui ye lauel, da yaqto' qami' icaaleguete, cha'aye nache chegoqchigui na faraón, qataq 'enauac na nalleppi maye netangui ana naigonapi, qataq na netalec na caipi da sachaxan da ỹa'añaxac.

Éxodo 14:17 Referans Kwoze

Éxodo 14:8

Nache Ñim Nataxala', ỹanem da ỹataqta qaramchigui añi lquiyaqte so faraón da yaqto' icaalec so Israel le'ecpi, na'aictaxa da ỹataqta lta'araic da qairolec na'añaxac somayepi da yaqto' ishet da huenoxonec.

Éxodo 14:4

Qaq aỹem so'ot qome da ỹataqta qaramchigui añi lquiyaqte ñi faraón, da yaqto' qami' ncaaleguete. Huaña qome, nache sachaxana ñimaye da ỹa'añaxac qataq 'enauac na nalleppi. Yaqto' na Egipto le'ecpi ỹaỹateeta da aỹem Nachaỹem Nataxala'.» Qaq so Israel le'ecpi nache ỹo'ot co'ollaxa de'era.

Ezequiel 34:20

Qaq ỹoqo'oye Aỹem Nataxala', shenapec: Aỹem serolec qome da nalochiguiñi lataxac da ñimit ana chaxaraipi qaguetapi, qataq ana ỹapo'ota.

Ezequiel 34:11

Aỹem Nataxala', shenapec: Aỹem maiche souapegue' qome da selo'ogue ana ilopi qaguetapi.

Deuteronómio 32:39

Ña qauloỹa nagui da nachaỹemta Atamnaxala', qaica ca lỹa atamnaxala' da aỹem 'eeta'am. Cha'aye Aỹem san da nca'alaxa qataq so'ot da nleuaxa, qataq so'ot ca nque'emaxa qataq ishet da ñataren. Qataq qaica ca ỹet da la'añaxa'c naua ihuaxaye.

Ezequiel 6:3

qoneta': Ñaq qana'axaỹaxañiỹa da la'aqtac Ñim Nataxala' qami' qasoxonaxapi na Israel, qami' lcomaraxalatepi, qami' talapi qataq qami' ca'ameguepi, Aỹem qami' ñamaxalo qome ca alaataxac, da yaqto' ilaxachigui nam qaỹoqotcheguemec atamnaqa'pi maye huaña da qaỹo'oxoren na ỹaqa'a atamnaxala'pi.

Ezequiel 5:8

Qaq ỹoqo'oye Aỹem Nataxala', sheeta': Aỹem nataqa'en 'am sataỹa'aguet, 'am Jerusalén, sacoolec da ñemit na 'arasouaxashetpi, ỹauaachigui ñaqa'en na ỹotta'a't shiỹaxauapi.

Isaías 51:12

«Qaq Aỹem, nachaỹem da 'am sami' da 'ara'añaxac. ¿Qaq negue't qone' ca 'añe'etega? ¿Nachena peta'a nam shiỹaxauapi? ¿Nam shiỹaxauapi maye huo'o ca loga't, 'eeta'am ana huoue?

Isaías 48:15

Qaq nachaỹem co'ollaxa da setaxaỹot somaye qataq seỹaxana, Aỹem so'ot da anac, qaq cam dataigue qome qalaq no'on da na'aqtaguec.

Oseas 5:14

Cha'aye aỹem sheeta'am qome ca llon da seloquiaxan ye Efraín, qataq catai' llon llalec da seloquiaxan ye Judá, qaq nache aỹem qome da secolaxattac, ime nache ashec, nache sache qome ca ỹoxonec, nache qaica ca ishet da deuotaxanec.

Jeremías 23:39

nache Aỹem, qami' sasaxare'c qome, qataq nam huaqta'a't nỹecpi maye qami' sanema co'ollaxa, qataq som hua'au qarta'ailpi, nache ỹataqta qaỹoqta ñaqa'en da sheeta, cam qoviỹaña qome.

Levítico 26:28

nache Aỹem nataqa'en qami' sataỹa'agueta qome, qataq qami' seroleguete da ỹayeloxo da ỹoltaq siete da qami' seuaxa'n souaxat da qaye'etaxalqoi,

Éxodo 7:3

Qalaxaye aỹem, sanem da ỹataqta qaramchigui añi lquiyaqte ñi faraón, qataq so'ot na qalota na'anecpi qataq nam ỹo'ot da na'aalaxa na Egipto.

Éxodo 4:23

Qaq ỹoqo'oye mashe sogote da 'am sheetega da 'aua'aqta'a da jec na ỹalec da yaqto' aỹem nqo'ona da aỹem natamnot, qalaxaye ye 'am saishet da 'auashenec, qaq nagui aỹem salauat ñi la'auaxanec 'aỹa'alec».

Génesis 9:9

«Ñaq qauloichigui, Aỹem llapaxañi da ñaỹamaxataxac da qami' ñaỹamaxatto, qataq cam qaỹa'alquipi qome,

Génesis 6:17

Cha'aye Aỹem ñamaq qome ca auot da ipaxaalec ana 'alhua, nache nlaxaañi qome 'enauac nam huo'o da lca'alaxa maye netalec 'enauac na pa'aiguelo ana 'alhua. Qaq 'enauac qome nam huetalec ana 'alhua ileu.

Romanos 9:18

Qaq 'era da 'eetec Ñim Lo'onatac 'Enauacna da maiche ỹoiqueetac cam huotaique da ỹo'ot. Ñimaye nqouaguec cam taalec da nqouaguec qataq qaramchigui naqa'en añi lquiyaqte cam taalec da qaramchigui naqa'en.

Éxodo 14:23

Nache 'enauac se'eso decanaxaatacpi maye ỹauota'a aso naigonapi, maye nalleppi so faraón qataq so netalec na caipi mashe iviraxaama na laiñi aso auaxai da icaatalec somayepi.

Levítico 10:3

Qaq co'ollaq mashe lcopa'ague de'era, nache so Moisés 'enapega so Aarón, 'eeta': «'Era, da 'eetega Ñim Nataxala' co'ollaq 'eeta': ‹Da huo'o ca Aỹem naua'a na ntaxaỹaxanaxanecpi, nache ñachaxana da ỹataqta Aỹem sa qaishetapec, qataq 'enauac na Israel le'ecpi sachaxana da qaica ca 'ena'am ỹo'oxoyec.›» Nache so Aarón choche ñe'emaxat.

Josué 11:20

Cha'aye Ñim Nataxala' ỹo'otec da ỹataqta qaramchigui da lquiyaqteỹaxac so mpa'aguenaxauapi so Israel le'ecpi da yaqto' somayepi dataỹa'aguet so Israel le'ecpi, yaqto' so Israel le'ecpi ỹataqta ilaxachigui 'enauac somayepi qataq saishet da ichoxoreetac da ỹo'orauec, qaq nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

1 Samuel 6:6

¿Ta'ainco' da qauacoñiỹa da qami' qaramchiguilo, da qoñiita'am da lataxac som egipciopi, qataq so faraón, maye Ñim Natamnaxala' ye Israel le'ecpi irolec co'ollaxa da sansatta lhuaxanaxanaxac, da yaqto' ỹasheetec da jec ye Israel le'ecpi?

Génesis 50:9

Nataqa'en so shiỹaxauapi maye huota'a aso nnaigonapi qataq so huota'a so lalo caipi, nnaictague' co'ollaxa so José. Qaq ỹataqta saqalota so shiỹaxauapi.

Éxodo 4:21

Ime, nache Ñim Nataxala' 'enapega so Moisés, 'eeta': «Qom 'avita ye Egipto, nache ỹataqta 'aulotelco' 'enauac nam 'am samaxalec maye ỹo'ot ca na'aalaxa, qataq ỹauaachigui 'anqa'en ñi faraón da na'añaxac maye 'am sanem. Qaq aỹem, sanem qome ñimaye da ỹataqta qaramchigui añi lquiyaqte da yaqto' saishet da lhuotta da ỹasheetec ye Israel le'ecpi.

Jueces 4:7

Qaq Aỹem so'ot qome da ñi Sísara, maye lataxala' ye nalleppi ñi Jabín, nqo'ona so la'auaxac Cisón, nache nnaictague' ca nalleppi qataq aca laigonapi maye nalaataxaqui da yaqto' 'am iloquiaxan. Qalaxaye Ñimaye 'am ỹanem qome da 'oxonec.»

Ezequiel 28:22

Qoneta': Da la'aqtac Ñim Nataxala', 'eeta': 'Am Sidón, 'am ñechoxota nagui da 'am ñepa'aguenaxaua, qaq huo'o qome da ỹo'oxoyec da sootangui na laiñi da qoneta. Qaq qom sacoolec da 'am ñimit, qataq sachaxan da qui'itta ỹataxac, huaña qome nache qaỹaỹaten da Aỹem nachaỹem Nataxala'.