Éxodo 14:15 - La'aqtaqa Ñim Lo'onatac 'Enauacna 2013

¹⁵ Qalaxaye Ñim Nataxala' 'enapega so Moisés, 'eeta': ¿Ta'ainco' da aỹem 'auỹaxaatacot da 'am setauan? ¡Qonapega qome na Israel le'ecpi da jec, nqauasheguem!

Éxodo 14:15 Referans Kwoze

Josué 7:10

Nache Ñim Nataxala' ỹasategueto' somaye, 'eeta': «¡Qoñisheguem! ¿Negue't ca 'auo'ottac da 'anqapaxaata'aguet na 'alhua?

Nehemías 9:9

Qaq 'am 'auauaachigui co'ollaxa da nque'eenaxac, so hua'au qarta'alpi co'ollaq netaña ye Egipto, qataq 'aua'axaỹa da nachoxonnaxac somayepi co'ollaq huaña so loigue aso Auaxai Togaxarai.

Éxodo 17:4

Nache so Moisés nqouagaxaunot Ñim Nataxala', 'eeta': «¿Cam sheeteco' ne'ena shiỹaxauapi? ¡Ye mashe yaqta'a da aỹem ỹalauat da aỹem irolec na coma'!»

Éxodo 14:14

Qaq qami' qavi'imaqaitac qome, cha'aye Ñim Nataxala' maiche qami' delocleguete.»

Éxodo 14:16

Qaq 'am 'auachaxaasheguem qome ana 'arashelte, 'analoqteetelec ana auaxai, nache 'auỹorecache na 'etaxat, dos 'anqa'en naua lpa'axaco, yaqto' na Israel le'ecpi daqaqtegue ca llec da taitague da le'ego.

2 Reyes 17:7

Qaq de'era, qanayeuaigui co'ollaxa souaxato' da so Israel le'ecpi, huo'o da npe'enaxac da dataỹa'aguet Ñim Nataxala' maye Natamnaxala', maye nqateeguesop co'ollaxa ye Egipto, qataq da la'añaxac so faraón, maye nta'a ye Egipto, cha'aye somayepi natamnot so ỹaqa'a atamnaxala'pi,

2 Reyes 17:36

Nacheñita Ñim Nataxala' maye qami' nqateeguesopa co'ollaxa ye Egipto, ỹauota'a da lta'araic la'añaxac. Nacheñita qome da huo'o naq 'enec qanqa'eñi, qavio'oxoreñiitac, qataq qaỹa'añiỹot ana qarachetaqtaxanaqche.

2 Reyes 20:11

Huaña nache so na'aqtaxanaxanec Isaías, iỹaxanot Ñim Nataxala', nache Ñim Nataxala' iqoshaxan so diez grado so lpaqal añi nala', maye huichiguiña so lpaqal co'ollaq qailota'aguet so laloqnaxat añi nala' maye lalamaxat so Ajaz.