Éxodo 14:14 - La'aqtaqa Ñim Lo'onatac 'Enauacna 2013

¹⁴ Qaq qami' qavi'imaqaitac qome, cha'aye Ñim Nataxala' maiche qami' delocleguete.»

Éxodo 14:14 Referans Kwoze

Deuteronómio 3:22

Qaq saishet qome da 'aye'etega yemayepi, cha'aye Ñim Nataxala' maye Qanatamnaxala'ai maiche qami' delocleguete qome.»

Deuteronómio 20:4

Cha'aye Ñim Nataxala' maye Qanatamnaxala'ai, qami' hueta'agueta, qataq Ñimaye maiche delogui' na qami' ipa'agueeta'ape, nache qami' ỹanema da qoroxoñiqui namayepi.

2 Crónicas 20:17

Qalaxaye saishet qome da nache qami' da qauloqui de'era loquiaxac, nacherata da qañe'emaxache qome da qoviita'a cam qarauanaxanaqa'ai, yaqto' qauauañiichigui da lca'alaqtaxanaxac Ñim Nataxala', da qami' taleguete. Qami' shiỹaxauapi maye qarma'ai na Judá, qataq na Jerusalén, saishet da qayi'iitac huo'otaq da qauqaulliitac, qoqui qonte' da qauataiỹa'aguet namayepi, cha'aye aỹem Nataxala', qami' soota'agueta qome.›»

Josué 23:3

Qaq qami' qauauañiichigui 'enauac nam qami' ỹo'oteque Ñim Nataxala' maye Qanatamnaxala'ai, qataq da 'eetec naqa'en na ỹotta'a't shiỹaxauapi, cha'aye Ñimaye nacheñi Ñim qami' deloctapegueleguete.

Deuteronómio 1:30

Ñim Nataxala' maye Qanatamnaxala'ai, Ñimaye hua'auta'ague da qa'aita'ague qataq maiche qami' delocleguete, 'eeta'am co'ollaq huaña ye Egipto,

Josué 23:10

Qaq ca 'oonolec da qoñiita qalaq ishet da datauec naqa'en ca mil alleppi, cha'aye Ñim Nataxala' maye Qanatamnaxala'ai qami' deloctegueleguete, cha'aye maiche la'aqtac co'ollaxa Ñimaye.

Isaías 30:15

Qaq cha'aye Ñim Nataxala' Ñim Qui'itta Natamnaxala' na Israel le'ecpi, 'eeta': «Qañe'eguelaqai qome, qataq qanmacheeuec yaqto' qanca'alleeuec. Cha'aye da qara'añaxaqui huetaigui da qavi'imaqaitac qataq da Aỹem qaua'amaqcheñi.» Qalaxaye qami' saishet da qauaỹamaxayiñi damaye,

2 Crónicas 20:29

Qaq som ỹotta'a't shiỹaxauapi co'ollaq ỹaỹaten da Ñim Nataxala', nacheñi Ñim deloctague' so npa'aguenaxauapi so Israel le'ecpi, nache 'enauac somayepi ỹataqta ñi'iỹa Ñim Lo'onatac 'Enauacna.

Salmos 50:3

Ñim Qanatamnaxala' anac, qalaxaye saishet da paltalec, cha'aye Ñimaye na'auaxaata na norec maye nlaxaañi naqa'en 'enauacna, qaq naua laỹel Ñimaye qalaq dellimigui na lta'araic la'at.

Éxodo 15:3

Ñim Lo'onatac 'Enauacna ỹataqta alaataxaic. Ñimaye le'enaxat da Nataxala'.

Éxodo 14:25

qataq na'aqche't naua lasaxanna aso nnotaxaquipi, huaña nache nqalaatapigui' da jec. Nache somayepi 'enapeco' da la'aqtac: «Sataxaueeguesop qome na Israel le'ecpi. Cha'aye Ñim Nataxala', ye deloclec namayepi da qomi' deloguito».

Nehemías 4:20

Qaq ỹoqo'oye da qomi' qailoquiaxa'n, nache da qaua'aqaiỹa ca l-lamaxa da qaỹashiiyigui aca nasheere. Qaq qom nache 'eetec de'era nache qami' qauanaqui da qomi' qauauaqaigueta, cha'aye Ñim Qanatamnaxala' qomi' itauan qataq qomi' deloctapegueleguete.»

Salmos 83:1

'Am Ñatamnaxala', saishet qome da 'aue'enaxaatai', qataq saishet qome da 'añe'emaxat qataq da choche 'avi'imaqtom.

Josué 10:42

Nache ỹacona so na'alhuapi somayepi, cha'aye Ñim Nataxala' maye Natamnaxala' na Israel le'ecpi deloctapeguelec namayepi.

Josué 10:14

Qaq saishet da huo'o co'ollaxa qataq qome ca na'a'q lỹa da 'eeta'am se'eso na'a'q da Ñim Nataxala' hua'axaỹa da lỹaxanaxac so shiỹaxaua, qataq da deloctapeguelec so Israel le'ecpi maye lalamaxat nhuo' le'ecpi.

Josué 10:10

Qaq Ñim Nataxala' ỹanem se'eso nta'alpi da ỹataqta ñi'iỹa naqa'en so Israel le'ecpi, qaq ỹoqo'oye so Josué ỹataqta qalota so ỹalauat huaña ye Gabaón, qataq icaatac co'ollaxa so laỹepi huaña so nqa'aic ye Bet Jorón, nache queto'ot da ỹalauattac so amorreopi, nache iviraxatta'a ye Azecá qataq ye Maceda.

Jueces 5:20

Cha'aye anac aso huaqaañipi, chegoqtot na piguem da delogui' so Sísara,

Éxodo 14:15

Qalaxaye Ñim Nataxala' 'enapega so Moisés, 'eeta': ¿Ta'ainco' da aỹem 'auỹaxaatacot da 'am setauan? ¡Qonapega qome na Israel le'ecpi da jec, nqauasheguem!

1 Samuel 4:7

nache so filisteopi ỹataqta huo'o da lli'iỹaxa, nache 'enapeco': ¡Ñim Lo'onatac 'Enauacna mashe nvireuga ye lanataqa' yemayepi! ¡Choxoraiqolqa qomi', ye ỹataqta sa ỹauano' da nache 'eetec de'era!

2 Crónicas 20:15

nache so Jahaziel, 'eeta': «Qami' shiỹaxauapi maye qarma'ai na Judá, Jerusalén qataq 'am nta'a Josafat, ñaq aỹem qana'axaỹaxañiỹa, Ñim Nataxala' da la'aqtac, 'eeta': ‹Saishet da qayi'iitac huo'otaq da qauqaulliitac da qauloỹa'a ne'ena qalota alleppi, cha'aye de'era alaataxac saishet da qaralamaxache, maye nachaỹem da ỹalamaxat.

Nehemías 4:14

Qaq co'ollaq sela'a da ỹataqta ñi'i somayepi, nache ñachaañi da shenapega so nataxala'pi, nta'alpi, qataq 'enauac som laỹepi shiỹaxauapi, sheeta': «¡Saishet qome da qayi'iitac! Nacherata da qauennachiỹa'a Ñim Nataxala' da ỹataqta 'añaxaic qataq ncolanaxat, ỹoqo'oye qauloquiilec qome na qarqaỹaipi, qaỹa'alquipi ỹalleppi, qataq 'alpi, qataq ana qaramoxouaipi, qataq naua qarma'achilli'.»

Nehemías 9:11

Qataq ỹauaachigui 'anqa'en somayepi co'ollaq 'auỹoracache so 'etaxat aso auaxai, da yaqto' deqaqattague so llegueta som 'aralamaxat nhuo' le'ecpi, qaq som Egipto le'ecpi maye icaatac somayepi qalaq imoolec 'anqa'en so 'etaxat, nache 'eeta'am ca coma' da iyiiñi ivittaña na ỹoqta pa'aguiñi aso auaxai.

Salmos 35:1

'Am Nataxala', ñaq 'auataỹa'aguet qome na aỹem dataỹa'aguetpi, ñaq 'aulogui' na aỹem iloquiaxaatacpi.

Lamentaciones 3:26

Qaq ỹataqta no'on da ñe'emaxataq da suetaqa'aguet, Ñim Nataxala' da qomi' nca'alaxatrec.