Éxodo 14:13 - La'aqtaqa Ñim Lo'onatac 'Enauacna 2013

¹³ Qalaxaye so Moisés 'enapeco': «Saishet qome da qayi'i. Nache qoñiitai', yaqto' qauauañiichigui da 'eetec Ñim Nataxala' da qami' nca'alaxatrec ne'ena na'a'q, cha'aye ne'ena Egipto le'ecpi maye qauloita'aguet, ne'ena na'a'q nache tachiguiña da saishet da qaltaq qanauañi'.

Éxodo 14:13 Referans Kwoze

2 Crónicas 20:17

Qalaxaye saishet qome da nache qami' da qauloqui de'era loquiaxac, nacherata da qañe'emaxache qome da qoviita'a cam qarauanaxanaqa'ai, yaqto' qauauañiichigui da lca'alaqtaxanaxac Ñim Nataxala', da qami' taleguete. Qami' shiỹaxauapi maye qarma'ai na Judá, qataq na Jerusalén, saishet da qayi'iitac huo'otaq da qauqaulliitac, qoqui qonte' da qauataiỹa'aguet namayepi, cha'aye aỹem Nataxala', qami' soota'agueta qome.›»

2 Crónicas 20:15

nache so Jahaziel, 'eeta': «Qami' shiỹaxauapi maye qarma'ai na Judá, Jerusalén qataq 'am nta'a Josafat, ñaq aỹem qana'axaỹaxañiỹa, Ñim Nataxala' da la'aqtac, 'eeta': ‹Saishet da qayi'iitac huo'otaq da qauqaulliitac da qauloỹa'a ne'ena qalota alleppi, cha'aye de'era alaataxac saishet da qaralamaxache, maye nachaỹem da ỹalamaxat.

Éxodo 14:30

Qaq 'era da 'eetec se'eso na'a'q da Ñim Nataxala' nca'alaxateeguesop so Israel le'ecpi da lamaxasoxonaxac so Egipto le'ecpi. Nache so Israel le'ecpi ỹataqta ỹauaachigui so leuaxaicpi Egipto le'ecpi da naỹoxoosheguem, hueto'ot so loigue aso auaxai.

2 Reyes 6:16

Nache so Eliseo 'enapeco': Saishet da 'añi'i, cha'aye nam qomi' hueta'agueta ỹataqta qalota, napacalec nam hueta'aguet namayepi.

Isaías 35:4

qataq qoñiỹapega nam colanqaicpi, qoñeeta': «¡Qana'añaxache, saishet qome da qayi'iitac! ¡Cha'aye Ñim Qanatamnaxala'ai mashe anacta da yaqto' qami' nca'alaxatrec qataq ỹauo'o cam 'itchiguiñi nhuaxanaguec na qampa'aguenaxauaipi!»

Lamentaciones 3:26

Qaq ỹataqta no'on da ñe'emaxataq da suetaqa'aguet, Ñim Nataxala' da qomi' nca'alaxatrec.

Oseas 13:4

Qaq Ñim Nataxala', 'eeta': Aỹem Nataxala', Aỹem maye Aỹem 'Anatamnaxala', chegoqta'a co'ollaq qonetaña ye Egipto; saishet qome da 'auauo'o ca lỹa 'anatamnaxala', cha'aye qaica ca lỹa 'arca'alaxaqui nachaỹemta.

Habacuc 3:13

'Am 'auanac da 'autauan nam 'aralamaxat nhuo' le'ecpi, qataq so nta'a maye maiche 'arca'aguishec. Qataq 'aulaxachigui so lauo' lapo' som qauemaic, qataq yo'oqchiguiña 'anqa'en, so coma' maye lo'oxonaxala' so lma'.

Isaías 43:11

Aỹem, nachaỹemta Nataxala', qaq qaica ca lỹa ishet da deca'alaqtaxan.»

Deuteronómio 20:3

Nache 'eeta': Qami' Israel le'ecpi, ña qana'axaỹaxañiichiguiñi ne'ena na'a'q, cha'aye mashe yaqta'a da qaunoxoñiiua'a da qanalaache' na qampa'aguenaxauaipi. Qaq saishet qome da leuapigui ye qarville, qataq saishet da qayi'iitac, qataq saishet da qauqalviitac, qataq saishet da qami' iviloxolaqche't da qarcolanaqai.

Números 14:9

Qaq ỹoqo'oye saishet qome da qauataiỹa'aguet Ñim Nataxala', qataq saishet da qayi'iitega yi'iye nhuo' le'ecpi maye lma' yemaye, cha'aye yemayepi sa qalaq da qoroxonec. Cha'aye yemayepi qaica ca npaxattalec, qomi' qalaxaye qomi' npaxattaleguete Ñim Nataxala'. ¡Ỹoqo'oye saishet da qayi'iitac!»

Génesis 49:18

¡'Am ỹataxala', seuatta'aguet da aỹem 'anca'alaxatec!

Jeremías 3:23

Qaica ca naigui da saxasheguema naxa ana lcomaraxalatepi huo'otaq da sa'alaxasoqtai' da sonaqtasheguema ana qasoxonaxapi, cha'aye nachaqñita Ñim Nataxala' maye Qanatamnaxala' da hueto'ot da lca'alaxa na Israel le'ecpi.

Nehemías 9:9

Qaq 'am 'auauaachigui co'ollaxa da nque'eenaxac, so hua'au qarta'alpi co'ollaq netaña ye Egipto, qataq 'aua'axaỹa da nachoxonnaxac somayepi co'ollaq huaña so loigue aso Auaxai Togaxarai.

Génesis 15:1

Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta': «Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»

Salmos 3:8

'Am Nataxala', nache 'am maye 'auca'alaqtaxan, ñaq 'anamaxa qome ca 'archoxonnataxanaxa na 'aralamaxat nhuo' le'ecpi.

Isaías 26:3

'Am Nataxala', 'am 'aỹa'anem da l-lagaxayec nam sa nquic da lataxac, cha'aye ỹataqta 'am pi'iỹa'a.

Mateo 28:5

Nache so namaxashec 'enapegalo soua 'alol, 'eeta': «Saishet qome da qayi'i. Aỹem saỹaten da qami' qanmichiitaique So Jesús som qaỹalauat qataq qaiuaxaneuo co'ollaxa.

Isaías 30:15

Qaq cha'aye Ñim Nataxala' Ñim Qui'itta Natamnaxala' na Israel le'ecpi, 'eeta': «Qañe'eguelaqai qome, qataq qanmacheeuec yaqto' qanca'alleeuec. Cha'aye da qara'añaxaqui huetaigui da qavi'imaqaitac qataq da Aỹem qaua'amaqcheñi.» Qalaxaye qami' saishet da qauaỹamaxayiñi damaye,

1 Crónicas 11:14

nache so David, tañigui ye laiñi se'eso no'onaxa, huaña nache dataỹa'aguet da delogui', nache loxonec so filisteopi. Qaq 'era da 'eetec da Ñim Nataxala', ỹanem da dauegaxan somaye.

Habacuc 3:8

'Am Nataxala' ¿peta'a 'aualemataỹa nam talapi? Qalqo' ¿'aunotega peta'a anam auaxaipi? ¿Ỹoqo'oye qonelec nam 'arelo caaỹo, qataq qoñiguingui anam 'aigona maye huegaxanaxai?

Oseas 13:9

Qaq 'am Israel, 'am ñelaxaañi qome nache qaica ca 'am itauan.

Génesis 46:3

Nache Ñim Lo'onatac 'Enauacna 'enapeco': «Aỹem Nachaỹem Ỹo'onatac 'Enauacna maye Natamnaxala' so 'arta'a. Saishet qome da 'añi'i da 'anqo'ona ye Egipto, cha'aye huaña qome yemaye, nache so'ot da ca 'am chegoxoguetpi ỹataqta qalota qome.

Éxodo 20:20

Nache so Moisés, 'enapeco': «Saishet qome da qayi'i. Cha'aye Ñim Lo'onatac 'Enauacna anac da choche qami' ỹe'egue'n, yaqto' nache 'eetai' da qayi'iỹai Ñimaye, qataq saishet da qauo'oche ca sa ỹaỹamaxañi.»

1 Samuel 11:13

Qalaxaye so Saúl detaxaỹapegueuo', 'eeta': «Ne'ena na'a'q qaica qome ca ileu, cha'aye Ñim Nataxala' mashe nca'alaxatec na Israel le'ecpi.»

1 Samuel 12:16

Qaq ỹoqo'oye qanaỹamaxache nagui, yaqto' ishet da qauauañiichigui ca ỹataqta lta'araic naqa'en da na'aalaxa maye ỹo'ot Ñim Nataxala'.

Isaías 7:4

nache qonapega qome qoneta': ‹Maxatchaxa 'avitapigui' qome, qalaxaye saishet da 'aue'elaq, saishet da 'añe'etac, qataq saishet da leuapigui ye 'arhuel, souaxat ñi Resín qataq yem siiriopi qataq ñim llalec so Remalías,› maye 'eeta'ama caua norec lasoqo da nchetrapiguishegue'm, souaxat da 'eroigui da nnogoxonaxa'c.

Génesis 26:24

Qaq nacheso, se'eso pe da Ñim Nataxala', nachaxana somaye, nache 'enapega, 'eeta': «Aỹem, nachaỹem Natamnaxala' so 'arta'a Abraham. Saishet qome da 'añi'i, aỹem 'am soota'aguet. Qaq souaxat so ỹamaxashec Abraham, nache 'am saalec qome da ichoxonnataxanaxa, qataq qalota ñaqa'en ca 'am chegoxoguetpi.»

Salmos 68:21

Ñim Lo'onatac 'Enauacna ilaxachigui qome na lqaic na mpa'aguenaxauapi, na lqaic na queto'ot da ỹo'ottac na lasouaxashetpi.

Salmos 78:53

Ỹataqta no'on naqa'en da lqauaxac, yaqto' saishet da huo'o ca lcolanaxa, qaq so mpa'aguenaxauapi qalaq ỹapolec naqa'en na 'etaxat aso auaxai.

Salmos 91:8

Nacherata da naua 'ara'ai'te ỹauaachigui qome da 'eetec da ỹaconeguet da nsheetenaguec na qauemaicpi.

Oseas 1:7

Qalaxaye nachaqnata qome na maiche nalamaxat nhuo' Judá le'ecpi da sechoxoren, nache ñeca'alaxatec, Aỹem Nataxala' maye Natamnaxala' namayepi. Qalaxaye saishet da sachegoxotchigui ca nchecnec, ỹeelonec, alaataxac, caipi huo'otaq ca alleppi maye netalec na caaỹo, da ñeca'alaxatec namayepi.»