Éxodo 14:10 - La'aqtaqa Ñim Lo'onatac 'Enauacna 2013

¹⁰ Qaq so Israel le'ecpi co'ollaq ỹauaateguet so faraón qataq so Egipto le'ecpi da mashe sa qaỹapeque, nache ỹataqta huo'o da lcolanaxa. Huaña nache iỹaxanot Ñim Nataxala' da itauan.

Éxodo 14:10 Referans Kwoze

Salmos 107:6

Qalaxaye co'ollaq huo'o da lachetataic nache iỹaxanot Ñim Nataxala', nache Ñimaye nqateeguesop de'era laquicoxo.

Salmos 34:17

Ñim Nataxala' ỹataqta hua'axaỹa da natamnaxac nam no'on da lataxac, qataq isoueeguesop 'enauac da laquicoxo.

Nehemías 9:9

Qaq 'am 'auauaachigui co'ollaxa da nque'eenaxac, so hua'au qarta'alpi co'ollaq netaña ye Egipto, qataq 'aua'axaỹa da nachoxonnaxac somayepi co'ollaq huaña so loigue aso Auaxai Togaxarai.

Josué 24:7

Qaq somayepi aỹem iỹaxanot co'ollaxa, nache sauo'o so lta'araic napalaxa da yaqto' napalñi ñaqa'en so llec so Egipto le'ecpi, qataq so 'etaxat aso auaxai talec ñaqa'en somayepi nache ỹapolec. Qaq qami' ỹataqta qauauañiichigui 'enauac som so'otpi co'ollaq huaña ye Egipto. Qaq co'ollaq ime de'era, nache qaỹoqteguelo soua vi'iye da qoñiitalec ye toolec 'alhua,

Salmos 106:44

Qalaxaye Ñim Lo'onatac 'Enauacna naxa da ila'a da nque'eenaxac, qataq da hua'axaỹa da nachoxonnaxac,

Salmos 53:5

Qaq na'aictaxa da qaica ca ỹo'ot da lcolanaxa, qalaq namayepi iviloxolaqchet da lli'iỹaxa, cha'aye Ñim Lo'onatac 'Enauacna ilagaxattac na lpi'inecpi na depa'aguenataxaatacpi. Nache huo'o da la'aloxo cha'aye Ñim Lo'onatac 'Enauacna, saiuooneguet namayepi.

2 Crónicas 18:31

Nache se'eso nataxala'pi, maye netangui aso naigonapi, co'ollaq ila'a so Josafat, nache 'eeta': «Yo'oqta da nachena ne'ena na nta'a ye Israel.» Nache coleesop somaye da yaqto' iloquiaxan, qalaxaye so Josafat deỹaxan co'ollaxa, nache Ñim Nataxala' itauan somaye, nache ỹo'ot da qanayeca'ai.

1 Juan 4:18

Ca shiỹaxaua maye huo'o da lauotaxanaqtaic, camaye saishet huo'o ca ñe'etaique. Cha'aye cam hueta'a da nsoxoyec, nache qaica ca ncolanaxa. Nachaqrata da que'eca 'eesa nsoxoyec, camaye ỹo'orauec da ncolanaxa. Da huo'o ca huo'o da lcolanaxa da Ñim Lo'onatac 'Enauacna ỹauo'o ca nhuaxanaguec, qaq camaye saxanaxa da ỹaỹaten da dauotaxanaqta.

Jeremías 22:23

Qaq 'am nagui 'avi'imaqtac qonetangui na 'arpata'c, qonetangui na cedropi maye chegaqauga ye Líbano, ¡qalaxaye yaqta'a da huo'o ca 'anque'eenaxac qom 'am nvita ca 'anqui'ic, maye 'eeta'am da nqui'ic da nco'oxoc!»

Isaías 26:16

'Am Nataxala', co'ollaq souaqaigui so qanqui'ic nache 'am ñimitaqaique, qataq 'am seỹaxanaqot co'ollaq qomi' 'auaxaata'ape.

Isaías 7:2

Qaq huaña co'ollaxa nache so nta'a Ajaz, qataq so llalaqpi huo'o da la'axaỹaxac maye 'eeta': «Ye siiriopi huaxaiguet na lma' ye Efraín.» Nache so nta'a, qataq so shiỹaxauapi ỹataqta cholaxan souaxat da lli'iỹaxa, 'eeta'am aca qo'oipaq da cholaxan da huo'o na la'at.

Salmos 107:28

Qalaxaye co'ollaq huo'o da lachetataic somayepi, nache iỹaxanot Ñim Nataxala' nache Ñimaye nqateeguesop da laquicoxo,

Salmos 107:19

Qaq co'ollaq huo'o da lachetataic nache iỹaxanot Ñim Nataxala', nache Ñimaye nqateeguesop da laquicoxo.

Salmos 107:13

Qaq co'ollaq huo'o da lachetataic nache iỹaxanot Ñim Nataxala', nache Ñimaye nqateeguesop da laquicoxo,

Éxodo 15:25

Nache so Moisés nqouagaxaunot Ñim Nataxala', nache Ñimaye ỹachaxana aso qo'oipaqole, nache so Moisés ỹasaxangui so 'etaxat aso lcoue asa'aso qo'oipaqole, nache se'eso 'etaxat ama. Qaq huaña, nache Ñim Nataxala' ỹe'eguen da lpi'iỹaxac somayepi, qataq ỹanem da lqataxac qataq da llec naqa'en da nachaalataxac ñi 'oonolec shiỹaxaua.

Deuteronómio 9:7

Qataq saishet qome da qaucouaỹa'ai da ỹataqta dalemata naxa qanqa'eñi Ñim Nataxala' maye Qanatamnaxala'ai co'ollaq huaña ye toolec 'alhua. Cha'aye nache chegoqta'a co'ollaq qoquiỹa'ai ye Egipto, nache ivitta'a nagui da saishet naxa da qaualaqai.

Salmos 81:7

Qaq co'ollaq huo'o da 'anque'eenaxac nache aỹem 'aỹaxana nache Aỹem 'am ñeca'alaxatec, qataq 'am sasateguet co'ollaq sootaigui se'eso lo'oc maye ỹalattapigui, qataq 'am she'eguen co'ollaq huaña so 'etaxat ye Meribá.»

Éxodo 13:17

Qaq so faraón co'ollaq ỹasheetem da jec so Israel le'ecpi, nache Ñim Lo'onatac 'Enauacna saishet da ỹauecteuga so nqa'aic maye taalec ye na'alhua so filisteopi som sa qaỹalec nqa'aic, cha'aye Ñimaye tachigui lauel da so Israel le'ecpi saishet da deloqui da huo'otaq qailoquiaxan, qaq sa iuena'a da huo'o da ntogotaxac nache saqalaq da ỹe'eguelaxa ye Egipto.

Josué 24:6

Qaq se'eso hua'au qarta'ailpi co'ollaq ca'ai ye Egipto, nache so Egipto le'ecpi ncaalec somayepi, ỹauota'a aso laigonapi maye nalaataxaqui qataq so lalo caipi, nache nvittaxaama aso Auaxai Togaxarai.