Éxodo 13:22 - La'aqtaqa Ñim Lo'onatac 'Enauacna 2013

²² Qaq se'eso lo'oc lta'araic nache hua'auta'ague naxa na llec somayepi ye na'a'q, qaq ye pe, qalaq nacheso se'eso lo'oc da 'ettaigui nache icoỹattalec somayepi.

Éxodo 13:22 Referans Kwoze

Apocalipsis 10:1

Ime, nache sela'a so lỹa namaxashec piguem le'ec ỹataqta 'añaxaic, chegoqo'ot na piguem, huetaigui so lo'oc. Qaq huo'o so 'eeta'am da lo'oxoỹaxac na quemoxonalo coleesop na lqaic somaye. Qaq na lashec qalaq 'eeta'am na le'eraxa añi nala'. Qaq naua lchel 'eeta'am na le'eraxa na norec da nachatchiguiñi.

Éxodo 14:1

Ñim Nataxala' 'enapega so Moisés, 'eeta':

Éxodo 14:19

Huaña, nache so lamaxashec piguem le'ec Ñim Lo'onatac 'Enauacna, qataq so lo'oc lta'araic maye hua'auta'ague naxa da llec so Israel le'ecpi, soomaye pa'aregue da l-laq somayepi.

Números 9:15

Qaq se'eso na'a'q co'ollaq ime da qaỹa'ara't so npe'l maye netaigui aso arca maye laỹe' soua aỹamaxataxaco, nache anac so lo'oc da ipelteetalec somaye. Qaq so mashe avit, nache se'eso lo'oc 'eroigui 'eeta'am na norec, imauec se'eso pe da 'ettaigui, nache ivitta'a so nte'eta so lỹa na'a'q.

Nehemías 9:12

Qaq ye na'a'q nache qoquetaigui so lo'oc da 'auauecta'aguet somayepi, qaq ye pe qalaq qoquetaigui so norec le'eraxa, nache 'aucoỹatta'ague da taỹa'ague somayepi.

Nehemías 9:19

qalaxaye saishet co'ollaxa da 'aualatalec ye toolec 'alhua, nda'a't da 'auauecta'aguet ye na'a'q qataq ye pe, souaxat da ỹataqta lta'araic da 'arauotaxanaqtaic. Ỹoqo'oye saishet da ca'ai 'anqa'en somayepi so lo'oc, maye ỹachaxaata'ague' da llec ye na'a'q, qataq ye pe nache icoỹattalec so norec le'eraxa, da yaqto' ỹauaategue so llec.

Isaías 4:5

Qaq huaña nache Ñim Nataxala' ỹauo'o qome ca sa nsattec lo'oc ye na'a'q, qataq ca norec da 'ettaigui ye pe da imattalec naqa'en ye Sión, qataq ca lapoota'a't shiỹaxauapi maye hueta'a yemaye. Qaq 'enauac camayepi huetalec qome da llo'oxoyec Ñim Nataxala',

Éxodo 40:38

Qaq choche iviraxattrauec soua vi'iye co'ollaq queta so Israel le'ecpi, da se'eso lo'oc maye huetaigui Ñim Nataxala', somaye nache 'eetai' da ipelteetalec se'eso npe'l ye na'a'q, qaq ye pe qalaq 'ettaigui somaye. Qaq 'enauac somayepi da ilota'a.