Éxodo 13:21 - La'aqtaqa Ñim Lo'onatac 'Enauacna 2013

²¹ Qaq Ñim Nataxala' nnaictague' somayepi, ye na'a'q quetaigui so lo'oc da ỹachaxaata'ague na llec somayepi, qaq ye pe qalaq quetaigui so norec le'eraxa, da yaqto' icoỹattalec somayepi. Qaq ỹoqo'oye somayepi ishet da queta ye na'a'q qataq ye pe.

Éxodo 13:21 Referans Kwoze

Nehemías 9:12

Qaq ye na'a'q nache qoquetaigui so lo'oc da 'auauecta'aguet somayepi, qaq ye pe qalaq qoquetaigui so norec le'eraxa, nache 'aucoỹatta'ague da taỹa'ague somayepi.

Salmos 99:7

Ñimaye huetaigui co'ollaxa so lo'oc da detaqtague' somayepi, nache somayepi ipacchigui co'ollaxa nam lamaxasoxonaxacpi Ñimaye, qataq na lqataxacpi maye ỹanem somayepi.

Deuteronómio 1:33

qamaq Ñimaye nacheñita da hua'auta'ague da qa'aita'ague da yaqto' lca'aique ca huaña da qanmachiiuec. Qaq ye pe nache 'ettaigui naqa'en so norec da icoỹatta'ague so qoyequi, qaq da yo'oxoñi qalaq qami' ipelteetaleguete so lo'oc.»

Salmos 105:39

Qaq Ñim Nataxala' ipelteetalec naqa'en somayepi so lo'oc, qaq ye pe qalaq icoỹattalec na le'eraxa so norec.

Salmos 78:14

Ye na'a'q qalaq ỹauecta'aguet naqa'en somayepi so lo'oc na piguem, qataq ye pe qalaq ỹauecta'aguet naqa'en na le'eraxa so norec.

Nehemías 9:19

qalaxaye saishet co'ollaxa da 'aualatalec ye toolec 'alhua, nda'a't da 'auauecta'aguet ye na'a'q qataq ye pe, souaxat da ỹataqta lta'araic da 'arauotaxanaqtaic. Ỹoqo'oye saishet da ca'ai 'anqa'en somayepi so lo'oc, maye ỹachaxaata'ague' da llec ye na'a'q, qataq ye pe nache icoỹattalec so norec le'eraxa, da yaqto' ỹauaategue so llec.

Números 14:14

nache yemayepi da'aqtaxanem qome na lma' ne'ena 'alhua, maye hua'aqteguelec naxa da 'Am Nataxala', qoueta'aguet ne'ena nhuo' le'ecpi, qataq da 'anachaxana qalaq ỹataqta 'auatata'aguet, qataq so lo'oc maye 'aralamaxat ipelteetalec 'anqa'en namayepi, qataq ye na'a'q hua'auta'ague da taỹa'ague, qaq ye pe qalaq 'ettaigui 'anqa'en somaye.

Números 10:34

Qaq naxa da choche jec somayepi, nache so lo'oc maye lalamaxat Ñim Nataxala' nalotelec somayepi ye na'a'q da ipelteetalec.

Éxodo 16:10

Nache so Aarón co'ollaq ñaq detaqtague' 'enauac so Israel le'ecpi, nache 'enauac somayepi ỹamatalec so toolec 'alhua, nache ila'a da llo'oxoyec Ñim Nataxala' co'ollaq nachaxan huetaigui so lo'oc.

Deuteronómio 31:8

Qaq Ñim Nataxala', nacheñi Ñim hua'auta'ague qome da 'ata'ague, qataq 'am hueta'aguet, saishet da 'am ỹaxanec qataq da 'am ỹalat, qaq ỹoqo'oye saishet qome da 'añe'etac qataq da 'anlautapiguiñi.»

Salmos 68:7

'Am Ñatamnaxala' co'ollaq 'annoxonec, nache 'am natataueegue na 'aralamaxat nhuo' le'ecpi, nache qoquetalec ye toolec 'alhua,

Salmos 77:20

Qataq 'auauecta'aguet na 'aralamaxat nhuo' le'ecpi, 'eeta'am 'anqa'en ana nlo qagueta, 'auachegoxotchiguilo soua Moisés qataq so Aarón.

Cantares 3:6

¿Chaq negue't na chegoqtalec na toolec 'alhua qataq naỹa'acna 'eeta'am na nchisheguem lmala'q, qataq naỹoxoosheguem na laita ana mirra, qataq na 'onaxaic nchenaxanaxat, qataq 'enauac na ỹotta'a't coraxatpi maye ỹoqta no'on?

Éxodo 10:10

Qalaxaye so faraón 'enapegalo' soomaye, 'eeta': «Ỹataqta yo'oqtec da qauem dam qoñiitapeguec. ¿Qataq qaupi'itaxañiitega peta'a da qami' hueta'agueta qome Ñim Nataxala'? ¿Qalqo' qaupi'itaxañiitega da qami' sasheetrec, nataqa'en na qaỹa'alquipi?

Éxodo 32:1

Qaq so Israel le'ecpi co'ollaq ila'a da qaỹaloqta da huenoteeguesop aso qasoxonaxa so Moisés, nache nqo'oneua'a so Aarón, nache 'enapega, 'eeta': «Tashe qoñisheguem, nache 'auo'ot ca qanatamnaxala' ne'enaqtac da yaqto' sataqtaueegue, cha'aye sa saỹaanaq ca 'eetec que'eca Moisés maye qomi' nqateeguesopa ye Egipto».