Éxodo 13:19 - La'aqtaqa Ñim Lo'onatac 'Enauacna 2013

¹⁹ Qaq so Moisés, nataqa'en ỹache' soua lpi'ineqa so José, cha'aye so José 'enapega co'ollaxa so Israel le'ecpi da ipactelec so ỹan la'aqtac da nache 'eetec de'era. Qaq 'enapeco' da la'aqtac: «Ỹoqta 'eesa qome da Ñim Lo'onatac 'Enauacna qami' itaua'n, qaq qom ivita da ipacchigui damaxa, nache qami', qauache' qome naua ipi'ineqa».

Éxodo 13:19 Referans Kwoze

Josué 24:32

Qaq soua lpi'ineqa so José, maye so Israel le'ecpi ỹacheta'ape co'ollaq ca'ai ye Egipto, nache qailalyiña ye Siquén, yem 'alhua maye desheenaxana co'ollaxa so Jacob, maye ivi' aso cien lcatpiole plata aso lasheue, co'ollaq desheenaxana se'eso na'alhua so Jamor maye lta'a so Siquén. Qaq se'eso 'alhua nache taỹot da lalamaxat so chegoxoguetpi so José.

Hechos 7:16

Qaq 'enauac somayepi qairo'ogue da Siquén da qailareña som 'alhua maye desheenaxana co'ollaxa so Abraham, ỹachegoxotaigui so llalaqpi so Jamor.

Génesis 48:21

Qaq ime, nache 'enapega so José, 'eeta': «Aỹem mashe saqaỹaloq da seleu, qalaxaye Ñim Lo'onatac 'Enauacna qami' hueta'agueta qome, qataq ỹo'ot qome da qavi'iguelaqỹa yem na'alhua som hua'au qarta'ailpi.

Lucas 7:16

Qaq co'ollaq qaỹauaachigui de'era, nache 'enauac so shiỹaxauapi ỹataqta huo'o da lcolanaxa, nache chegoqchiguiña da ỹo'oxoreetac Ñim Lo'onatac 'Enauacna, 'eeta': «¡Huo'o da na'aqtaxanaxanec qomi' hueta'agueta! ¡Qaq nagui Ñim Lo'onatac 'Enauacna qomi' itaua'n!»

Lucas 1:58

nache 'enauac na lauoreuapi qataq nam lauo' le'ecpi ỹataqta lta'araic da ntonaxac, cha'aye qaila'a Ñim Lo'onatac 'Enauacna da ỹataqta lta'araic da lauotaxanaqtaic.

Éxodo 4:31

Huaña, nache so shiỹaxauapi ỹataqta ỹa'amaqten de'era na'aqtaxanaxac, cha'aye ỹaỹaten da Ñim Nataxala' maiche huapegue' somayepi, qataq da sogote da ỹaỹateeta da nque'eenaxac, huaña nache ỹa'alyiñi naua l-llecte da natamnot Ñimaye.

Hechos 7:15

somayepi hueta'a ye Egipto choche ivitta'a da ileu.

Hebreos 11:22

So José nataqa'en huo'o da lpi'iỹaxac Ñim Lo'onatac 'Enauacna, qaq ỹoqo'oye co'ollaq mashe nayeeta'a da ileu, nache ỹa'axata'a da so Israel le'ecpi taỹa'a da huesochiguiñi qataq ca'ai ye 'alhua Egipto qataq somaye ỹan da la'aqtac, da yaqto' saishet qome da qano'onaxatrañi soua lpi'ineqa.