Éxodo 13:18 - La'aqtaqa Ñim Lo'onatac 'Enauacna 2013

¹⁸ Qaq ỹoqo'oye Ñimaye quetegue naqa'en somayepi so nqa'aic maye taalec ye toolec 'alhua som tataxaama aso Auaxai Togaxarai. Nache co'ollaq jec so Israel le'ecpi, nache nalochiguiñi 'eeta'am na alleppi.

Éxodo 13:18 Referans Kwoze

Deuteronómio 32:10

Nam ilalec co'ollaq netalec ye toolec 'alhua, yem 'alhua maye deqaqta souaxat so la'at lta'araic, qaq Ñimaye nache nsoxola't, qataq ỹapaxaguen, qataq ilo'ogue 'eeta'ama naua la'ai llale da ỹataqta ntela'alo.

Éxodo 14:2

«Qonapega qome na Israel le'ecpi da ỹe'eguelaq, ime nache hua'a qome ye datatta ye Pi Ajirot maye vichiguinguilo yeua Migdol qataq aso auaxai. Qaq nache hua'a qome ye loigue aso auaxai, yem datatta ye Baal Sefón.

Éxodo 12:51

Qaq nache huetoigui se'eso na'a'q da Ñim Nataxala' nqateeguesop ye Egipto so alleppi Israel le'ecpi.

Salmos 107:7

Ime, nache ỹauecteuga so nqa'aic ỹashectec, nache iviraxatta'a so huaqta'a't nỹecpi maye qanayeetaña.

Josué 1:14

Qalaxaye qano'onaxachiỹañi qome ana qaramoxouaipi qataq na qaỹa'alquipi, qataq na qareloipi da hueta'a qome ne'ena 'alhua maye qami' ỹanema co'ollaxa so Moisés, maye mpa'aỹa'ategue na le'ego ye Jordán. Qalaxaye 'enauac qami' 'añaxaicpi qataq alaataxaicpi, qauacoñiỹa qome ca qaro'ogoxonaxache, nache qaua'aviita'ague da taỹa'ague na qarqaỹaipi da yaqto' qautauañi namayepi,

Deuteronómio 17:16

Qataq que'eca nta'a saishet qome da qalota ca lalo caipi, qataq saishet da ỹamaxa ye Egipto ca shiỹaxauapi da yaqto' nquiguec ca lalo caipi, cha'aye Ñim Nataxala' qami' 'enapegalo co'ollaxa, 'eeta': ‹Saishet qome da qaltaq qavi'iguelaqaigue ne'ena qoyiqui›

Josué 4:12

Nataqa'en taitague da le'ego so tala so alleppi maye maiche nalamaxat nhuo' le'ecpi maye chegoxoguetpi so Rubén, qataq so Gad, qataq so laỹe som maiche nhuo' le'ecpi maye chegoxoguetpi so Manasés. Qaq somayepi ỹataqta na'achigui na lo'ogoxonaxatpi. Ime, nache hua'auta'ague da taỹa'ague so laỹepi Israel le'ecpi, nache ipacchigui da lamaxasoxonaxac co'ollaxa so Moisés.

Josué 4:13

Qaq huac da ivi' cuarenta mil so alleppi maye ỹataqta na'atchiguiñi na lo'ogoxonaxatpi, qataq ỹataqta lhuotta da nalat somayepi, qataq ỹauaachigui Ñim Nataxala' da inoicchiguiñi somayepi da nqo'ona so nalochiguiñi 'alhua ye Jericó.

Salmos 136:16

Ñim ilotague' co'ollaxa da llecỹaxac na lalamaxat nhuo' le'ecpi, co'ollaq quetalec ye toolec 'alhua, cha'aye da lauotaxanaqtaic chochaq tatec.

Génesis 50:25

Ime, nache so José 'enapega so llalaqpi so Israel da ỹan da la'aqtac, da yaqto' ipactelec, nache 'enapega, 'eeta': «Ỹoqta 'eesa qome da anac Ñim Lo'onatac 'Enauacna da qami' itaua'n. Qaq qom ipacchigui damaye nache qami' qauache' qome naua ipi'ineqa.»

Éxodo 14:9

Nache 'enauac so alleppi Egipto le'ecpi ñiguingui aso naigonapi qataq nelec so caipi da icaalec so Israel le'ecpi. Nache iviralec co'ollaq ñaq hueta'a so loigue aso auaxai, yem saqaỹapeque ye Pi Ajirot qataq datatta ye Baal Sefón.

Salmos 68:8

nache na 'alhua cholaxan qataq na piguem anacot na auot. Nache Ñim Lo'onatac 'Enauacna ỹataqta cholaxan naqa'en añi qasoxonaxa Sinaí, Ñim Natamnaxala' na Israel le'ecpi.