Éxodo 13:14 - La'aqtaqa Ñim Lo'onatac 'Enauacna 2013

¹⁴ Qaq cam na'a'q da qami' ina't ca qaỹa'alqui da 'eeta': ¿Negue't ca naigui de'era?, nache qoñiita' qome: Ñim Nataxala' do'onataxana da lta'araic la'añaxac co'ollaq qomi' nqateeguesopa ye Egipto, cha'aye co'ollaq sonaqtaña yi'iye 'alhua nache choche qomi' nlataqa.

Éxodo 13:14 Referans Kwoze

Josué 4:6

Qaq que'ecaua coma'ye la'anaxat qome da qoñiita, cha'aye que'eca na'a'q da ivita da qami' ina't ca qaỹa'alquipi, da 'eeta': ‹¿Chaq negue't ca naigui ne'enaua coma'?›,

Éxodo 13:3

Nache so Moisés 'enapega na shiỹaxauapi, 'eeta': «Qauennachiỹa'a qome ne'ena na'a'q maye huetoigui da Ñim Nataxala' qami' iroleguete da lta'araic la'añaxac da qami' nqateeguesopa ye Egipto, yem qoñiitaña co'ollaxa da choche qami' nlataqa. Qaq ỹoqo'oye nagui saishet qome da qollequi aca nauole 'ayiiña maye huo'o ana lalecte maye ỹasheeraxachigui.

Salmos 145:4

Na nta'alpi qataq cam llalaqpi ỹo'oxoreetac qome na 'aro'onatacpi, qataq ỹa'axattac na lta'araicpi maye 'auo'otpi.

Josué 22:24

Qomi' ñauaxaỹaxanaxasheguem añi nca'atoxonaxalate, cha'aye sauoqtaique da que'eca na'a'q na qaỹa'alquipi saishet qome da 'enapega na qoyalaqpi, da 'eeta': ‹¡Qami' saishet da Qanatamnaxala'ai Ñim Nataxala' maye Natamnaxala' na Israel le'ecpi!

Éxodo 13:9

Qaq damaye 'eeta'am qome ca yo'oqchigui la'anaxat na qarhuaqai huo'otaq na qaratapi, yaqto' da huo'otaq qautaqaitac, qalaq nache 'eetai' da qauennacheetapega da lqataxac Ñim Nataxala', cha'aye Ñimaye nacheñi ñi qami' nqateeguesopa ye Egipto co'ollaq qami' iroleguete da lta'araic la'añaxac.

Éxodo 10:2

yaqto' 'am ishet da 'aua'aqtaxanem qome ca 'aỹa'alaqpi qataq ca 'arhualpi da Aỹem so'otec na Egipto da lta'araic ỹo'oxoyec, yaqto' qami' qauaỹaañita da aỹem maye Nachaỹem Nataxala'».

Génesis 30:33

Qaq yaqto' qom qaỹoqtegue de'era, nache da 'auanac da 'anmeenaxaneuga cam ỹaueguec, qaq huaña nache 'auaỹaten da no'on da ỹataxac. Cha'aye aca ilopi da huo'otaq ỹalectaigui aca quetaq maye saishet da chiỹaxataxai, huo'otaq huo'o ana lte, huo'otaq ca qagueta llalec maye saishet da lairaxaic, qaq huaña nache 'auaỹaten da 'am secachiỹot.»

Hechos 13:17

Ñim Lo'onatac 'Enauacna maye ỹo'oxoreetac nam Israel le'ecpi, Ñimaye lca'aguishec co'ollaxa som hua'au qarta'alpi, nache ỹanem somayepi da ỹataqta qalota, co'ollaq netaña yem 'alhua le'enaxat Egipto. Qaq co'ollaq ime, nache Ñimaye nqateeguesop yi'iye 'alhua somayepi, irolec dam lta'araic la'añaxac.

Éxodo 6:6

Qaq ỹoqo'oye 'am qojec qome, nache qonapega na Israel le'ecpi, da Aỹem maye Aỹem Nataxala' qami' ñeqateeguesopa qome da qanlataguiiqui qataq da qapa'atta qaro'onataxanaxaqui maye qami' ỹacheleguete na Egipto le'ecpi. Aỹem sachaxan qome da ỹa'añaxac da qami' ñeca'alaxatrec cha'aye serolec ñimaye da lta'araic iuaxanaxanaxac.

Éxodo 13:8

Nache que'eca na'a'q qami' qome qaua'axacheetapeguem ca qaỹa'alquipi, qoñiita': De'era qaỹo'ot nagui, nachera da qomi' 'eeteque Ñim Nataxala' co'ollaq qolqa'ai naqa'en ye Egipto.

Salmos 78:4

naamaye saishet qome da soxotaqtaisopa nam qoyalaqpi, sa'aqtaxanaxam nataqa'en cam ñaq naỹa'acna, da ño'oxonnataguec Ñim Nataxala', da la'añaxac qataq nam ỹo'ot da na'aalaxa maye ỹo'otpi co'ollaxa.

Éxodo 6:1

Nache Ñim Nataxala' 'enapega somaye, 'eeta': «Nagui qaq 'aumeten da sheetec ñi faraón, cha'aye ñimaye saishet qome da choche qoquiỹa'ai naqa'en ne'ena 'alhua, qom huo'otaq sa serolec da lta'araic ỹa'añaxac, qaq ñimaye qome maiche qami' ỹo'oldauec.»

Éxodo 6:7

Qataq saconeua'a da qoñiita da yaqto' sauo'oi qami' ỹalamaqa'ate, qaq Aỹem Nachaỹem Qanatamnaxala'ai. Yaqto' qami' qauaỹaañita da Nachaỹem Nataxala', qataq Nachaỹem Qanatamnaxala'ai maye qami' ñeca'alaxateeguesopa da qapa'atta qaro'onataxanaxaqui maye qami' ỹacheleguete na Egipto le'ecpi.

Éxodo 12:41

qaq co'ollaq mashe inoxoorec se'esoua cuatrocientos treinta vi'iye, nache 'enauac se'eso nalleppi Ñim Nataxala' ca'ai yi'iye 'alhua.

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

Deuteronómio 5:6

Aỹem, nachaỹem Nataxala' maye Qanatamnaxala'ai, qami' ñeqateeguesopa co'ollaxa ye 'alhua Egipto, ye huaña co'ollaq choche qami' nlataqa.

Deuteronómio 5:15

Qataq qantooñita'ac da qami' nlataqa co'ollaq qoviita'a ye Egipto, qaq Ñim Nataxala' maye Qanatamnaxala'ai, qami' nqatrec co'ollaxa ỹauota'a da ỹataqta lta'araic la'añaxac. Qaq ỹoqo'oye Ñimaye qami' ỹamaxaleguete da huo'o naq 'enec qanqa'eñi ye na'a'q mataxaqui.

Deuteronómio 6:12

Qaq ỹoqo'oye saishet qome da qaucouaỹa'ai Ñim Nataxala' maye qami' nqateeguesopa co'ollaxa ye Egipto, yem huaña co'ollaq choche qami' nlatacpi.

Josué 24:17

¡Ñim Nataxala', nacheñi Ñim Qanatamnaxala'! Cha'aye Ñimaye nacheñi ñi qomi' nqatrec, qataq so qarta'alpi co'ollaq qomi' nlatacpi huaña ye Egipto. Qataq Ñimaye ỹataqta sauanaqchigui naqa'en da ỹo'ot so lta'araic na'aalaxa, qataq ntela'a qataq npaxattalec da qoyecỹaxac, co'ollaq qolaqchiguingui so ỹotta'a't shiỹaxauapi.

Jueces 2:12

Nache ca'ai Ñim Nataxala', Ñim Natamnaxala' so hua'au lta'alpi maye nqateeguesop co'ollaxa ye Egipto, nache ỹataqta nañaneguet da natameetacot so natamnaxala'pi so shiỹaxauapi maye lauoreuapi, nache inogoqchet Ñim Nataxala'.

Jueces 6:8

nache Ñimaye namaq so la'aqtaxanaxanec nache, 'eeta': «'Era da la'aqtac Ñim Nataxala' maye Natamnaxala' na Israel le'ecpi, 'eeta': ‹Aỹem qami' ñeqateeguesopa co'ollaxa ye Egipto, yem huaña co'ollaq qami' nlatacpi,

1 Crónicas 16:12

Qantooñita'ac da llo'oxoyec nam lta'araic ỹo'otpi, qataq na sa qaỹauanapega ỹo'otpi, qataq nam ỹan lamaxasoxonaxacpi,

Nehemías 1:10

Cha'aye maiche qomi' 'aramaxashecpi, qataq qomi' 'aralamqa'ate maye qomi' 'anqateeguesopa co'ollaxa ye Egipto, qomi' 'auroleguete da qaica ca 'ena'am 'ara'añaxac.

Salmos 136:11

Ñim nqateeguesop co'ollaxa ye Egipto so Israel le'ecpi, cha'aye da lauotaxanaqtaic chochaq tatec,

Jeremías 34:13

«Aỹem Nataxala', maye Natamnaxala' na Israel le'ecpi, so'ot co'ollaxa so ñaỹamaxataxac da ñaỹamaxate' som hua'au qarta'ailpi, co'ollaq ñeqateeguesop ye Egipto, yem huaña co'ollaxa da choche nlatacpi. Nache samaxalec co'ollaxa

Daniel 9:15

'Am Nataxala' maye 'am Qanatamnaxala', 'auachaxan co'ollaxa da lta'araic 'ara'añaxac, co'ollaq 'anqateeguesop ye Egipto na 'aralamaxat nhuo' le'ecpi, qaq nache chegoqchiguiña co'ollaxa da 'auo'ot da la'amaqchec da 'are'enaxat, nache ivitta'a nagui, qalaxaye qomi' huo'o da qarasouaxashet, qataq so'otaqtac na qauem.