Éxodo 13:13 - La'aqtaqa Ñim Lo'onatac 'Enauacna 2013

¹³ Qalaxaye ca la'auaxanec llalec aca 'ashena, camaye nmeneguet qanqoỹen ca qagueta llalec, qaq da saishet da nmeneguet qanqoỹen ca qagueta llalec da qoỹaneuo, nache que'eca 'ashena llalec qainoxon na lqosot. Nataqa'en qauauo'oi aca qarachetaqtaxanaqche da nmeneguet ñi 'oonolec ca la'auaxanec ca qaỹa'alquipi.

Éxodo 13:13 Referans Kwoze

Éxodo 34:20

Qaq ca la'auaxanec llalec aca 'ashena, camaye nmeneguet qanqa'en ca qagueta llalec, huo'otaq ca quetaq llalec, qaq da saishet da huo'o ca nmeneguet, nache camaye iuen da qainoxon na lqosot da qaỹalauat. Nataqa'en iuen da qaỹauo'o aca nachetaqtaxanaqte da lasheue ca na'auaxanec ñalec. Ỹoqo'oye saishet qome da huo'o ca Aỹem naua'a da huo'otaq qui'itchiguilo naua lhua'q.

Apocalipsis 14:4

Qaq somayepi nacheso som saishet da ỹo'oxoreetac nam qanatameetacotpi maye choche ne'enaqtacpi qataq saq 'en qataq saishet da sa ỹalaxaguet Ñim Lo'onatac 'Enauacna; 'enauac somayepi ca'attague' ñi Qagueta Llalec cam dataigue, qataq qanca'alaxatec somayepi da yaqto' la'auaxanec nachetaqtaxanaxat da qoỹanot Ñim Lo'onatac 'Enauacna qataq ñi Qagueta Llalec,

Éxodo 12:21

Nache so Moisés damaxasoxoolec da qaiỹaxaneuga 'enauac so lqueroxonecpi so Israel le'ecpi, nache 'enapega, 'eeta': «Qauesomiỹa qome, qauacoñiiua'a ca qagueta llalec. Ime, qaq qaualauache, yaqto' ñi 'oonolec da qoñiita qataq ca llalaqpi ỹo'ot ca lquia'axac da yo'oxonnataxan.

Éxodo 12:3

Qaq qonapega qome 'enauac na Israel le'ecpi, qoneta': Qom ivireuga ca na'a'q diez ne'ena ca'agoxoic, nache ñi 'oonolec nta'a da qoñiita, huaxaiguet ca llalaqpi, nache ỹaconeua'a ca 'oonolec qagueta llalec.

Éxodo 13:2

«Aỹem qaỹa'añiỹot qome na la'auaxanec qaỹa'alquipi, cha'aye 'enauac na la'auaxanec llalaqpi na Israel le'ecpi, namaye 'enauac ỹalamaxatpi, nache 'ena'am na la'auaxanec llalec na shiguiỹacpi».