Éxodo 13:12 - La'aqtaqa Ñim Lo'onatac 'Enauacna 2013

¹² nache qami' qaỹa'añiỹot qome Ñim Nataxala' 'enauac na la'auaxanec qaỹa'alquipi ỹalleppi, nataqa'en 'enauac na la'auaxanec llalec ỹale nam qareloipi, cha'aye 'enauac namayepi lalamaxat Ñim Nataxala'.

Éxodo 13:12 Referans Kwoze

Números 18:15

Qataq 'enauac na la'auaxanec llalec na Israel le'ecpi, qataq na la'auaxanec llalec na na'atetpi maye Aỹem ỹanot, nache 'am sanem qome da 'aralamaxat. Qalaxaye ca la'auaxanec llalec na shiỹaxauapi, qataq ca la'auaxanec llalec na shiguiỹacpi maye saishet da qanallec, 'auỹaxanaique qome aca lasheue da yaqto' nmeneguet 'anqa'en.

Levítico 27:26

Qaq ca la'auaxanec llalec ca 'atetpi, camaye nache 'eetai' da lalamaxat Ñim Nataxala'. Ỹoqo'oye qaica qome ca ỹe'egueeta'a da ỹaneuo ca huaca llalec, huo'otaq ca qagueta llalec, cha'aye camaye mashe sogote da lalamaxat Ñim Nataxala'.

Éxodo 34:19

Qataq 'enauac na la'auaxanec qaỹa'alquipi nache ỹalamaxat, nache 'eeta'am na la'auaxanec llalec ỹale ana qareloi huaca, qagueta qataq ana quetaq.

Ezequiel 44:30

Na ntaxaỹaxanaxanecpi taỹot qome nam ỹataqta no'on maye la'auaxanec ala na nañiguishec, qataq 'enauac ana nachetaqtaxanaqtepi. Qaq qami' da qauo'oche ca qardaqñiqui da qauo'oche aca nauole, nache namayepi taỹot qome aca ỹataqta no'on nauole. Qaq 'era da 'eetec, da yaqto' da iqouagaxanaqtaic huetalec qome ca qarma'aipi.

Éxodo 13:2

«Aỹem qaỹa'añiỹot qome na la'auaxanec qaỹa'alquipi, cha'aye 'enauac na la'auaxanec llalaqpi na Israel le'ecpi, namaye 'enauac ỹalamaxatpi, nache 'ena'am na la'auaxanec llalec na shiguiỹacpi».

Deuteronómio 15:19

Qaq ca la'auaxanec llalec ỹale aca huaca, huo'otaq aca qagueta, nache 'auỹotauga da lalamaxat 'anqa'en Ñim Nataxala' maye 'Anatamnaxala'. Qataq saishet da 'auo'onataxanaxan da 'auauegaxaalec ca la'auaxanec llalec aca huaca, huo'otaq da 'anpetec na laue ca la'auaxanec llalec aca qagueta.

Éxodo 22:29

Saishet qome da 'auaỹaloxon da 'andouo aca 'arachetaqtaxanaqte ana la'auaxana ala ca trigo qataq ca la'auaxanec lli'i aca uva. Qataq ca 'ara'auaqteguishec 'aỹa'alec Aỹem 'aỹa'anem,

Números 8:17

Cha'aye Aỹem, ỹalamaxat 'enauac na la'auaxanec llalec na Israel le'ecpi, 'eeta'am nataqa'en na la'auaxanec llalec na lalo shiguiỹacpi, chegoqta'a co'ollaq ileu ñaqa'en so la'auaxanec llalec so Egipto le'ecpi, nache Aỹem sacona da ỹalamaxat na la'auaxanec llalec na Israel le'ecpi.

Números 3:12

«Ne'ena Israel le'ecpi, Aỹem lleca'ateua'a na leviitapi da yaqto' nmeneguet ñaqa'en na na'auaxanec ñalec. Nache namayepi ỹalamaxatpi,

Lucas 2:23

Cha'aye nache lamaxasoxonaxac na nqataxacpi maye chegoqo'ot so Moisés: «Da que'eca na'auaxanec ñalec maye ñiguiñi, camaye da ỹale, nache iuen da qoỹanot Ñim Lo'onatac 'Enauacna.»

Éxodo 13:1

Ñim Nataxala' 'enapega so Moisés, 'eeta':

Ezequiel 16:20

Qataq nataqa'en 'auaconeua'a so ỹalaqpi ỹalleppi, qataq aso ỹalepi 'alpi co'ollaq 'am seco'on, nache 'aỹa'anot se'eso nqolacpi da 'eco' aloq 'anqa'en somayepi. ¿Qaq peta'a qapio'olec 'anqa'en dam naigui dam 'anquisheshaxac,

Éxodo 22:28

Saishet qome da 'aue'enai' ca nmit na nasouaxashetpi, qataq saishet da 'auasaxalec ca qauem 'ara'aqtac cam lataxala' na nhuo' le'ecpi.

Éxodo 34:20

Qaq ca la'auaxanec llalec aca 'ashena, camaye nmeneguet qanqa'en ca qagueta llalec, huo'otaq ca quetaq llalec, qaq da saishet da huo'o ca nmeneguet, nache camaye iuen da qainoxon na lqosot da qaỹalauat. Nataqa'en iuen da qaỹauo'o aca nachetaqtaxanaqte da lasheue ca na'auaxanec ñalec. Ỹoqo'oye saishet qome da huo'o ca Aỹem naua'a da huo'otaq qui'itchiguilo naua lhua'q.

Números 3:13

cha'aye 'enauac na na'auaxanec ñalec, nache ỹalamaxat. Cha'aye co'ollaq ileu ñaqa'en 'enauac so la'auaxanec llalec so Egipto le'ecpi. Nache Aỹem seỹotauga co'ollaxa da sauo'o ỹalamaxat na la'auaxanec llalec na Israel le'ecpi, qataq na la'auaxanec llalec na shiguiỹacpi maye na'atetpi namayepi. Qaq ỹoqo'oye namayepi nache ỹalamaxat. Qaq 'era da ỹa'aqtac, Aỹem Nataxala'.»

Nehemías 10:36

Nataqa'en seroxoua'a so ntaxaỹaxanaxanecpi so qara'auaxanec qoyalaqpi, da yaqto' qoỹanot Ñim Lo'onatac 'Enauacna. Nataqa'en seroxoua'a so la'auaxanec llalaqpi so qana'atetpi, huaca, qataq aso qagueta da yaqto' qaipacchigui da 'enapec naua nanettrañi nqataxaco.

Nehemías 10:37

Nataqa'en ñasataxagui da seroxoua'a so laponqa' so nallec maye naña aso atamnaxaqui maye lalamaqte Ñim Lo'onatac 'Enauacna, so qarachetaqtaxanaxat la'auaxanec 'ayiiña, qataq aso la'auaxana ala aso qo'oipaqpi, lataxa, qataq so aceite, da yaqto' qoỹanem so ntaxaỹaxanaxanecpi. Nataqa'en ñasataxagui da sanaxam so leviitapi aso diezmo maye chegaqaigui na ala so qorañiguishecpi. Cha'aye nacheso somayepi so laỹootega't naxa 'enauac ana qarachetaqtaxnaqte naua souaqta'alo qaro'onataxanaqa'te.