Éxodo 12:9 - La'aqtaqa Ñim Lo'onatac 'Enauacna 2013

⁹ Qaq saishet qome da qollequi ca laỹe da ñaq tocchigui, huo'otaq ca qoỹaatauaq. Qaq ima ca shiguiỹac, lqaic, lapia'ate, qataq na lauel le'ec, namayepi qaỹauotta.

Éxodo 12:9 Referans Kwoze

Éxodo 12:8

Nache que'eca pe, qollequi ca nauoc lapat, qaỹalecneguet ana huoue maye ñe'eua qanqoỹen qataq ana nauole 'ayiiña maye sa qaỹauo'o aca lalegue na ỹasheeraxachigui.

Deuteronómio 16:7

Qaq ca lapat que'eca shiguiỹac maye qaỹa'añiiuo, camaye qauauoche nache qollequi, huaña qanqa'eñi qome ca lanataqa' Ñim Nataxala' maye Qanatamnaxala'ai, qaq ca nte'eta ca lỹa na'a'q nache qoquiiuo qome.

Lamentaciones 1:13

Ñim Nataxala', ỹachegoxottot na pa'asheguem da nasaxañi so norec, nache somaye ỹataqta ivira'alo naua ipi'ineqa da ỹavigaxa't, qataq ỹanangui so ỹec aso nqoina, nache aỹem ỹe'eguelaxat, nache ỹo'ot da aỹem qaỹalata'a't, qataq da ñequi'ic nache ỹa'atta'a't ye na'a'q.

Éxodo 29:13

Qaq ca lcheta ca lailshecpi, qataq ca l-lamec qataq caua lchiguishel, nache 'auavigaxa't 'auachalec aca nca'atoxonaxalate,

Éxodo 29:17

Ime, nache 'ampilliguiñi, qataq 'aỹo ca lailshecpi qataq 'alaỹoota't caua lapia'ate, nache ima'agueta 'anqa'en ca laỹepi, qataq ca lqaic.

Levítico 1:9

Ime, nache que'eca ỹaneuo ca lachetaqtaxanaxat qaỹavigaxatta, camaye nacheca ca iỹo ca lauel le'ecpi qataq caua lapia'ate que'eca shiguiỹac, ỹauota'a ca 'etaxat, qaq ca ntaxaỹaxanaxanec ỹavigaxat 'enauac camaye, ỹachalec añi nca'atoxonaxalate. Cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

2 Crónicas 35:13

Qaq ime, nache qaỹauot so shiguiỹacpi da yaqto' qaỹo'oxoren so Lapascua, ipacchigui qanqa'en som nanettañi, qaq so laỹepi nachetaqtaxanaxatpi maye sa qaishetapec, qalaq qaỹachangui aso taxaquipi qataq aso napaxaỹaqtaxanaxaquipi, qataq so ntonaxanaxaquipi da qoỹaneuaq, nache ỹataqta qaiỹalapegue' da qaimenoigui 'enauac som nhuo' le'ecpi.