Éxodo 12:8 - La'aqtaqa Ñim Lo'onatac 'Enauacna 2013

⁸ Nache que'eca pe, qollequi ca nauoc lapat, qaỹalecneguet ana huoue maye ñe'eua qanqoỹen qataq ana nauole 'ayiiña maye sa qaỹauo'o aca lalegue na ỹasheeraxachigui.

Éxodo 12:8 Referans Kwoze

Éxodo 34:25

Qataq ca nachetaqtaxanaxat shiguiỹac, saishet qome da lỹateuo ca ltago'q da qoỹaneuo qataq aca nauole maye huo'o na lalegue maye ỹasheeraxachigui. Qataq que'eca shiguiỹac maye qoỹaneuo, huaigui qanqa'en ca na'a'q maye laloxoqui co'ollaxa so Lapascua, da qanallec ana nauole maye qaica ca lalegue da ỹasheeraxachigui, qataq saishet qome da huo'o ca no'onañi, da yaqto' iviraigui ca lỹa na'a'q.

Deuteronómio 16:7

Qaq ca lapat que'eca shiguiỹac maye qaỹa'añiiuo, camaye qauauoche nache qollequi, huaña qanqa'eñi qome ca lanataqa' Ñim Nataxala' maye Qanatamnaxala'ai, qaq ca nte'eta ca lỹa na'a'q nache qoquiiuo qome.

Isaías 53:10

Cha'aye Ñim Nataxala' maiche lhuennataxac da ỹaneguet da nque'eenaxac somaye. Qaq somaye ye nañaalec na nasouaxashetpi, nache ỹataqta qaỹoqtec da nachaalataxac qaq ivira'a da ỹalectaigui na llalaqpi, qataq chegoqchigui somaye da ỹaỹamaqchiguiñi nam lapaxañipi Ñim Nataxala'.

Éxodo 23:18

Qom ivita da aỹem qaỹa'añiỹot ca qaỹavigaxat shiguiỹac, qalaq saishet da lỹateuo ca ltago'q, nataqa'en saishet da qaỹa'añiiuo aca nauole 'ayiiña maye huo'o ana lalegue maye ỹasheeraxachigui, qataq saishet da qauaỹamaxache ca lcheta que'eca shiguiỹac da taỹaigui ca lỹa na'a'q.

Éxodo 13:7

Qaq ivittrec qome que'ecaua siete na'axa'te da qollequiitac ana nauole 'ayiiña maye sa qaỹauo'o aca lalecte maye ỹasheeraxachigui, qaq saishet qome da huo'o ca 'oonolec da qoñiita da ỹaỹamaxattac ca ỹasheeraxachigui na ndaqñiguishec qataq aca nauole maye lalegue namaye, 'enauac na netalec que'eca 'alhua.

Éxodo 13:3

Nache so Moisés 'enapega na shiỹaxauapi, 'eeta': «Qauennachiỹa'a qome ne'ena na'a'q maye huetoigui da Ñim Nataxala' qami' iroleguete da lta'araic la'añaxac da qami' nqateeguesopa ye Egipto, yem qoñiitaña co'ollaxa da choche qami' nlataqa. Qaq ỹoqo'oye nagui saishet qome da qollequi aca nauole 'ayiiña maye huo'o ana lalecte maye ỹasheeraxachigui.

Éxodo 1:14

Qataq qaica ca lamaic naqa'en da nachaalataxac, cha'aye ỹamaxalec da ỹo'ottac na nshaxa qataq na losoc qataq 'enauac na laỹe no'onatacpi maye huauga na nanaxanaqa'pi. Qaq 'era da 'eetec da nlataguec so Israel le'ecpi da ỹataqta sa qaichoxonnai'.

1 Ts 1:6

Qami' qoquiigue da qarataxac qataq da no'on lataxac So Qarataxala', na'aictaxa da qalota da qanque'eenaxaqui, qalaxaye co'ollaq qauacoñiiguet da na'aqtac maye qami' ỹanema So Saqcha'a Na'añaxac Qui'itta qalaq huo'o da qantonaxaqui.

Gálatas 5:9

Qaica ca iqoleguet da huo'o ca 'oonolec saq 'en napaxaguenataxanaq da camaye na'aqchet 'enauac da napaxaguenataxanaxac.

Mateo 26:26

Qaq co'ollaq ña deque'eta'ape, nache So Jesús ỹacona aso nauole 'ayiiña, nache ỹanot da na'achec Ñim Lo'onatac 'Enauacna. Ime, nache ncolaxaañi aso nauole qataq ỹanema soua lapaxaguenataqa nache, 'eeta': «Qauacoñiiguet qataq qolliqui ana'ana, anamaye nachera da ỹo'ocỹaxac.»

Mateo 16:12

Huaña, nache soua lapaxaguenataqa So Jesús ỹaỹate'n da Somaye saishet da 'eetega da qaivita'a ana yo'oqchigui ỹasheeraxachigui ca ndaqnec, nachaqrata da qaivita'alo naua lapaxaguenataxanaxaco maye qauema nam fariseopi qataq nam saduceopi.

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Amós 4:5

Qataq qauavigaxache aca nauole 'ayiiña maye qaica ca lalegue, da qarachetaqtaxanaqche da qaỹa'añi da qana'achecỹaxaqui, qataq qaua'axacheeuec anam qarachetaqtaxanaqche maye maiche qami' chegoqchiguilo da qaỹa'añeeuo, cha'aye nachera da ỹataqta qanqopichiỹa da qauo'oche qami' Israel le'ecpi. Qaq 'era da la'aqtac Ñim Nataxala'.

Salmos 22:14

Qataq sheeta'am ca 'etaxat da qaicorec, naua ipi'ineqa qalaq huesoguilo, qaq añi iquiyaqte qalaq 'eeta'am aca dapic lapa da quiguiñi.

Éxodo 12:9

Qaq saishet qome da qollequi ca laỹe da ñaq tocchigui, huo'otaq ca qoỹaatauaq. Qaq ima ca shiguiỹac, lqaic, lapia'ate, qataq na lauel le'ec, namayepi qaỹauotta.

2 Crónicas 35:13

Qaq ime, nache qaỹauot so shiguiỹacpi da yaqto' qaỹo'oxoren so Lapascua, ipacchigui qanqa'en som nanettañi, qaq so laỹepi nachetaqtaxanaxatpi maye sa qaishetapec, qalaq qaỹachangui aso taxaquipi qataq aso napaxaỹaqtaxanaxaquipi, qataq so ntonaxanaxaquipi da qoỹaneuaq, nache ỹataqta qaiỹalapegue' da qaimenoigui 'enauac som nhuo' le'ecpi.