Éxodo 12:6 - La'aqtaqa Ñim Lo'onatac 'Enauacna 2013

⁶ Nache qaỹaỹamaxat que'eca shiguiỹac, nato' qom ivireuga ca na'a'q catorce ne'ena ca'agoxoic. Nache 'enauac na Israel le'ecpi ñi 'oonolec huaxaiguet ca llalaqpi, nache ỹalauat qom mashe napalchiguiñi.

Éxodo 12:6 Referans Kwoze

Levítico 23:5

Da ivireuga ca na'a'q catorce ca la'auaxanec ca'agoxoic, qataq da mashe inoxoochiguiñi añi nala', nache qauo'oche ca Lapascua da yaqto' qavio'oxoyiñi Ñim Nataxala'.

Números 28:16

Qaq ca na'a'q catorce ca la'auaxanec ca'agoxoic ye vi'i, nache huetoigui qome da qaỹo'ot ca Lapascua da qaỹo'oxoren Ñim Nataxala',

Números 9:11

qalaxaye huetoigui naqa'en ca na'a'q catorce, que'eca lỹa ca'agoxoic da mashe napaltapiguiñi. Nache ỹauot ca qagueta llalec da chec, qataq aca nauole qaica ca lalegue, qataq aca nalecnaxanaqte huoue chemaxaxarai,

Éxodo 12:18

Qaq qollequi qome aca nauole 'ayiiña maye qaca aca lalecte ca avit que'eca na'a'q catorce ne'ena la'auaxanec naua ca'agoxoiqa, choche ivitta'a ca avit ca na'a'q veintiuno ne'ena ca'agoxoic.

Hechos 4:27

Ỹataqta 'eesa da huaña ne'ena nỹecpi co'ollaq dataỹa't so Herodes Antipas qataq Poncio Pilato qataq na shiỹaxauapi maye chegaqa'ague da Roma qataq na Israel le'ecpi da yaqto' ỹalauat So Jesús, Som 'Arca'aguishec da yaqto' Nta'a.

Ezequiel 45:21

Qaq ca na'a'q catorce ca la'auaxanec ca'agoxoic, nache qauachegoxocheechiguiña qome da qauo'oche ca qaraponaxaqui Lapascua, nache ivittre'c qome caua siete na'axa'te da qollequiitac aca nauole 'ayiiña maye qaca aca lalecte maye ỹasheeraxachigui.

Éxodo 16:12

«Aỹem sa'aqtega da qauem ltaxaỹaxac na Israel le'ecpi. Qaq qonapega namayepi, qoneta': Qom mashe napalchiguiñi, nache qami' qollequi qome ca lapat, qaq qonte' nte'eta, qalaq qollequi ca nallec, nache ivitta'a da ỹataqta qami' comaraxaiqa. Yaqto' qami' qauaỹaañita da Aỹem Nachaỹem Nataxala' maye Qanatamnaxala'ai.»

Lucas 23:18

Qalaxaye 'enauac so shiỹaxauapi maye hueta'a yi'iye nmasheguem da ỹa'alaq, 'eeta': –¡'Auamaxasoxoolec da qaỹalauat da Jesús! ¡Qaq ca Barrabás, qalaxaye 'ausouec!

Lucas 23:1

Nache 'enauac ñesheguem somayepi, nache qaỹauegueua'a So Jesús so Pilato.

Marcos 15:25

Qaq co'ollaq qaiuaxaneuo Somaye nache mashe qaỹatasheguemgue aso nala'.

Marcos 15:11

Qalaxaye nam lataxala'pi na ntaxaỹaxanaxanecpi, namayepi ỹayena'a na shiỹaxauapi, da yaqto' iỹaxanaua'a da qaisouec so Barrabás.

Marcos 15:8

Nache se'eso shiỹaxauapi maye hueta'a ye Jerusalén nqo'oneua'a so Pilato da yaqto' iỹaxanot da isouec so 'oonolec ncoñeteguishec, da ipaqueelec da maiche lataxac.

Marcos 15:1

Qaq co'ollaq mashe yo'oxoñi, nache dataỹa't som lataxala'pi na ntaxaỹaxanaxanecpi, qataq so nqueroxonecpi maye lataxala' na judiopi qataq som dapaxaguenataxaatapeguec na nqataxacpi maye chegoqo'ot so Moisés, qataq 'enauac som nta'alpi maye loicnatac na lataxaguesat. Nache somayepi ỹauec So Jesús, qaicoñetta'a't naua lhua'q, nache ỹauegueua'a so Pilato.

Mateo 27:25

Nache so shiỹaxauapi nmasheguem da ỹasat, 'eeta': –¡Qomi' qataq na qoyalaqpi ñachoxola't qome da qarasouaxashet da l-leuaxa de'era ỹale!

Mateo 27:20

Qalaxaye som lataxala'pi nam ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som lataxala'pi na shiỹaxauapi, somayepi ỹañoxot da ỹayen so hueta'a yi'iye, da yaqto' iỹaxanaua'a da qaisouec so Barrabás, qataq da yaqto' qaỹalauat So Jesús.

Números 28:18

Qataq que'eca la'auaxanec na'a'q que'ecaua siete na'axa'te, nache qaỹo'ot ca ỹo'oxoraq naponaxac. Nache que'eca na'a'q qaica ca qaỹo'ot no'onatac.

Hechos 3:14

Nache qami' saishet co'ollaxa da qauỹaxañiiua'a da qaisouec se'eso ỹale maye qui'itta qataq no'on da lataxac; nda'a't da qami' qauỹaxañiiua'a da qaisouec som laataxanaxaic.

Hechos 2:23

Qaq nache 'eetai' da Ñimaye lhuennataxac da So Jesús huo'o da nque'eenaxac qataq qoỹaneua'a na npa'aguenaxauapi. Qami' qaucoñiye Somaye qataq qaỹa'añiiua'a na Roma le'ecpi da yaqto' ỹalauat.

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Éxodo 12:14

Qaq que'eca na'a'q, nache qami' saishet da qaucoviỹa'ai da qauo'oche ca ỹataqta lta'araic qayo'oxonnataxanaxaqui da qavio'oxoyiñi Nam Nataxala'. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qataq nache 'ena'am qome ca qaỹa'alquipi.

Éxodo 12:17

Qaq qami' qauo'oche qome ca qayo'oxonnataxanaxaqui que'eca na'a'q maye huetoigui da qanallec ana nauole 'ayiiña maye sa qaỹauo'o ana lalecte, cha'aye que'eca na'a'q huetoigui da qami' ñeqateeguesopa na Egipto. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qaq nache 'ena'am qome ca qaỹa'alquipi.

Éxodo 12:47

Qaq 'enauac qome na Israel le'ecpi da ỹo'ot damaye.

Éxodo 16:1

Qaq 'enauac so Israel le'ecpi jec chegoqchiguiña ye Elim, nache ivira'a ye toolec 'alhua ye Sin maye vichiguinguilo ye Elim qataq ye Sinaí. Qaq mashe inoxonec so 'oonolec ca'agoxoic qataq mashe laiñi so lỹa ca'agoxoic co'ollaq chegoqchiguiña ye Egipto.

Éxodo 19:1

So Israel le'ecpi ivita ye toolec 'alhua Sinaí, co'ollaq mashe ivi' soua tres ca'agoxoiqa da ca'ai ye Egipto.

2 Crónicas 35:1

Qaq so Josías, huaña naqa'en ye Jerusalén da ỹo'ot so Lapascua, da ỹo'oxoren Ñim Nataxala' so na'a'q catorce som la'auaxanec ca'agoxoic.

Esdras 6:19

Qaq so noxonecpi maye ñe'eguelaq co'ollaxa chegaqa'a ye Babilonia, ỹo'ot so lquia'axac lta'araic maye huaigui so Lapascua, huetoigui so na'a'q catorce so la'auaxanec ca'agoxoic.

Éxodo 29:39

Nache ca 'oonolec 'aỹa'aneuo ye nte'eta, qaq ca lỹa nache 'aỹa'aneuo ye avit.

Éxodo 29:41

Qaq ca lỹa qagueta maye 'aỹa'aneuo ye avit, nache 'eeta'am 'anqa'en da lataxac ca hua'auñi nachetaqtaxanaxat, qataq ca lataxa maye 'aucorelec ca nachetaqtaxanaxat da ama laitaỹaxac ỹamaateguet Ñim Nataxala'.

Josué 5:10

So Israel le'ecpi nmataqa' ye Gilgal, qaq huetoigui so avit se'eso na'a'q catorce se'eso ca'agoxoic da qaỹo'ot so Lapascua, huaña ye nalochiguiñi 'alhua ye Jericó.