Éxodo 12:51 - La'aqtaqa Ñim Lo'onatac 'Enauacna 2013

⁵¹ Qaq nache huetoigui se'eso na'a'q da Ñim Nataxala' nqateeguesop ye Egipto so alleppi Israel le'ecpi.

Éxodo 12:51 Referans Kwoze

Éxodo 12:41

qaq co'ollaq mashe inoxoorec se'esoua cuatrocientos treinta vi'iye, nache 'enauac se'eso nalleppi Ñim Nataxala' ca'ai yi'iye 'alhua.

Éxodo 6:26

Qaq so Moisés qataq so Aarón, nachesoua soua 'enapegalo co'ollaxa Ñim Nataxala', da nqatreeguesop so Israel le'ecpi ye Egipto, qataq naloqchiichiyiñi, 'eeta'am naqa'en ca alleppi.

Hechos 13:17

Ñim Lo'onatac 'Enauacna maye ỹo'oxoreetac nam Israel le'ecpi, Ñimaye lca'aguishec co'ollaxa som hua'au qarta'alpi, nache ỹanem somayepi da ỹataqta qalota, co'ollaq netaña yem 'alhua le'enaxat Egipto. Qaq co'ollaq ime, nache Ñimaye nqateeguesop yi'iye 'alhua somayepi, irolec dam lta'araic la'añaxac.

Judas 1:5

Qaq na'aictaxa da qami' mashe sogote da qauaỹaañi de'era, qalaxaye nache 'ena'am sauotaique da qami' seuennataxanaxaneque da 'eetec co'ollaxa Ñim Lo'onatac 'Enauacna da nqateeguesop ye 'alhua Egipto so Israel le'ecpi, ime, nache ileu naqa'en so shiỹaxauapi maye saishet da ỹa'amaqten Ñimaye.

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Éxodo 6:6

Qaq ỹoqo'oye 'am qojec qome, nache qonapega na Israel le'ecpi, da Aỹem maye Aỹem Nataxala' qami' ñeqateeguesopa qome da qanlataguiiqui qataq da qapa'atta qaro'onataxanaxaqui maye qami' ỹacheleguete na Egipto le'ecpi. Aỹem sachaxan qome da ỹa'añaxac da qami' ñeca'alaxatrec cha'aye serolec ñimaye da lta'araic iuaxanaxanaxac.

Éxodo 7:4

Qaq ñi faraón saishet qome da qami' ỹoqocha'alo, qalaxaye aỹem sachaxana qome da ỹa'añaxac na Egipto, qataq serolec da lta'araic iuaxanaxanaxac, nache ñeqateeguesop namaye nam ñalleppi, qataq nam ỹalamaxatpi maye llalaqpi so Israel.

Éxodo 12:50

Nache 'enauac so Israel le'ecpi da ỹo'ot 'enauac nam la'aqtacpi Ñim Nataxala' maye ỹamaxalec co'ollaxa so Moisés qataq so Aarón.

Éxodo 13:1

Ñim Nataxala' 'enapega so Moisés, 'eeta':

Éxodo 16:1

Qaq 'enauac so Israel le'ecpi jec chegoqchiguiña ye Elim, nache ivira'a ye toolec 'alhua ye Sin maye vichiguinguilo ye Elim qataq ye Sinaí. Qaq mashe inoxonec so 'oonolec ca'agoxoic qataq mashe laiñi so lỹa ca'agoxoic co'ollaq chegoqchiguiña ye Egipto.

Éxodo 19:1

So Israel le'ecpi ivita ye toolec 'alhua Sinaí, co'ollaq mashe ivi' soua tres ca'agoxoiqa da ca'ai ye Egipto.

Salmos 114:1

Qaq so Israel le'ecpi maye lauo' le'ecpi so Jacob, co'ollaq ca'ai ye Egipto maye saishet da lalamaxat lma'.

Salmos 136:11

Ñim nqateeguesop co'ollaxa ye Egipto so Israel le'ecpi, cha'aye da lauotaxanaqtaic chochaq tatec,

Amós 2:10

Qataq aỹem, qami' ñeqateeguesopa co'ollaxa ye Egipto, nache cuarenta vi'iye da qami' sauecta'agueta co'ollaq qoquiitalec ye toolec 'alhua, da yaqto' qami' sanema ye na'alhua na amorreopi.

Miqueas 6:4

Aỹem, qami' ñeqateeguesopa co'ollaxa ye Egipto, qataq qami' sesoueeguesopa da qanlataguiiqui, aỹem samaq co'ollaxa so Moisés, Aarón qataq aso María, da yaqto' qami' ỹaueca'agueta.

Génesis 50:24

Qaq huo'o so na'a'q, nache so José 'enapegalo soua lqaỹa't, 'eeta': «Mashe sa qaỹapeque ye laloqo' da seleu, qalaxaye Ñim Lo'onatac 'Enauacna anac qome da qami' itaua'n nache qami' nqateeguesopa ne'ena 'alhua, da yaqto' qami' ỹauegalo ye 'alhua maye ỹachaxanapeguem co'ollaxa so Abraham, Isaac qataq so Jacob.»

Levítico 23:43

yaqto' 'enauac ca qaỹa'alquipi ỹaỹateeta da Aỹem so'ot da qoviito'ot co'ollaxa na npe'lpi qo'oipaq lcouepi co'ollaq qami' ñeqateeguesopa ye Egipto. Qaq 'era da ỹa'aqtac, Aỹem Nataxala' maye Qanatamnaxala'ai.»

Números 23:22

Qaq Ñim Lo'onatac 'Enauacna maye nqateeguesop co'ollaxa ye Egipto, Ñimaye 'eeta'am da la'añaxac ca huaca no'onaxa le'ec.

Números 26:4

Qai'iyiiuo qome 'enauac na ivi' qataq na napacalec naua veinte vi'iye, nache ipacchigui qanqa'eñi da lamaxasoxonaxac Ñim Nataxala' maye ỹamaxalec da Moisés. Qaq 'ena nam llalaqpi so Israel maye chegoqchiguiña co'ollaxa ye Egipto:

Números 33:1

Qaq 'era da 'eetec so Israel le'ecpi, co'ollaq ca'ai ye 'alhua Egipto, somayepi inoicchiguiñi 'eeta'am ca alleppi, qaq so Moisés qataq so Aarón ilotrague' somayepi.

Deuteronómio 4:37

Ñimaye ỹataqta ỹauotec co'ollaxa so hua'au qarta'ailpi, ỹoqo'oye lca'aua'a nam chegoxoguetpi somayepi da yaqto' qami' nqateeguesopa ye Egipto, irolec da ỹataqta lta'araic la'añaxac.

Deuteronómio 16:1

Qaq da ivita so ca'agoxoic Abib, nache qaupaquiichigui qome da qauo'oche ca Lapascua. Nache qavio'oxoyiñi Ñim Nataxala' maye Qanatamnaxala'ai, cha'aye huetoigui co'ollaxa so pe se'eso ca'agoxoic Abib, da Ñim Nataxala' qami' nqateeguesopa ye Egipto.

Josué 24:5

Huaña co'ollaxa nache samaq so Moisés qataq so Aarón, nache aỹem seque'emaqchetec da nleuaxa so Egipto le'ecpi, nache ivitta'a da qami' ñeqatreguesopa yemaye.

1 Reyes 6:1

Qaq mashe ivi' co'ollaxa soua cuatrocientos ochenta vi'iye da so Israel le'ecpi ca'ai ye Egipto, nache so Salomón damaxasoxoolec co'ollaxa da qano'oxoosheguem aso atamnaxaqui maye lalamaqte Ñim Nataxala', co'ollaq mashe ivi' soua cuatro vi'iye da so ilotague' ye Israel, huetoigui so ca'agoxoic le'enaxat da Ziv, maye ca'atalec so la'auaxanec ca'agoxoic se'eso vi'i.

2 Crónicas 14:12

Qaq huaña, nache Ñim Nataxala', ỹanem so Asa qataq so Judá le'ecpi, da loxonec so Etiopía le'ecpi, nache somayepi datauec co'ollaxa.