Éxodo 12:50 - La'aqtaqa Ñim Lo'onatac 'Enauacna 2013

⁵⁰ Nache 'enauac so Israel le'ecpi da ỹo'ot 'enauac nam la'aqtacpi Ñim Nataxala' maye ỹamaxalec co'ollaxa so Moisés qataq so Aarón.

Éxodo 12:50 Referans Kwoze

Apocalipsis 22:15

Qalaxaye pa'atauec qome na ỹo'otta'ape naua qauema, qataq na ỹo'ottac da ldanaxanaxac, qataq nam huetapeeguet ana saishet da lhua, qataq na laataxanaxaicpi, qataq nam natameetacot nam saq 'en, qataq 'enauac nam nqopita da ỹo'ot da latenataxanaxac qataq napaxagueetega na qauem. Nache So Jesús 'enapeco':

Juan 15:14

Qaq qami' nacheqami' ñauochaxau', da qauo'oche dam qami' samaxaleguete.

Juan 13:17

Qaq qami' da qauaỹaañita de'era, nache qauo'oche, qaq huaña, nache ỹataqta qauamaichiguiñi.

Juan 2:5

Qalaxaye asomaye 'enapega som huetapecpi, 'eeta': –Qauo'oche qome 'enauac cam 'enapec Damaye.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Deuteronómio 12:32

Qaq ỹoqo'oye qauloitelec qome 'enauac nam qami' samaxaleguete, saishet da huo'o ca qanqotchiñiiuec, huo'otaq da qanqacheeua'a.

Éxodo 12:41

qaq co'ollaq mashe inoxoorec se'esoua cuatrocientos treinta vi'iye, nache 'enauac se'eso nalleppi Ñim Nataxala' ca'ai yi'iye 'alhua.

Éxodo 7:4

Qaq ñi faraón saishet qome da qami' ỹoqocha'alo, qalaxaye aỹem sachaxana qome da ỹa'añaxac na Egipto, qataq serolec da lta'araic iuaxanaxanaxac, nache ñeqateeguesop namaye nam ñalleppi, qataq nam ỹalamaxatpi maye llalaqpi so Israel.

Éxodo 6:26

Qaq so Moisés qataq so Aarón, nachesoua soua 'enapegalo co'ollaxa Ñim Nataxala', da nqatreeguesop so Israel le'ecpi ye Egipto, qataq naloqchiichiyiñi, 'eeta'am naqa'en ca alleppi.

Hebreos 11:27

So Moisés huo'o da lpi'iỹaxac Ñim Lo'onatac 'Enauacna, ỹoqo'oye ca'ai ye 'alhua Egipto, saishet da ñe'etega so lta'a nam netaña yemaye. Qataq saishet da nañan, qataq somaye 'eeta'am da iloto'ot Ñim Lo'onatac 'Enauacna maye saqcha'a co'ollaq ỹo'ot de'era.

Éxodo 12:49

Qaq de'era qalapaxañi lataxac nachera da qaỹo'otec qome ca maiche lañoqo' ne'ena 'alhua qataq ca choche chegaqauec da qami' netaiguilo.»

Éxodo 12:51

Qaq nache huetoigui se'eso na'a'q da Ñim Nataxala' nqateeguesop ye Egipto so alleppi Israel le'ecpi.

Números 3:51

Ime, nache so Moisés ỹanem so Aarón qataq so llalaqpi asa'aso nsheetenaxanaqte, nache ipacchigui da lamaxasoxonaxac Ñim Nataxala'.

Números 5:4

Nache so Israel le'ecpi ỹo'ot co'ollaxa de'era lamaxasoxonaxac Ñim Nataxala', maye ỹamaxalec co'ollaxa so Moisés, nache ca'ai naqa'en ye qanayeuta'a nanataqa' se'eso shiỹaxauapi.

Números 8:19

Nache ne'ena leviitapi, sanem ñi Aarón qataq na llalaqpi, 'eeta'am ñaqa'en da lachetaqtaxanaqte na Israel le'ecpi, da yaqto' ỹo'ot na no'onatacpi ñi npe'l maye naỹonqa', qataq da qaỹapalaxat na lasouaxashet na Israel le'ecpi. Yaqto' saishet da huo'o ca huaigui qauem na Israel le'ecpi da nqo'oneua'a ñi npe'l.»

Números 8:20

Nache so Moisés, Aarón qataq 'enauac so nhuo' le'ecpi, ipactelec da lamaxasoxonaxac Ñim Nataxala' da ỹo'otec na leviitapi da qaỹamaxalec co'ollaxa so Moisés.

Números 8:22

Nache co'ollaq ime de'era, nache so leviitapi, taua'a so npe'l maye naỹonqa' da yaqto' ỹacoolec da lo'onataxanaxac, qaq so Aarón qataq so llalaqpi ilotague' da lo'onataxanaxac somayepi. Nache qaipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Números 9:5

nache somayepi ỹo'ot de'era se'eso avit so na'a'q catorce se'eso ca'agoxoic, huaña so toolec 'alhua ye Sinaí, nache qaipacchigui 'enauac da lamaxasoxonaxac Ñim Nataxala' maye ỹamaxalec co'ollaxa so Moisés.

Números 36:10

Nache soua llale so Selofejad ipacchigui da ỹo'ot da lamaxasoxonaxac Ñim Nataxala' maye ỹamaxalec co'ollaxa so Moisés.