Éxodo 12:48 - La'aqtaqa Ñim Lo'onatac 'Enauacna 2013

⁴⁸ Qaq que'eca shiỹaxaua maye chegaqauec, camaye da nshetaique da dequi'iỹapegueuo da ỹo'oxoren Ñim Nataxala', qaq no'on da qaỹa'auaxaañi da qaỹauo'o ca na'anaxat na lo'oc 'enauac ca llalaqpi ỹalleppi. Qaq da ime, nache camaye ishet da dequi'iỹapegueuo. Cha'aye camaye 'eeta'am ca maiche lañoqo' que'eca 'alhua. Qalaxaye que'eca qaica ca na'anaxat, saishet da chec que'eca qagueta llalec.

Éxodo 12:48 Referans Kwoze

Números 9:14

Qataq ca chegaqauecpi maye qami' netaiguilo, camayepi nataqa'en ỹo'ot qome ca Lapascua da Aỹem ỹo'oxoren, qalaxaye ipacchiguilo naua lapaqtrañi lataxaco. Qaq de'era qalapaqtañi lataxac damaye ipacchigui da ỹo'ot qome ca chegaqauecpi qataq ca maiche lañoqo' ne'ena 'alhua.»

Colosenses 3:11

Qaq damaye saishet da huo'otaq nachera da yo'oqchigui da judío le'ec huo'otaq da saishet, huo'otaq ca huo'o ca na'anaxat na lo'oc huo'otaq ca qaica, qataq ca ỹaqa'a ca chegaqa'ague, huo'otaq nam sa naỹamaxatapec, huo'otaq ca nlatac huo'otaq ca sa nlatac. Cha'aye So Cristo nachaqsota 'oonolec imata, qataq hueta'aguet 'enauac na shiỹaxauapi.

Gálatas 3:28

Qaq ỹoqo'oye nagui saishet da huo'o ca ỹectega da judío le'ec huo'otaq saishet, huo'otaq ca nlatac, huo'otaq ca huesochiguiñi, huo'otaq da ỹale, huo'otaq aca 'alo. Cha'aye da mashe qana'ayeetaua'a So Jesucristo, nache 'enauac da qoñiita'a't.

Ezequiel 47:22

Qaq nachena qome nam qami' taỹoto da yaqto' qaralamaxache, qataq nataqa'en cam chegaqauecpi maye qami' ỹalectaiguilo, qataq da huo'o ca llalaqpi cam chegaqauecpi maye qami' netaiguilo. Qaq camayepi iuen da 'eeta'am qanqa'eñi da ỹataqta lañoqo' na Israel. Qom ivita da qancolaxachiigui na 'alhua qami' maye qauachegoqoiguet so Israel, nache nam chegaqauecpi nataqa'en qome huo'o ca taỹot 'alhua.

Éxodo 12:43

Qaq Ñim Nataxala' 'enapega so Moisés qataq so Aarón, 'eeta': «'Era qome da lataxac ca lapascua: Ca choche chegaqauec saishet qome da chec ca qagueta llalec maye qaỹalauat da qanallec,

Éxodo 12:19

Qaq saishet qome da huo'o ca ỹaỹamaxattac aca lalecnaxanaqte que'ecaua siete na'axa'te. Cha'aye da huo'otaq huo'o ca chec aca nauole 'ayiiña maye huo'o ana lalegue, nache camaye qaỹo'orauec da yaqto' saishet da ỹalegoigui na Israel le'ecpi, na'aictaxa camaye da huo'otaq nachena na Israel le'ecpi, huo'otaq ca choche chegaqauec.

Ezequiel 44:9

Qaq ỹoqo'oye Aỹem Nataxala', shenapec: Saishet qome da huenoxonoigui añi ỹalamaqte atamnaxaqui cam chegaqauec maye saishet da huetaigui da ntoonaxac, qataq da lo'ocỹaxac dam la'anaxat da ñaỹamaxataxac, qataq ivira'a cam chegaqauec maye ỹalectaigui na Israel le'ecpi.

Génesis 17:12

Qaq nagui nache chegoqchiguiña da 'enauac na ỹalleppi da qoñiita, iuen da qaỹauo'o ca na'anaxat na lo'oc da ivi' caua ocho na'axa'te da ñiguiñi, cam lañoqo' ca nma', qataq ca camachaqca nsheenaxanaxat maye chegoqo'ot cam chegaqauec, na'aictaxa da saishet da qami' chegoxogueta.

Génesis 17:11

Qaq ỹoqo'oye ñi 'oonolec da qoñiita iuen da qaicheguec na lqaic lo'oc ñi logoxoshet, qaq damaye nachera da la'anaxat da ñaỹamaxataxac da qami' ñaỹamaxatto.

Ezequiel 14:7

Qalaxaye da huo'o ca Israel le'ec huo'otaq ca chegaqauec da netaña na Israel da Aỹem ca'ai, da nañaneguet da ỹo'oxoreetac na lqolacpi, qataq imato'ot da lmeenaxanaxac nam ỹo'ot na lasouaxashet, ime nache nqo'ona ca na'aqtaxanaxanec da yaqto' Aỹem inat, nache maiche Aỹem sasateguet qome ca lnataxanaxac camaye:

Levítico 19:34

Nacherata da 'eeta'am da qoñeetec ca maiche qarhuo'oi le'ec da ỹataqta qauauochec camaye, cha'aye nache 'ena'am da qoñiita. Cha'aye nache 'eetec qami' co'ollaq qoviita'a ye Egipto da qauachegoqỹauec. Qaq 'era da ỹa'aqtac, Aỹem Nataxala' maye Qanatamnaxala'ai.